ឧទ្ទាម
[អ៊ុត-ទាម]- គុ ( សំ. ឧត៑ > ឧទ៑ + ទម; បា. ឧ + ទម " ដែលមានដំបូន្មានរើឡើង " ) ដែលអស់ទូន្មានបាន, ដែលបង្វឹកមិនកើត; ដែលឡើងកម្លាំងឡើងចិត្ត, ទ្រើសកម្លាំងទ្រើសចិត្ត, ទ្រើសឃ្នង, ឡើងចាងមិនស្ដាប់ឱវាទមិនស្ដាប់ច្បាប់; ខ្មាំងចំពោះរាជការផែនដីក្របីឧទ្ទាម ក្របីឡើងក ទ្រើសកម្លាំងពិបាកប្រើ ឬក្របីដែលលែងចោលយូរនៅតែក្នុងព្រៃផ្លាងចាប់យកមកប្រើមិនកើត ។ សេះឧទ្ទាម សេះដែលទម្រើសទាល់តែឡើងកម្លាំង, សេះរោង ។ មនុស្សឧទ្ទាម មនុស្សទ្រើសឃ្នងពួននៅតែក្នុងព្រៃ ឬមនុស្សដែលតាំងខ្លួនជាខ្មាំងក្បត់ផែនដី ( ប្រើជា ន. ក៏បាន : បង្រ្កាបពួកឧទ្ទាមដែលចូលមករាតត្បាតនៅជាយដែន ) ។ ស្រែឧទ្ទាម ស្រែដែលគេបោះបង់ចោលទៅជាព្រៃខ្លះ ។ ឧទ្ទាមឡើងរាជ្យ មនុស្សខ្មាំងឡើងចាង ឬខ្មាំងឡើងបានជាស្ដេចសោយរាជ្យ ។វចនានុក្រម សម្ដេចសង្ឃរាជ ជួនណាត
- គុ ( ព. កា. )កូនប្រុសទម្រើស ទាល់តែឡើងទ្រើស ទៅជាឧទ្ទាម នាំឲ្យរដ្ឋា- ភិបាលគំរាម វាមិនស្ដាប់តាម ម៉ែឪព្រួយខ្លាំង ។ ជួននាំបះបោរ ជួនទៅជាចោរ ឃោរឃៅប្រឆាំង គួរម៉ែឪស្ដាយ កូនប្រុសត្រឡាំង មិនគួរភ័ន្តភាំង ដល់ម្ល៉ឹងទៅសោះ ។ ឧទ្ទាមឡើងចាង ព្រោះវាមានអាង ព្រៃជួយរំដោះ ពេលថ្ងៃលាក់ខ្លួន ពេលយប់ផុតគ្រោះ វាចូលភូមិព្រោះ អ្នកភូមិខ្លាចវា ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
សាមសិប ត្រុដិ អរហត្តផល អកតញ្ញូ សរណ សិក្ខា ល្ហេវ ប៉ែ ម្នេញ ដុំដៃ លាស ថ្មោង បំណាច់ ប្រទក្សិណ តន្ត្រំ ទ្រោល រទូ បុញ្ញកិរិយាវត្ថុ ទារុណ អប្សរ មន្ត្រ និទ្ទា ប្រថាប់ ហឹប
Source: Samdech Chuon Nath Khmer dictionary and Khmer lexicons.