Skip to content

ឧណ្ណា

[អ៊ុន-ណា]
  1. ន ( បា.; សំ. ឧណ៌ា ) រោមចៀម, រោមពពែឬរោមសត្វចតុប្បាទពួកចៀមពួកពពែ; សរសៃពីងពាង; រោមប្រជុំចិញ្ចើម គឺរោមដែលដុះនៅត្រង់ចន្លោះចិញ្ចើមទាំងពីរ ។ ឧណ្ណានាភី ( បា. –នាភិ ) ពីងពាង ។ ឧណ្ណាពស្ត្រ ឬ –ព័ស្ត្រ ( –ពស់ ឬ ព័ស ) សំពត់រោមចៀម ។ ឧណ្ណាម័យ ដែលធ្វើដោយរោមចៀម, ដែលយករោមចៀមធ្វើ : កម្រាលឧណ្ណាម័យ។ ឧណ្ណាលោម រោមប្រជុំចិញ្ចើម ។ ឈ្មោះវត្តធំមួយក្នុងក្រុងភ្នំពេញ, មានចេតិយបុរាណធំមួយនៅខាងក្រោយឧបោសថាគារ មានចេតិយធំបន្ទាប់ ៥ ព័ទ្ធជុំវិញ តភ្ជាប់នឹងចេតិយធំ; ក្នុងចេតិយធំនោះ តាមសេចក្តីដំណាលថា គេបញ្ចុះរោមប្រជុំចិញ្ចើមនៃព្រះមហាថេរមួយអង្គមាននាមពុំប្រាកដ . . . ។ លុះដល់មកពុទ្ធសករាជ ២៤២៣ សម្ដេចព្រះមហាសង្ឃរាជព្រះនាម ទៀង ( សុវណ្ណកេសរៈ ) បានបញ្ចុះព្រះបរមសារីរិកធាតុនៃព្រះសក្យ មុនីសម្មាសម្ពុទ្ធមួយព្រះអង្គតូចក្នុងចេតិយធំកណ្ដាល, ព្រះបរមធាតុនោះ ព្រះសិរីសុមង្គលាចារ្យ ជាសង្ឃនាយកនៅលង្កា ទ្វីបបានចាត់មហាថេរមួយរូបឈ្មោះ នាថវីរិយ ឲ្យនាំមកថ្វាយ ( តាមអក្សរចារឹកនៅលើមាត់ទ្វារចេតិយទាំងគូខាងមុខចេតិយធំ ) ។ ពាក្យនេះខ្មែរប្រើជា រ. ស. ថា ព្រះឧណ្ណាលោម " រោមប្រជុំចិញ្ចើមព្រះសម្ពុទ្ធឬក្សត្រិយ៍ ( ដែលកម្រមនុស្សណាមាន ) ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

ឥន្ទ– ឥន្ទុ ឥន្ធន អីវ៉ែ អឹងកង អ‍ឺ៎យ អឺអឹង អឺ៎ះ! អ៊ឹះ! ឧកាស! អុងឡូ ឧច្ច– ឧណ្ហ– ឧត្ដល ឧទរា– ឧទាន– ឧបឃាត ឧបទិស ឧបធិ– ឧបធិក ឧបមាន ឧបមៃយ ឧបយោគ ឧបរិម

Source: Samdech Chuon Nath Khmer dictionary and Khmer lexicons.