Skip to content

ឧសភ

[អ៊ុសប់]
  1. ន ( បា. ឧសភ; សំ. ឫឞភ ) គោឈ្មោល, គោឡើងក, គោបា ( ច្រើននិយាយថា គោឧសភ ) ។
    វចនានុក្រម សម្ដេចសង្ឃរាជ ជួនណាត
  2. ន ឈ្មោះខែទី ២ នៃសុរិយគតិ; សព្វថ្ងៃប្រើជា ឧសភា ត្រូវនឹងខែម៉េបារាំងសែស ( ប្រើក្លាយជា ព្រឹសភៈ ក៏មាន ។ ម. ព. រាសី ផង ) ។
    វចនានុក្រម សម្ដេចសង្ឃរាជ ជួនណាត
  3. ន ឈ្មោះរង្វាស់ឬមាត្រាវាស់មួយយ៉ាង ( ប្រើក្នុងបុរាណសម័យ ) ប្រវែងឬចម្ងាយ ២០ យដ្ឋិ ( ១៤០ហត្ថ )
    ចម្ងាយមួយឧសភ ( ម. ព. លិក្ខា ឬលិក្សា ទៀតផង ) ។ គុ.ឧត្តម, ខ្ពង់ខ្ពស់; ចម្បង; លើសលែង ។ ឧសភរាជ ស្ដេចគោ គឺគោឈ្មោលដែលចម្បងជាងគោទាំងពួង ។ ខ្មែរហៅគោព្រះរាជទ្រព្យសម្រាប់ទឹមក្នុងព្រះរាជពិធីវប្បមង្គល ( ច្រត់ព្រះនង្គ័ល ) ថា គោឧសភរាជ ដោយសំដៅសេចក្ដីថា " គោព្រះរាជទ្រព្យ " ឬ " គោឧត្តម, គោមង្គល " ។ ឧសភសព្ទ សូរគោឈ្មោលយំឬរោទ៍, យោបំគោឧសភ : ចម្ងាយមួយឧសភសព្ទ ។ បុរិសាសភៈ ( បា. < បុរិស + ឧសភ > អាសភ ) បុរសឧត្តម; ព្រះសព្វញ្ញុពុទ្ធ ។ រថេសភៈ ( បា. < រថ + ឧសភ ឬ អាសភ < ឧសភ ) អ្នកជាប្រមុខនៃរថានឹក ( មេទ័ពទាហានរថ ); ក្សត្រិយ៍ទ្រង់រាជ្យ ។ ល ។ ព. កា. ប្រើជារថេសភ ( –សប់ ) ក៏បាន, ដូចកាព្យថា : មទ្រីទេវីនាងទូលថា បពិត្របិតារថេសភ ខ្ញុំម្ចាស់សូមតាមទៅគោរព ព្រះវេស្សន្តរជាស្វាមី ។ ព្រោះបើមិនទៅនៅឯអាយ ជាស្ត្រីមេម៉ាយពុំគប្បី ខ្ញុំម្ចាស់ត្រូវទៅតាមស្វាមី បុត្រាបុត្រីត្រូវទៅដែរ។ ( តាមសេចក្ដីក្នុងមហាជាតក៍ ទានកណ្ឌ ) ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

យ័ន្ត គ្រាមភាសា ស្រទប លិក្ខា លិក្សា លុង គុណវិបត្តិ គុលិកា នគរវត្ត គ្រេង គេហ សំបែង មត កាំជ្រួច គំហក គ្នេរគ្នាន់ គ្រហាញ ដុំដី យមរាជ ច្រវាត់ បញ្ជាន់ ថ្ពែក បរមាណូ វិនាទី

Source: Samdech Chuon Nath Khmer dictionary and Khmer lexicons.