ក្រុមប្រឹក្សាអាណាព្យាបាល
- វិទ្យាសាស្ត្រនយោបាយ ស្ថាប័នមួយរបស់អង្គការសហប្រជាជាតិដែលត្រូវបានរៀបចំឡើងដើម្បីទទួលភារកិច្ចគ្រប់គ្រងលើរដ្ឋបាលនៃដែនដីដែលស្ថិតក្រោមប្រព័ន្ធអាណាព្យាបាល។ គោលបំណងនៃប្រព័ន្ធអាណាព្យាបាលគឺធ្វើឱ្យរដ្ឋក្រោមអាណាព្យាបាលទាំងអស់ទទួលបាននូវរដ្ឋាភិបាលឬឯករាជ្យរបស់ខ្លួនក្នុងវិសាលភាពណាមួយ មិនថាជាការបំបែករដ្ឋឬក៏ការចូលរួមជាមួយប្រទេសឯករាជ្យជិតខាង។ សមាសភាពនៃក្រុមប្រឹក្សាអាណាព្យាបាលជាសមាជិកអចិន្ត្រៃយ៍ទាំង៥ នៃក្រុមប្រឹក្សាសន្តិសុខអង្គការសហប្រជាជាតិ រួមមានចិន បារាំង អង់គ្លេស រុស្ស៊ី និងសហរដ្ឋអាម៉េរិក។ ក្រុមប្រឹក្សាអាណាព្យាបាលបានផ្អាកប្រតិបត្តិការរបស់ខ្លួននៅថ្ងៃទី១ ខែវិច្ឆិកា ឆ្នាំ១៩៩៤ គឺមួយខែក្រោយពេលប្រទេសប៉ាឡូ(Palau) ដែលជាដែនដីក្រោមអាណាព្យាបាលចុងក្រោយបំផុតរបស់អង្គការសហប្រជាជាតិបានទទួលឯករាជ្យ។ តាមរយៈសេចក្ដីសម្រេចដែលត្រូវបានអនុម័តនៅថ្ងៃទី២៥ ខែឧសភា ឆ្នាំ១៩៩៤ ក្រុមប្រឹក្សាអាណាព្យាបាលបានធ្វើវិសោធនកម្មវិធាននៃនីតិវិធីរបស់ខ្លួនដោយទម្លាក់ចោលនូវកាតព្វកិច្ចនៃការប្រជុំប្រចាំឆ្នាំ ហើយព្រមព្រៀងគ្នាប្រជុំតាមការចាំបាច់វិញ ដោយផ្អែកតាមការសម្រេចរបស់ក្រុមប្រឹក្សាឬរបស់ប្រធានក្រុមប្រឹក្សា ឬតាមសំណើរបស់មតិភាគច្រើននៃសមាជិករបស់ខ្លួនឬតាមសំណើសមាជិកភាគច្រើននៃមហាសន្និបាតអង្គការសហប្រជាជាតិឬក្រុមប្រឹក្សាសន្តិសុខ។វិទ្យាសាស្ត្រនយោបាយ
Look up another word in the Khmer Dictionary
More words
ម៉ូឌុលកាត់ កម្រាញចំអ័ក្ស ម៉ូឌុលភាពយឺត មេគុណសុវត្ថិភាព ស៊ីមេទ្រីរង្វិល សូលីដ ប្រេកង់ អត្រាលំងាក ប្រទូសរ៉ាយ ការដាក់រាជ្យ អយុត្តិធម៌ ការិយាល័យនយោបាយ លេខាធិការដ្ឋានជាតិអាស៊ាន ឱសានវាទ ជីហាដ ធនាគារអភិវឌ្ឍន៍អាស៊ី មជ្ឈមណ្ឌលពាណិជ្ជកម្ម ទូតសុច្ឆន្ទៈ បត្យាប័ន បទបញ្ជាផ្ទៃក្នុង អប្បជនាធិបតេយ្យ ប៉ូលអំណាច ប្រព័ន្ធពហុប៉ូល សង្វៀន
Source: Samdech Chuon Nath Khmer dictionary and Khmer lexicons.