ឧបយុវរាជ
[អ៊ុប៉ៈយុវៈរាច]- ន ( បា. ឬ សំ. ស. ) ក្សត្រិយ៍ដែលកំពុងទ្រង់ព្រះយៅវ៍ ( ក្សត្រិយ៍កំលោះ ) ដែលមានឋានៈជាឧបរាជទី ១ ឬឧបរាជស្ដាំព្រះបាទសម្ដេចព្រះនរោត្តម សីហនុវរ្ម័ន ជាព្រះមហាក្សត្រិយ៍ប្រទេសកម្ពុជាទ្រង់ប្រកបដោយព្រះទសពិធរាជធម៌, ដោយហេតុឋិតនៅក្នុងរាជសម្បត្តិ ព្រះអង្គពុំអាចញ៉ាំងប្រទេសជាតិដែលកំពុងច្របូកច្របល់ ព្រោះតែមានគណៈបក្សច្រើនហួសប្រមាណ ឲ្យមានដំណើរប្រកបដោយវឌ្ឍនភាពបាន, ទ្រង់ក៏បានសម្រេចព្រះរាជហ្ឫទ័យប្រកាសដាក់រាជ្យនៅថ្ងៃទី ២ មីនា ព. ស. ២៤៩៩ គ. ស. ១៩៥៥ ស្ដេចចុះមកទទួលព្រះតំណែងជា សម្ដេចព្រះឧបយុវរាជវិញ ដោយបានបង្កើតអង្គការចលនាបង្រួបបង្រួមជាតិមួយ ឲ្យឈ្មោះថា " សង្គមរាស្ត្រនិយម " ជាលទ្ធិសង្គមនិយមពុទ្ធសាសនា ដែលមានព្រះអង្គជាព្រះអគ្គមហាប្រធាន ហើយដែលមានលក្ខន្តិកៈ ចុះថ្ងៃទី ២២ មីនា ព. ស. ២៤៩៩ គ. ស. ១៩៥៥ បើកឲ្យប្រជាពលរដ្ឋខ្មែរគ្រប់ឋានៈ ចូលជាសមាជិក ។ តាំងពីអង្គការនេះបានកើតប្រាកដឡើង ក្រោមការដឹកនាំដ៏វាងវៃបំផុតរបស់ព្រះអង្គ, សមិទ្ធិគ្រប់វិស័យក៏បានរីកចម្រើនកើនឡើងជាលំដាប់, ប្រជាពលរដ្ឋទាំងបព្វជិត ទាំងគ្រហស្ថក៏មានស្វាមីភ័ក្តិទទួលគោរពយ៉ាងក្រៃលែង បានប្រកបដោយសុខសន្តិភាពជានិច្ចនិរន្តរ៍; ប្រជាពលរដ្ឋដែលមានរដ្ឋសភាជាតំណាង ព្រមទាំងព្រះរាជរដ្ឋាភិបាលបានថ្វាយព្រះឋានៈព្រះអង្គជាសម្ដេចព្រះប្រមុខរដ្ឋតរៀងមក ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ឧក្កាបាត ឧត្តរទិស ឧទ្ទេសកៈ ឧទ្ទេសា– ឧទ្ធច្ច– ឧន្មាគ៌ា ឧបការិណី ឧបឃាតិកា ឧបច្ឆេទក ឧបជីវិកា ឧបជីវិនី ឧបនាយិកា ឧបយៅវរាជ ឧបរិមទិស ឧបលក្ខិត ឧបលិង្គ– ឧបវាទិនី ឧបសម្ប័ទ ឧបសម្បទ– ឧបោសថិកៈ ឧបោសថិក– ឧបោសថិកា ឧយ្យោធិក អ៊ុលអាល់
Source: Samdech Chuon Nath Khmer dictionary and Khmer lexicons.