ឧណ្ហ
[អ៊ុន-ហៈ]- គុ ( បា. ;សំ. ឧឞ្ណ ) ក្ដៅ ។ ព. ផ្ទ. សីត ឬ សីតល។ ( ខ្មែរអ. ថ. អ៊ុន ) សំដៅសេចក្ដីថា "ក្ដៅបន្តិចៗ, ក្ដៅសង្អន់ៗ" : ទឹកក្ដៅឧណ្ហៗ ( ដើម្បីកុំឲ្យច្រឡំ, សរសេរជា ឧណ្ហ៍ ក៏បាន : ក្ដៅឧណ្ហ៍ៗ ) ។ ឧណ្ហកាល ឬ –សម័យ កាលឬសម័យក្ដៅ, រដូវក្ដៅ ។ ឧណ្ហចិត្ត ឬ –ហទ័យ ចិត្តក្ដៅ, ចិត្តរហេវរហាវ; ចិត្តកំពុងក្ដៅ ។ ឧណ្ហ៍ចិត្ត កក់ក្ដៅក្នុងចិត្ត, នឹកសង្ឃឹម ។ ឧណ្ហដ្ឋាន ទីឬកន្លែងក្ដៅ ។ ឧណ្ហប្បទេស ប្រទេសក្ដៅ ។ ឧណ្ហភ័យ ការខ្លាចក្ដៅ ។ ឧណ្ហភាព ភាវៈក្ដៅ, កម្ដៅ ។ ឧណ្ហភិត ( បា. –ភីត ) អ្នកខ្លាចក្ដៅ, អ្នកដែលចាញ់ក្ដៅ ។ ឧណ្ហមាត្រ ប្រដាប់សម្រាប់ស្ទង់មើលធាតុអាកាស ដើម្បីឲ្យដឹងក្ដៅត្រជាក់; កែវស្ទង់របស់ពេទ្យសម្រាប់ស្ទង់មើលនូវអាការក្ដៅត្រជាក់ក្នុងរូបកាយអ្នកជំងឺ ។ ឧណ្ហរង្សី ( បា. –រំសិ ) ព្រះអាទិត្យ ។ ឧណ្ហរោគ ឬ ឧណ្ហាពាធ ជំងឺក្ដៅ ។ ឧណ្ហវាទ ខ្យល់ដែលបក់ដោយទាំងចំហាយក្ដៅមកផង ។ ឧណ្ហវេលា វេលាក្ដៅ, ពេលកំពុងក្ដៅ ។ ឧណ្ហាការ អាការក្ដៅ ។ ឧណ្ហាលុ ដែលមានក្ដៅច្រើន; ប្រទេសដែលមានក្ដៅច្រើន : ប្រទេសឧណ្ហាលុ; មនុស្សចាញ់ក្ដៅ; ដែលចាញ់ក្ដៅ ។ ឧណ្ហោទក ( អ៊ុន-ហោទៈកៈ ឬ –ទក់; បា. < ឧណ្ហ + ឧទក "ទឹក" ) ទឹកក្ដៅ ( ម. ផ្ទ. សីតោទក ) ។ល។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
យោមរាជ គ្រាមេស គ្រាហ៍ យេស៊ូ គគ្រឹក ឧបាធ្យាយ ឧបជ្ឈាយ ទ្រៀស អនុកូល គ្រឹហាវាស វ៉ាន់ស៊ុយ ស្រៈពេញតួ ហ៊ុមរោង កន្ទឹស ក្រញឹង វគ្គន្តៈ ងងិះងងុះ រួយ រហឹម ម៉ាង អនុបាទិន្នក ម្ញ៉ិកម្ញ៉ក់ ខ្សេវ ង៉ាំង
Source: Samdech Chuon Nath Khmer dictionary and Khmer lexicons.