Skip to content

កិច្ចប្រជុំកំពូលអាស៊ាន

  1. វិទ្យាសាស្ត្រនយោបាយ កិច្ចប្រជុំកម្រិតខ្ពស់បំផុតរបស់អាស៊ាន ដែលដើរតួនាទីជាអង្គភាពរៀបចំគោលនយោបាយកំពូលរបស់អាស៊ាន ហើយត្រូវចូលរួមដោយប្រមុខរដ្ឋ ប្រមុខរដ្ឋាភិបាលនៃរដ្ឋសមាជិក។ កិច្ចប្រជុំនេះត្រូវរៀបចំឡើង២ដងក្នុងមួយឆ្នាំក្នុងរដ្ឋសមាជិកដែលទទួលបន្ទុកជាប្រធានអាស៊ាន។ ក្នុងករណីចាំបាច់ ត្រូវរៀបចំកិច្ចប្រជុំពិសេសឬកិច្ចប្រជុំអាដហុកក្រោមអធិបតីភាពនៃរដ្ឋសមាជិកដែលទទួលបន្ទុកជាប្រធានអាស៊ាននៅទីកន្លែងនៃកិច្ចប្រជុំនេះដែលកំណត់តាមការឯកភាពពីរដ្ឋសមាជិកអាស៊ានទាំងអស់។ យោងតាមមាត្រា៧នៃធម្មនុញ្ញអាស៊ាន កិច្ចប្រជុំកំពូលអាស៊ានមានភារកិច្ច៖ - ពិគ្រោះយោបល់ ផ្ដល់មាគ៌ានយោបាយនិងធ្វើការសម្រេចលើបញ្ហាជាគន្លឹះដែលទាក់ទងនឹងសមិទ្ធផលនៃគោលដៅរបស់អាស៊ាន បញ្ហាសំខាន់ៗដែលជាផលប្រយោជន៍របស់រដ្ឋសមាជិកនិងរាល់បញ្ហាទាំងឡាយដែលពាក់ព័ន្ធ តាមរយៈក្រុមប្រឹក្សាសម្របសម្រួលអាស៊ាន ក្រុមប្រឹក្សាសហគមន៍អាស៊ាននិងអង្គភាពថ្នាក់រដ្ឋមន្ត្រីជំនាញតាមផ្នែករបស់អាស៊ាន។, - ណែនាំរដ្ឋមន្ត្រីពាក់ព័ន្ធក្នុងក្រុមប្រឹក្សានីមួយៗឱ្យរៀបចំកិច្ចប្រជុំអាដហុកថ្នាក់អន្តររដ្ឋមន្ត្រីនិងដោះស្រាយបញ្ហាសំខាន់ៗដែលកើតមានឡើងក្នុងក្រុមប្រឹក្សាសហគមន៍។ វិធាននៃនីតិវិធីដំណើរការកិច្ចប្រជុំនេះត្រូវអនុម័តដោយក្រុមប្រឹក្សាសម្របសម្រួលអាស៊ាន។, - ដោះស្រាយស្ថានភាពបន្ទាន់ដែលប៉ះពាល់ដល់អាស៊ាន តាមរយៈការប្រើប្រាស់សកម្មភាពសមស្រប។, - សម្រេចបញ្ហាផ្សេងៗដោយអនុវត្តតាមជំពូកទី៧និងទី៨ នៃធម្មនុញ្ញនេះ, - អាចបង្កើតនិងរំលាយចោលនូវអង្គភាពរដ្ឋមន្ត្រីជំនាញតាមផ្នែកនិងស្ថាប័នអាស៊ានដទៃទៀត។, - តែងតាំងអគ្គលេខាធិការអាស៊ានដែលមានតំណែងនិងឋានៈស្មើរដ្ឋមន្ត្រី ដែលត្រូវបម្រើការងារដោយទំនុកចិត្តនិងទទួលបានការពេញចិត្តពីប្រមុខរដ្ឋ/រដ្ឋាភិបាល តាមការស្នើឡើងដោយកិច្ចប្រជុំរដ្ឋមន្ត្រីការបរទេសអាស៊ាន។
    វិទ្យាសាស្ត្រនយោបាយ

Look up another word in the Khmer Dictionary

More words

ទាយជ្ជទាន ស្វ័យប្រវត្ត បំណុលសាធារណៈ ភតិសន្យា គណនេយ្យករសាធារណៈ ក្រុមហ៊ុនចម្រុះ ដុំពកបេនីញ ញាស់ សម្ពាធក្នុង នាងយោង ខ្សែកាប រណ្ដៅខួង បដិវត្តន៍ពណ៌ គេហទំព័រ ភាសាមេ នស្ស អរហ មាណព អ្នកផ្ញើ អង្គភាពរដ្ឋ កម្រៃជើងសា ឆ្នាំប្រតិទិន ប្រាក់កក់ ឆន្ទានុសិទ្ធិ

Source: Samdech Chuon Nath Khmer dictionary and Khmer lexicons.