ឱម!
- ន ( សំ. ឱម៑ ) ពាក្យសង្ខេបជាបទសន្ធិនៃអក្សរ ៣ តួគឺ .អ ឧ. ម. , អ + ឧ > ឱ + ម > ឱម ឬ ឱ្ម ; អ. គឺ វិស្ណុ, ឧ. គឺសិវៈ, ម. គឺ ព្រហ្ម; ជាត្រៃសរណៈរបស់ពួកព្រហ្មណិក សម្រាប់បញ្ចេញវចីភេទគោរពចំពោះទេវតាស័ក្តិសិទ្ធិ ៣ អង្គគឺ ព្រះវិស្ណុ , ព្រះឥសូរ , ព្រះព្រហ្ម ; ប្រើរៀងក្នុងខាងដើមបទវេទ, មន្ត និងសេចក្ដីសូត្រផ្សេងៗ ឬប្រើជាពាក្យបន្លឺសូមពរសូមជ័យស្រីសួស្ដី ឬក៏ប្រកាសជ័យជម្នះ ( ត្រូវគ្នានឹងពាក្យ ជយោ! ) ក៏មាន, ប្រើជាពាក្យបន្លឺទទួលអំណរ ( ត្រូវគ្នានឹងពាក្យ សាធុ ! ) ក៏មាន ។ ខ្មែរសម័យបុរាណប្រើជា ឱម ! ឬ ឱ្ម ! តាមបែបដើម, លុះចំណេរកាលតមក ច្រើនប្រើក្លាយជា ឩម ( អូម ), សម្រាប់រៀងក្នុងខាងដើមមន្តអាគម ។ ឱម > អាម ក៏មាន; ខ្មែរក្នុងអបរសម័យ ច្រើនប្រើ អាម ជាបរិវារសព្ទរបស់ ឩម , និយាយថា ឩមអាម ( ម. ព. ឩម ! និង អាម ទៀតផង ) ។ ពួកពុទ្ធសាសនិកក្នុងអបរសម័យរៀងមកដល់បច្ចុប្បន្ននេះ យកពាក្យ ឱម ! មកប្រើជា រត្នត្រ័យសង្ខេប គឺ អ. ឧ. ម. ដូចបែបដើមដែរ ប៉ុន្តែសំដៅសេចក្ដីថា អ. គឺអរហំសម្មាសម្ពុទ្ធ, ឧ. គឺឧត្តមធម៌, ម. គឺ មហាសង្ឃ ( ព្រះពុទ្ធ, ព្រះធម៌, ព្រះសង្ឃ ); នមស្ការថា នមោ ឱមស្ស! សូមនមស្ការចំពោះ អ. ឧ. ម. គឺព្រះពុទ្ធ ព្រះធម៌ ព្រះសង្ឃ !; ឬថា នមោ ឱមរតនត្តយស្ស ! សូមនមស្ការចំពោះ អ. ឧ. ម. រត្នត្រ័យគឺ ព្រះពុទ្ធ ព្រះធម៌ ព្រះសង្ឃ ! ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ឩម! អៀម ឯក– ឯកោ ឯថា អែន អៃ! អៃ– ឰក– ឱឃៈ ឱទក ឪទក អៅ! ឳទក អះ! យឿង ប៊ត ឈែត ភែន រែម វេប វែន តួប ភីត
Source: Samdech Chuon Nath Khmer dictionary and Khmer lexicons.