Skip to content

អាល់កៃដា

  1. វិទ្យាសាស្ត្រនយោបាយ អង្គការសកម្មប្រយុទ្ធអ៊ិស្លាមដ៏ធំមួយបង្កើតឡើងដោយ អូសាម៉ា ប៊ីនឡាដិន(Osama bin Laden)នៅចុងទសវត្សរ៍ឆ្នាំ១៩៨០ ហើយបានក្លាយជាអង្គការភេរវកកម្មដ៏ល្បីល្បាញបំផុតមួយរបស់ពិភពលោក បន្ទាប់ពីបានធ្វើការវាយប្រហារទៅលើអគារពាណិជ្ជកម្មក្នុងក្រុងញូវយ៉ក សហរដ្ឋអាម៉េរិក នាថ្ងៃទី១១ ខែកញ្ញា ឆ្នាំ២០០១។ អាល់កៃដាបានចាប់ផ្ដើមជាបណ្ដាញភ័ស្តុភារដើម្បីគាំទ្រដល់ជនមូស្ល៊ីមដែលប្រយុទ្ធនឹងសហភាពសូវៀតក្នុងអំឡុងពេលសង្គ្រាមអាហ្វហ្កានីស្ថាន។ នៅពេលដែលសូវៀតបានដកខ្លួនចេញពីអាហ្វហ្កានីស្ថានក្នុងឆ្នាំ១៩៨៩ អង្គការនេះបានបំបែកខ្លួន ប៉ុន្តែបានបន្តប្រឆាំងនឹងអ្វីដែលមេដឹកនាំរបស់ខ្លួនចាត់ទុកថាជារបបអ៊ិស្លាមពុករលួយនិងប្រឆាំងវត្តមានបរទេសដូចជាសហរដ្ឋអាម៉េរិកនៅក្នុងទឹកដីអ៊ិស្លាម។ ក្រុមនេះមានមូលដ្ឋាននៅប្រទេសស៊ូដង់មួយរយៈពេលនៅដើមទសវត្សរ៍ឆ្នាំ១៩៩០ ហើយនៅទីបំផុត បានបង្កើតទីស្នាក់ការកណ្ដាលរបស់ខ្លួនឡើងវិញនៅក្នុងប្រទេសអាហ្វហ្កានីស្ថាន នៅឆ្នាំ១៩៩៦ ក្រោមការឧបត្ថម្ភរបស់កងជីវពលតាលីបង់។ ក្រុមអាល់កៃដាបានរួមបញ្ចូលគ្នាជាមួយអង្គការអ៊ិស្លាមសកម្មប្រយុទ្ធមួយចំនួនទៀត រួមទាំងក្រុមជីហាតអ៊ិស្លាមរបស់អេហ្ស៊ីបនិងក្រុមអ៊ិស្លាមមួយចំនួនទៀត។ ជាញឹកញយ មេដឹកនាំអាល់កៃដាបានប្រកាសសង្គ្រាមបរិសុទ្ធប្រឆាំងនឹងសហរដ្ឋអាម៉េរិក។ អង្គការនេះបានបង្កើតជំរំសម្រាប់ពួកសកម្មប្រយុទ្ធមូស្ល៊ីមមកពីជុំវិញពិភពលោក ដើម្បីបណ្ដុះបណ្ដាលជំនាញយោធាដល់សកម្មជនរាប់ម៉ឺននាក់ ហើយភ្នាក់ងាររបស់ខ្លួនបានចូលរួមក្នុងការវាយប្រហារភេរវកម្មជាច្រើន រួមទាំងការបំផ្លិចបំផ្លាញស្ថានទូតអាម៉េរិកនៅទីក្រុងណៃរ៉ូប៊ី ប្រទេសកេនយ៉ា និងទីក្រុងដាអេសសាឡឹម ប្រទេសតង់សានី (ឆ្នាំ១៩៩៨) និងការវាយប្រហារដោយគ្រាប់បែកអត្តឃាតប្រឆាំងនឹងនាវាចម្បាំងអាម៉េរិកឈ្មោះខូល (The U.S. Warship Cole) នៅទីក្រុងអាដិន (Aden) ប្រទេសយេម៉ែន (ឆ្នាំ២០០០)។ មេដឹកនាំក្រុមអាល់កៃដា អូសាម៉ា ប៊ីនឡាដិន ត្រូវបានកងកុម្មង់ដូពិសេសរបស់សហរដ្ឋអាម៉េរិកសម្លាប់នៅថ្ងៃទី២ ខែឧសភា ឆ្នាំ២០១១ នៅក្នុងប្រទេសប៉ាគីស្ថាន។
    វិទ្យាសាស្ត្រនយោបាយ

Look up another word in the Khmer Dictionary

More words

មុខគួរ គុយ ប្រូបាប៊ីលីតេ កូនគោ កម្រិតកម្ពស់ តំបន់រងខ្យល់ និចលភាព ចរន្តខ្យល់ ប្រព័ន្ធលូ គ្រោះអាសន្ន ការស៊ើបអង្កេត ជញ្ជីងពាណិជ្ជកម្ម សហជីព គោលនយោបាយជាតិ គណបក្សប្រឆាំង បាល់កង់ អភិបាលកិច្ច គគុក បំពុល ទ្រព្យសម្បត្តិរបស់រដ្ឋ កម្ពស់សូរ កម្រិតរចនាបថ ស្រៈមធ្យម កតិ

Source: Samdech Chuon Nath Khmer dictionary and Khmer lexicons.