ឧត្តរិ
[អ៊ុត-តៈរ៉ិ]- កិវិ ( បា. ឧត្តរិ ឬ ឧត្តរឹ; សំ. ច្រ. ប្រ.ជា ឧត្តរឹ ) ក្រៃលែង, លើសលែង, លើសទៅទៀត; ច្រើនលើសទៅទៀត; ដែលជាងគេ; តទៅ,តទៅទៀត; ទៀត; ខាងលើសម្ដីឧត្តរិ សម្ដីលើសពីធម្មតា ។ ខ្មែរប្រើសំដៅសេចក្ដីថា "សម្ដីលើសពីហេតុពិត, សម្ដីបំផ្លើស, សម្ដីភូតភរ" ក៏មាន ។ មនុស្សឧត្ដរិ មនុស្សវិសេសក្រៃលែងជាងមនុស្សធម្មតា ( ឧត្តរិមនុស្ស ) ។ ខ្មែរប្រើជា " មនុស្សអ្នកអួតអាងហួសហេតុ, មនុស្សភូតភរ " ។វចនានុក្រម សម្ដេចសង្ឃរាជ ជួនណាត
- កិវិ ឧត្ដរិគមនាគម ការទៅមកបន្តគ្នាមិនដាច់ ។ ឧត្តរិត្រីមាស លើសពីបីខែ, ជាងបីខែ ។ ឧត្ដរិទ្វិរត្ត លើសពីពីរយប់, ជាងពីរយប់ ។ ឧត្តរិភង្គ ( –ភ័ង-គៈ ឬ ភ័ង) ឈ្មោះសម្លខាប់មួយប្រភេទ( លោកអ្នកចេះបាលីខ្លះយល់ថា សម្លការី ប៉ុន្តែតាមសេចក្ដីពន្យល់ក្នុងវិន័យថា ឧត្តរិភង្គនេះជា ព្យញ្ជនាហារ គឺជាម្ហូបខាប់ឬម្ហូបគោក បែបដូចជា ម្ហូបភ្លា ទេដឹង? ) ។ ឧត្តរិមគ្គ មគ្គថ្នាក់លើ ( ព. ពុ. ) ។ ឧត្តរិមនុស្ស មនុស្សអ្នកមានគុណវិសេសលើសលែងជាងមនុស្សធម្មតា គឺមនុស្សអ្នកបានសម្រេចធម្មវិសេសមានឈានជាដើម រហូតដល់មគ្គផលនិព្វាន : ព្រះអរហន្តជាឧត្តរិមនុស្សក្នុងលោក ។ឧត្តរិមនុស្សធម្ម ធម៌របស់ឧត្តរិមនុស្ស ។ ឧត្តរិលាភ លាភដ៏លើសលុប; លាភដែលចេះតែបានច្រើនៗមិនដាច់; លាភសម្រាប់ឧត្តរិមនុស្ស; លាភដែលមនុស្សសាមញ្ញមិនអាចនឹងបាន ។ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
សូក ស្មូញ ទ្រង់ជ្រាប សោភ័ណ រញ៉ាំ តាវ ស្រឡេត អញ្ញាត ផ្អូម អាឃាត អារញ្ញ ឱរ៉ុប ចារី ដង់ស៊ីតេ ស៊េរី អ៊ីសូតូប គោលជំហរ លៀម មហន្តរាយ ពិសិដ្ឋ ជាតិពន្ធុ ភាសាវិទ្យា វិធា បម្រះ
Source: Samdech Chuon Nath Khmer dictionary and Khmer lexicons.