Skip to content

ឧត្ដម

[អ៊ុត-ដំ]
  1. គុ ( សំ. បា. ) ខ្ពស់, ខ្ពង់ខ្ពស់; កន្លង; ល្អ; ប្រសើរ; ថ្លៃថ្លា; បរិបូណ៍; សម្បូណ៍
    ថ្នាក់ឧត្ដម ថ្នាក់ខ្ពស់ ។ ប្រសើរឧត្ដម ប្រសើរកន្លង ។ ផលស្រូវឧត្ដម ផលស្រូវបរិបូណ៌ឬសម្បូណ៍ ។ ពូជពង្សឧត្ដម ឬពង្សពូជ– ពូជពង្សខ្ពង់ខ្ពស់ ។ ឧដុង្គឧត្ដម ឬឧត្ដុង្គ– ខ្ពង់ខ្ពស់លើសលែង ។ល។
    វចនានុក្រម សម្ដេចសង្ឃរាជ ជួនណាត
  2. គុ បើរៀងភ្ជាប់ពីខាងដើមសព្ទដទៃ អ. ថ. អ៊ុត-តៈម៉ៈ, ចួនថា អ៊ុត-ដំ. ម៉ៈ ឬ អ៊ុត-ដំ ក៏មានខ្លះ ( តាមទម្លាប់ស្រួលមាត់ ), ដូចជា ឧត្ដមគតិ គតិឧត្ដម គឺដំណើរកើតល្អ; ចិត្តគំនិតខ្ពង់ខ្ពស់ អធ្យាស្រ័យដែលដុះដាលចេញមក ដើម្បីរិះរកសេចក្ដីសុខ-ចម្រើន, គោលបំណងចង់ឲ្យបានល្អប្រពៃ, ...
    មនុស្សមានឧត្តមគតិ រមែងបានជាទីស្រឡាញ់នៃមហាជន ។
    វចនានុក្រម សម្ដេចសង្ឃរាជ ជួនណាត
  3. គុ ឧត្តមគន្ធ ក្លិនប្រសើរ ។ ឧត្តមគោត្ត ឬ –គោត្រ គោត្រខ្ពស់ ។ ឧត្តមគ្រឹហា ឬ –គ្រឹះ ផ្ទះល្អ, មានតម្លៃ ។ ឧត្តមង្គ ឬឧត្តមាង្គ ( –ម៉័ង, – ម៉ង់ ឬ–ម៉ាង ) ក្បាល, ត្បូង ។ ឧត្តមជាតិ ជាតិខ្ពស់ ។ ឧត្តមបុរិសៈ ឬ –បុរស បុរសខ្ពង់ខ្ពស់ ។ ព. វ. សំ. បា.បុរិសៈទី៣ ត្រង់ ខ្ញុំ, អញ, យើង ។ ឧត្តមភាព ភាព ឧត្ដម ។ ឧត្ដមភូមិ ថ្នាក់ខ្ពស់ ជាន់ខ្ពស់។ ឧត្ដមភេទ ( បា. –វេស; សំ. –វេឝ) ភេទឧត្តម ។ ព. ពុ. បព្វជិតភេទ ។ ឧត្តមមន្ត្រី ( អ៊ុត-ដំ– ) មន្ត្រីថ្នាក់ខ្ពស់; មន្ត្រីរដ្ឋបាលថ្នាក់ខ្ពស់ ។ ឧត្តមវង្ស ឬ-ពង្ស វង្សខ្ពស់, ពូជខ្ពស់ ។ ឧត្តមវិជ្ជា ឬ –វិទ្យា វិជ្ជាជាន់ខ្ពស់ ។ ឧត្ដមស័ក្តិ ស័ក្តិខ្ពស់ ។ ឧត្ដមសេនានី មេទាហានជាន់ខ្ពស់ ចាប់តាំងពីថ្នាក់ឧត្ដមសេនីយ៍ត្រីទៅដល់សេនាប្រមុខ ។ ឧត្តមសេនីយ៍ ឋានន្តរមេទាហានជាន់ខ្ពស់ជាមេបញ្ជាការកងទ័ព ។ ឧត្តមសេនីយ៍ត្រី ឧត្តមសេនីយ៍ដែលមានឋានន្តរសក្តិក្រោមឧត្ដមសេនីយ៍ទោ ។ឧត្ដមសេនីយ៍ទោ ឧត្តមសេនីយ៍ជាចន្លោះឧត្តមសេនីយ៍ត្រី និងឧត្តមសេនីយ៍ឯក ។ ឧត្តមសេនីយ៍ឯក ឧត្តមសេនីយ៍មានឋានន្តរសក្ដិខ្ពស់ជាងឧត្តមសេនីយ៍ទោនិងឧត្តមសេនីយ៍ត្រី ។ ឧត្តមានុភាព អានុភាពខ្ពង់ខ្ពស់ឬខ្លាំងក្រៃ ។ ឧត្តមាភិសេក អភិសេកខ្ពង់ខ្ពស់ ( ម. ព. សមណុត្តមាភិសេក ផង ) ។ ល។ ព. កា. ប្រើជា ឧត្តម :, ឧត្ដមា, ឧត្តមោ, ឧត្ដមំ ( –មុ័ង ) ក៏បាន ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

វី ស្រទាប់ ស្រាក ពង្រីក ត្រៃ ភាគរយ វគ្គ ញញើត បាច់ គូរ ដោត សណ្ដែក ជង្គង់ ព្រឹក មធ្យម ទំនៀម ស្រាប់តែ ភូមិសាស្ត្រ អតិថិជន អចិន្ត្រៃយ៍ ទូរគមនាគមន៍ មេកាព្យមូលដ្ឋាន វិក្កយបត្រ ព្រែក

Source: Samdech Chuon Nath Khmer dictionary and Khmer lexicons.