ខ្មែរក្រហម
- វិទ្យាសាស្ត្រនយោបាយ ខ្មែរកុម្មុយនីស្តនិយមមួយក្រុមនៃអង្គការខ្មែរឆ្វេងនិយម ដែលប្រកាន់យកនូវមនោគមវិជ្ជាកុម្មុយនីស្តម៉ៅនិយមផងនិងបែបជាតិនិយមជ្រុលផង។ ពាក្យថា «ខ្មែរក្រហម» ត្រូវបានប្រើជាដំបូងដោយសម្ដេច នរោត្តម សីហនុ ដែលជាប្រមុខដឹកនាំចលនាសង្គមរាស្ត្រនិយមនៅក្នុងអំឡុងទសវត្សរ៍ឆ្នាំ៥០។ សម្ដេច នរោត្តម សីហនុ បានធ្វើការបែងចែកខ្មែរជាបីពណ៌ ដោយយោងទៅតាមនិន្នាការនយោបាយរបស់ពួកគេគឺ«ខ្មែរស»សំដៅលើខ្មែររាជានិយម «ខ្មែរខៀវ»សំដៅលើខ្មែរសាធារណរដ្ឋនិយម និង«ខ្មែរក្រហម»គឺខ្មែរកុម្មុយនីស្តនិយម។ ពីដំបូង ពាក្យថា «ខ្មែរក្រហម» នេះត្រូវបានប្រើដោយសំដៅលើក្រុមឆ្វេងនិយមនៅក្នុងចលនាសង្គមរាស្ត្រនិយមរបស់ព្រះអង្គផ្ទាល់។ ការណ៍ដែលសម្ដេច នរោត្តម សីហនុ លាបពណ៌ក្រហមដល់ចលនាកុម្មុយនីស្តខ្មែរបែបនេះ ព្រោះពណ៌ក្រហមគឺជាពណ៌តំណាងទង់បដិវត្តន៍កុម្មុយនីស្ត។ ម្យ៉ាងទៀត សម្រាប់ប្រជាជនកម្ពុជា ពណ៌ក្រហមគឺជាពណ៌តំណាងឱ្យការបង្ហូរឈាម។ យោងតាមឯកសាររបស់ក្រសួងការបរទេសបារាំង នៅអំឡុងឆ្នាំ១៩៦០-១៩៦២ ពាក្យ «ខ្មែរក្រហម» ត្រូវបានគេប្រើម្ដងម្កាល ជំនួសពាក្យ «ខ្មែរវៀតមិញ» ដែលគេធ្លាប់ប្រើសំដៅលើក្រុមខ្មែរកុម្មុយនីស្ត បែកចេញពីបក្សកុម្មុយនីស្តឥណ្ឌូចិន។ យោងតាមលោក រ៉ាអ៊ូល ហ្សេណា(Raoul JENNAR) ក្នុងសៀវភៅដែលមានចំណងជើងថា «Les Clés du Cambodge» នៅថ្ងៃទី១៨ វិច្ឆិកា ឆ្នាំ១៩៦៦ ទើបឈ្មោះ «ខ្មែរក្រហម» ត្រូវបានសម្ដេច នរោត្តម សីហនុ ប្រើសំដៅទៅលើចលនាកុម្មុយនីស្តខ្មែរជាទូទៅ ទាំងនៅក្នុងនិងក្រៅរដ្ឋាភិបាលសង្គមរាស្ត្រនិយម ក៏ប៉ុន្តែ មេដឹកនាំខ្មែរកុម្មុយនីស្តមិនដែលទទួលយកឈ្មោះជាខ្មែរក្រហមនេះទេ។ ជាទូទៅ ពួកខ្មែរក្រហមមិនចូលចិត្តប្រើពាក្យថា «ខ្មែរ» ទេ។ ពួកគេច្រើនតែប្រើពាក្យថា «កម្ពុជា» ជំនួសវិញ។ គួរកត់សម្គាល់ថា ពួកខ្មែរក្រហមបានទទួលជ័យជម្នះនៅថ្ងៃទី១៧ ខែមេសា ឆ្នាំ១៩៧៥ ហើយបានដាក់ឈ្មោះប្រទេសកម្ពុជាថា «កម្ពុជាប្រជាធិបតេយ្យ»។ របបកម្ពុជាប្រជាធិបតេយ្យត្រូវបានផ្ដួលរំលំនៅថ្ងៃទី៧ ខែមករា ឆ្នាំ១៩៧៩។វិទ្យាសាស្ត្រនយោបាយ
Look up another word in the Khmer Dictionary
More words
វិចារណញ្ញាណ សហភាពអឺរ៉ុប ទូរទស្សន៍ ហុង សច្ចាប័ន ថនិកសត្វ អឌ្ឍគោល សំណើម ធារាសាស្ត្រ ព្រៃកោងកាង កម្លាំងសង្កត់ បន្លាយ ព្រះរាជក្រឹត្យ អន្តរការី ទូរស័ព្ទ អ្នកជាប់ពន្ធនិវាសនជន ធនធានហិរញ្ញវត្ថុ ស្លេក រូបសាស្ត្រ ព្យាង្គរណ្ដំ ហ្វែម ដីបាតគ្រឹះ ទឹកស្អាត សម្ពាធខ្យល់
Source: Samdech Chuon Nath Khmer dictionary and Khmer lexicons.