Skip to content

សមាជជាតិ

  1. វិទ្យាសាស្ត្រនយោបាយ មហាសន្និបាតឬការប្រជុំរវាងមន្ត្រីរដ្ឋាភិបាលនិងមហាជន ដើម្បីពិភាក្សានិងដោះស្រាយបញ្ហាសំខាន់ៗរបស់ប្រទេសជាតិ។ ការធ្វើសមាជជាតិអនុញ្ញាតឱ្យប្រជាជនលើកឡើងជាសាធារណៈនូវបញ្ហានិងទុក្ខកង្វល់ផ្សេងៗរបស់ពួកគាត់ដើម្បីឱ្យអាជ្ញាធរពាក់ព័ន្ធដោះស្រាយ។ នៅប្រទេសកម្ពុជា សមាជជាតិត្រូវបានរៀបចំជាលើកដំបូងនៅថ្ងៃទី២៥ ខែកញ្ញា ឆ្នាំ១៩៥៥ ដោយរបបសង្គមរាស្ត្រនិយម។ ក្នុងសមាជជាតិលើកដំបូងនេះ មហាជននិងគណបក្សនយោបាយផ្សេងៗបានចូលរួម បានជជែកដេញដោលគ្នាជុំវិញបញ្ហានយោបាយក្នុងនិងក្រៅប្រទេស។ សមាជជាតិត្រូវបានរៀបចំនិងដឹកនាំដោយគណៈកម្មាធិការកណ្ដាលនៃអង្គការសង្គមរាស្ត្រនិយមដែលមានសម្ដេចព្រះនរោត្តមសីហនុជាព្រះប្រធាន។ សមាជជាតិសម្រេចបានសមិទ្ធផលជាច្រើនដូចជាការប្រឆាំងនឹងអំពើពុករលួយ ការកំណត់ភាសាខ្មែរជាភាសាផ្លូវការ។ សភាតំណាងរាស្ត្រក៏មានសិទ្ធិចូលរួមក្នុងសមាជជាតិដើម្បីកែលម្អសកម្មភាពរាជរដ្ឋាភិបាលនិងទាមទារឱ្យដាក់ទណ្ឌកម្មទៅលើមន្ត្រីរាជការណាដែលអសកម្មជាដើម។ ក្រោយមក សភាបានអនុម័តឱ្យសមាជជាតិក្លាយជាស្ថាប័នរដ្ឋ។ បើយោងតាមរដ្ឋធម្មនុញ្ញនៅសម័យនោះ សមាជជាតិគឺជាស្ថាប័ននយោបាយមួយរបស់រដ្ឋ ដែលទាមទារឱ្យមានជំនួបរវាងប្រជាពលរដ្ឋនិងមន្ត្រីរាជរដ្ឋាភិបាល ដើម្បីពិភាក្សាអំពីប្រយោជន៍ជាតិ។ រាជរដ្ឋាភិបាលនិងសភាជាតិត្រូវបំពេញនូវអ្វីៗដែលជាសេចក្ដីសម្រេចរបស់សមាជជាតិដែលប្រារព្ធឡើងពីរដងក្នុងមួយឆ្នាំ។ ទោះបីជាសមាជជាតិត្រូវបានគេចាត់ទុកជាយន្តការប្រជាធិបតេយ្យផ្ទាល់នាសម័យសង្គមរាស្ត្រនិយមក៏ដោយ ក៏នៅមានទស្សនៈមួយចំនួនយល់ឃើញថា សមាជជាតិជាឧបករណ៍នយោបាយដែលអ្នកគ្រប់គ្រងអំណាចប្រើប្រាស់ដើម្បីសម្រេចគោលដៅឬរបៀបវារៈនយោបាយរបស់ខ្លួនតាមរយៈការបង្កប់កម្លាំងរបស់ខ្លួននៅជួរខាងមុខក្នុងវេទិកា ដើម្បីបញ្ចេញយោបល់និងសម្រេចលើកិច្ចការអ្វីមួយ។
    វិទ្យាសាស្ត្រនយោបាយ

Look up another word in the Khmer Dictionary

More words

ប្រតោង រយាល អ៊ីចឹង ពពើម ព្រឹល ព្រឹទ្ធ ភ្លោះ មគធៈ មាគ៌ា ម៉្លេះ ឥណ ស្រទំ សមិទ្ធិ ក្អេងក្អាង សូធ្យ សោហ៊ុយ ខិតខំ ស្នាមប្រេះ ឡូញ អប្បមាទ ឧបករណ៍អេឡិចត្រូនិក ទំនាញ លោហៈអាល់កាឡាំង សមាសធាតុសរីរាង្គ

Source: Samdech Chuon Nath Khmer dictionary and Khmer lexicons.