ប្រោស
- កិ អនុគ្រោះ, រាប់អានដោយមេត្តាប្រណី, ស្រោចស្រង់ : ព្រះពុទ្ធទ្រង់ប្រោសសត្វ, ស្ដេចទ្រង់ប្រោសព្រះរាជទានរង្វាន់ ។ ប្រោសប្រាណ ប្រោសឲ្យមានជីវិត; ប្រោសដោយមេត្តាប្រណី, រាប់អានខ្លាំង ( ច្រើនប្រើជា រ. ស. ) ។ ប្រោសសត្វ ! ពាក្យសម្រាប់គ្រហស្ថស្រែកនិមន្ដភិក្ខុសាមណេរដែលកំពុងដើរបិណ្ឌបាត ឲ្យឈប់រង់ទទួលចង្ហាន់ : លោកម្ចាស់, និមន្ដប្រោសសត្វសិន ! ឬថា ទានប្រោសសត្វសិន ! ។ សូមទ្រង់ព្រះមេត្តាប្រោស ពាក្យអាលបនៈពោលក្រើនជាមុន សម្រាប់ជនទាំងពួង និយាយក្រាបបង្គំទូលផ្ទាល់ចំពោះព្រះភក្ត្រក្សត្រិយ៍ទ្រង់រាជ្យ ។ សូមទ្រង់មេត្តាប្រោស សម្រាប់ប្រជាពលរដ្ឋនិយាយពិតទូលព្រះរាជវង្សានុវង្ស ។ សូមទានមេត្តាប្រោស សម្រាប់មន្ត្រីស័ក្ដិតូចឬប្រជាពលរដ្ឋនិយាយជម្រាបមន្ត្រីស័ក្ដិធំទីរដ្ឋមន្ត្រី ។ ទានប្រោស សម្រាប់ប្រជាជននិយាយជម្រាបមន្ត្រីស័ក្តិធំក្រៅពីរដ្ឋមន្ត្រី ។ ល ។ បំបរបង់ក៏ហៅថា ប្រោស ដែរ : ប្រោសមនុស្សទោស គឺបំបរបង់មនុស្សទោសឲ្យទៅនៅក្នុងទីណាមួយដាច់សង្វែង យ៉ាងដូចកោះក្នុងសមុទ្រជាដើម ។ យកឆ្មាទៅប្រោស យកឆ្មាទៅលែងបំបរបង់ចោល : យកឆ្មាទៅប្រោស កុំយកឆ្កែទៅជាមួយផង . . . ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
លាយលក្ខណ៍ ធុរកិច្ច កិច្ចសន្យាធានារ៉ាប់រង ពីរោះ ដំបូល ពីព្រោះ សាមណេរ មូរ ស្វិត ត្រាតែ ធ្នឹម ហូត ស្ដុក សួគ៌ បដិសេធ មេត្តា ជរា ករុណា ត្រាស់ដឹង ដ្បិត សន្តិភាព ហិ បណ្ដុំ លក្ខណវិនិច្ឆ័យ
Source: Samdech Chuon Nath Khmer dictionary and Khmer lexicons.