ទូតសុច្ឆន្ទៈ
- វិទ្យាសាស្ត្រនយោបាយ បុគ្គលដែលគាំទ្រនិងលើកស្ទួយយ៉ាងសកម្មចំពោះបុព្វហេតុណាមួយដោយផ្អែកលើមូលដ្ឋាននៃភាពល្បីល្បាញរបស់ខ្លួនក្នុងកិច្ចការសង្គម នយោបាយ សេដ្ឋកិច្ច វប្បធម៌ វិទ្យាសាស្ត្រជាដើម។ ទូតសុច្ឆន្ទៈអាចជាតំណាងផ្លូវការឬមិនផ្លូវការរបស់រដ្ឋឬស្ថាប័នណាមួយដោយប្រើប្រាស់នូវកេរ្តិ៍ឈ្មោះរបស់ខ្លួនជាតារាល្បី អ្នកវិទ្យាសាស្ត្រ អ្នកនិពន្ធ សកម្មជនល្បីឈ្មោះ ឬឥស្សរជនដែលមានឋានៈខ្ពស់នៅក្នុងសង្គម ដើម្បីពាំនំានូវសុឆន្ទៈឬជួយជំរុញផ្សព្វផ្សាយឧត្តមគតិរបស់ស្ថាប័នមួយទៅកាន់ស្ថាប័នដទៃទៀតឬទៅកាន់ប្រជាជនទូទៅ។ ឧ. សម្ដេចអគ្គមហាសេនាបតីតេជោបណ្ឌិតសភាចារ្យ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវបានជ្រើសតាំងជា «ទូតសុច្ឆន្ទៈពិភពលោកសម្រាប់វិស័យទេសចរណ៍និងគោលដៅនៃការអភិវឌ្ឍប្រកបដោយចីរភាព» ដោយក្រុមប្រឹក្សាទេសចរណ៍និងពាណិជ្ជកម្មអឺរ៉ុប នាថ្ងៃទី២៧ ខែវិច្ឆិកា ឆ្នាំ២០១៧។ ឧ. លោកសាស្ត្រាចារ្យបណ្ឌិត អានតុន ការ៉ាគា(Anton Caragea) ប្រធានក្រុមប្រឹក្សាទេសចរណ៍និងពាណិជ្ជកម្មអឺរ៉ុប ត្រូវបានតែងតំាងជាទូតសុច្ឆន្ទៈទេសចរណ៍កម្ពុជា តាមព្រះរាជក្រឹត្យលេខ នស/រកត/០៧១៦/៧៣៤ ចុះថ្ងៃទី១៥ ខែកក្កដា ឆ្នំា២០១៦។វិទ្យាសាស្ត្រនយោបាយ
Look up another word in the Khmer Dictionary
More words
ប្រេកង់ អត្រាលំងាក ប្រទូសរ៉ាយ ការដាក់រាជ្យ អយុត្តិធម៌ ការិយាល័យនយោបាយ ក្រុមប្រឹក្សាអាណាព្យាបាល លេខាធិការដ្ឋានជាតិអាស៊ាន ឱសានវាទ ជីហាដ ធនាគារអភិវឌ្ឍន៍អាស៊ី មជ្ឈមណ្ឌលពាណិជ្ជកម្ម បត្យាប័ន បទបញ្ជាផ្ទៃក្នុង អប្បជនាធិបតេយ្យ ប៉ូលអំណាច ប្រព័ន្ធពហុប៉ូល សង្វៀន ប្រព័ន្ធឯកបក្ស មតិសាធារណៈ អង្គបោះឆ្នោត លទ្ធិទេវរាជ្យ សង្គមនីយកម្មនយោបាយ ទំនាស់ផលប្រយោជន៍
Source: Samdech Chuon Nath Khmer dictionary and Khmer lexicons.