Skip to content

សហភាពអឺរ៉ុប

  1. វិទ្យាសាស្ត្រនយោបាយ អង្គការអន្តររដ្ឋាភិបាលនៃបណ្ដារដ្ឋនៅអឺរ៉ុបដែលមានកំណើតចេញពីសហគមន៍ធ្យូងថ្មនិងដែកថែបអឺរ៉ុបនាឆ្នាំ១៩៥១ ហើយក្រោយមកនៅឆ្នាំ១៩៦៧ អង្គការនេះក្លាយជាសហគមន៍អឺរ៉ុប។ ប្រទេសដែលជាសមាជិកស្ថាបនិកមាន៦ប្រទេស រួមមាន បែលហ្ស៊ីក បារាំង អាល្លឺម៉ង់ខាងលិច អ៊ីតាលី លុចសំបួរ និងហូឡង់។ ក្រោយមក ប្រទេសមួយចំនួនទៀតបានចូលរួមគឺ ដាណឺម៉ាក អៀរឡង់ ចក្រភពអង់គ្លេស ក្រិក ព័រទុយហ្កាល់ និងអេស្ប៉ាញ។ នៅឆ្នាំ១៩៩១ រដ្ឋាភិបាលនៃរដ្ឋជាសមាជិកទាំង១២ បានចុះហត្ថលេខាលើសន្ធិសញ្ញាអឺរ៉ុប ដែលគេស្គាល់ជាទូទៅថា សន្ធិសញ្ញាម៉ាសស្ត្រីក(Maastricht Treaty)។ បន្ទាប់មក សន្ធិសញ្ញានេះត្រូវបានអនុម័តដោយសភាថ្នាក់ជាតិនៃរដ្ឋជាសមាជិកទាំងអស់។ តាមរយៈសន្ធិសញ្ញាម៉ាសស្ត្រីក នៅថ្ងៃទី១ ខែវិច្ឆិកា ឆ្នាំ១៩៩៣ សហគមន៍អឺរ៉ុប(European Community)បានប្ដូរឈ្មោះជា សហភាពអឺរ៉ុប(European Union)។ សហភាពអឺរ៉ុបមានគោលដៅពង្រឹងនិងពង្រីកនូវកិច្ចសហប្រតិបត្តិការរវាងរដ្ឋជាសមាជិកលើវិស័យសេដ្ឋកិច្ចនិងពាណិជ្ជកម្ម បញ្ហាសង្គម គោលនយោបាយការបរទេស សន្តិសុខនិងការការពារសុវត្តិភាព និងវិស័យយុត្តិធម៌។ យោងតាមសន្ធិសញ្ញាម៉ាសស្ត្រីក ពលរដ្ឋអឺរ៉ុបត្រូវបានគេផ្ដល់សិទ្ធិជាពលរដ្ឋនៃបណ្ដារដ្ឋជាសមាជិកទាំងអស់។ លើសពីនេះទៀត ការត្រួតពិនិត្យព្រំដែនមិនសូវមានសភាពតឹងតែងទៀតទេ។ កិច្ចព្រមព្រៀងផ្នែកពន្ធគយនិងអន្តោប្រវេសន៍ត្រូវបានគេតាក់តែងបន្ថែមទៀតដើម្បីអនុញ្ញាតឱ្យពលរដ្ឋអឺរ៉ុបមានសិទ្ធិសេរីភាពកាន់តែច្រើនក្នុងការរស់នៅ ធ្វើការងារ និងសិក្សានៅក្នុងប្រទេសជាសមាជិកណាមួយក៏បាន។ គោលដៅធំមួយទៀតនៃសហភាពអឺរ៉ុប គឺការអនុវត្តសហភាពរូបិយវត្ថុនិងសេដ្ឋកិច្ច ដែលដាក់ឱ្យសមាជិកសហភាពអឺរ៉ុបទាំងអស់ប្រើប្រាស់នូវរូបិយវត្ថុរួមតែមួយគឺអឺរ៉ូ(Euro)។
    វិទ្យាសាស្ត្រនយោបាយ

Look up another word in the Khmer Dictionary

More words

សន្តិវិធី រំសាយ ស្អាង អាត់ អារាធនា អញ្ញត្រសព្ទ អ៊ុត កៅអី បញ្ច្រាស អេឡិចត្រុង ការពង្រឹង វិចារណញ្ញាណ ទូរទស្សន៍ ហុង សច្ចាប័ន ថនិកសត្វ អឌ្ឍគោល សំណើម ធារាសាស្ត្រ ព្រៃកោងកាង កម្លាំងសង្កត់ បន្លាយ ខ្មែរក្រហម ព្រះរាជក្រឹត្យ

Source: Samdech Chuon Nath Khmer dictionary and Khmer lexicons.