សទ្ធា
[ស័ត-ធា]- ន ( បា.; សំ. ឝ្រទ្ធា ) ជំនឿ ។ សេចក្ដីជឿបុណ្យ, ជឿបាប, ជឿកម្ម, ជឿផលមានសទ្ធាមុតមាំ; ឲ្យទានដោយសទ្ធា ។ សទ្ធាចរិត អ្នកដែលមានចរិតជឿងាយ, អ្នកដែលឆាប់ជឿងាយៗ ។ សទ្ធាចរិយា ដំណើរប្រព្រឹត្តដោយការជឿឬនៅក្នុងការជឿស្ដាប់ ។ សទ្ធាចិត្ត ចិត្តដែលប្រកបដោយសទ្ធា ។ សទ្ធាចេតសិក សទ្ធាដែលរាប់ជាចេតសិកមួយ ក្នុងពួកចេតសិក ៥២ ( ព. អ. ) ។ សទ្ធាទេយ្យ របស់ដែលគេឲ្យដោយសទ្ធា, ចតុប្បច័្ចយដែលទាយកប្រគេនបព្វជិតដោយសទ្ធា ( ព. វិ. ពុ. ) ។ សទ្ធាធន ( –ធន់ ) ទ្រព្យគឺសទ្ធា, សទ្ធាដែលទុកថាជាទ្រព្យរបស់មនុស្ស ។ សទ្ធាធិក ( បា. < សទ្ធា + អធិក "ក្រៃលែង, លើសលុប" ) អ្នកដែលអធិកដោយសទ្ធា គឺពោធិសត្វដែលបំពេញបារមីដោយសទ្ធាដ៏លើសលុប ។ សទ្ធាធិមុត្ត( បា. < សទ្ធា + អធិមុត្ត "ដែលបង្អោនទៅ, ដែលចុះចិត្តស៊ប់" )អ្នកដែលចុះចិត្តស៊ប់ក្នុងសទ្ធា, អ្នកដែលជឿស៊ប់ ។ សទ្ធាបព្វជិត អ្នកបួសដោយសទ្ធា ។ សទ្ធាសម្បន្ន ( –ស័ម-ប័ន ) អ្នកដែលបរិបូណ៌ដោយសទ្ធា; បើស្រ្តីជា សទ្ធាសម្បន្នា ( –ស័ម-បុ័ន-ន៉ា ) ។ សទ្ធាសម្បយុត្ត ( –ស័ម-ប៉ៈយុត ) ចិត្តដែលប្រកបដោយសទ្ធា; បុគ្គលអ្នកប្រកបដោយសទ្ធា ។ សទ្ធិន្រិ្ទយ ( ស័ត-ធិន-ទ្រី; បា. < សទ្ធា + ឥន្រ្ទិយ ) ឥន្រ្ទិយគឺសទ្ធា ( សទ្ធាដែលរាប់ថាជាធំមួយរបស់សត្វលោក ) ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ចឺម ចំអក មានះ រឹងត្អឹង កូត ត្រឹប ចំណាស់ រទាំង បិដក ធាន វាល់ អន្តោ ត្រាប់ រឹតត្បិត ទស់ ឡើងចាង ផ្ដេសផ្ដាស មរតក បុត្រី អតីតកាល និម្មិត បូរណភាព ប្រស់ ធ្មេច
Source: Samdech Chuon Nath Khmer dictionary and Khmer lexicons.