ឦស
[អ៊ីសៈ]- ន ( បា.; សំ. ឦឝ ) អ្នកធំ អធិប, អធិបតី, អ្នកដែលជាម្ចាស់លើគេ ។ ឦសភាព ឥស្សរភាព ។ ពាក្យកាព្យឬឋានន្តរមន្ត្រី, ខ្មែរបុរាណច្រើនរៀង ឦស ភ្ជាប់ពីខាងចុងសព្ទដទៃដែលមានចុងសព្ទជាស្រៈ អ, ផ្លាស់ ឦស ជា ឯស តាមវិធីសន្ធិសំស្ក្រឹត, ប្រើជា គុ. ក៏មាន, ប្រើជា សកត្ថ ឬ បទបូរណៈ គឺគ្រាន់តែរៀងភ្ជាប់មកសម្រួលពាក្យមិនសំដៅសេចក្ដីរបស់សព្ទ ឦស ក៏មាន, ដូចជា នគរេស "ក្រុងធំ" ឬ "ក្រុង" ; នរេស "អ្នកដែលជាម្ចាស់នៃនរជន" ( ព្រះរាជា ) ។ ព. កា. ថាព្រះបាទសម្តេចព្រះនរេស ជ័យជេស្ឋគ្រប់គ្រងរាជរដ្ឋា មានព្រះតម្រាស់ឲ្យសេនា ចូលមកគ្រប់គ្នាក្នុងវាំងជ័យ ។ ពានរេស "ស្ដេចពានរ" ; ភូបេស "ព្រះរាជា" ; ភូមេន្ទ្រេស "រាជាធិរាជ" ឬ "ព្រះរាជា"; រាជាធិបេស "អធិបតីតាងព្រះនេត្រព្រះកាណ៌នៃព្រះរាជា"; វង្សាធិបេស "អធិបតីរាជវង្ស" ឬ "អធិបតីរក្សាព្រះរាជវង្សានុវង្ស" ។ល។ ( លោក-អ្នកខ្លះដែលពេញចិត្តប្រើតាមសំនៀងលាវ-សៀម, ក៏សរសេរជា នគរេត, នរេត, ភូបេត, ភូមេន្ទ្រេត, រាជាធិបេត, វង្សាធិបេត ទៅអស់ ព្រោះលាវ-សៀមអានតួ ស ប្រកបមានសំឡេងជា ដ ឬ ត ប្រកបទៅវិញ; តាមការណ៍ពិត, គួរអានតាមសំឡេងអក្សរជាសំនៀងភាសាជាតិរៀងខ្លួនជាការត្រឹមត្រូវល្អ ) ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
អាល័យតែ អាតុរ សត្តមី រៀបរប វប្ប អាឡារិក អារ៉ិច អាល័ក្ស អាលាប អាវ៉ូកាចេរ អាវេសិក អាហារូបករណ៍ អើបឡើប ឧគ្ឃោសនា ជើងថ្ករ ពានា ឧត្តរិភង្គ ឧទ្ទោសិត ឧទ្ធច្ចៈ ឧបច្ឆេទកកម្ម ឧបជីវិក កោះធំ កល្យាណី អក្ខ
Source: Samdech Chuon Nath Khmer dictionary and Khmer lexicons.