អប្បមាទ
[អ័ប-ប៉ៈ]- ន ( បា. ឬ សំ. ) សេចក្ដីមិនធ្វេស, មិនប្រហែស ឬមិនធ្វេសប្រហែស; ការមិនធ្វេសស្មារតី; ការប្រុងប្រយ័ត្នជានិច្ច, ការប្រុងមិនឲ្យភ្លាំងភ្លាត់; ការប្រយ័ត្នមិនធ្វើអំពើអាក្រក់ : ធ្វើការដោយអប្បមាទ; ប្រតិបត្តិធម៌ច្បាប់ដោយអប្បមាទ; អប្បមាទជាធម៌ចម្បងជាងកុសលធម៌ទាំងពួង ជាមាតានៃសេចក្តីសុខ-ចម្រើន ។ ព. ផ្ទ. ប្រមាទ ។ អប្បមាទប្បដិបទា ( អ័ប-ប៉ៈម៉ាទ័ប-ប៉ៈដិប៉ៈទា ) ឬ អប្រមាទប្រតិប័ទ ( អ័ប-ប្រៈម៉ាទ័ប-ប្រៈតិប័ត ) បដិបទាឬប្រតិប័ទដោយអប្បមាទ ។ អប្បមាទមូល ឬ អប្រមាទ— កុសលធម៌មានអប្បមាទជាឫសឬជាទីតាំង, អប្បមាទទុកថាជាឫសនៃកុសលធម៌ ។ អប្បមាទលក្ខណៈ ឬ អប្រមាទលក្សណៈ លក្ខណៈនៃអប្បមាទ ។ អប្បមាទសម្បាទនៈ ឬ —សម្បាទន៍ ( អ័ប-ប៉ៈម៉ាទៈស័ម-ប៉ាទៈនៈ ឬ —ស័ម-បាត ) ការផ្តល់ឬបំពេញអប្បមាទ គឺការធ្វើអប្បមាទឲ្យបរិបូណ៌, ឲ្យគ្រប់គ្រាន់, ឲ្យពេញ ។ ល ។ គួររលឹកនឹកដល់ : កាលព្រះសក្យមុនីសម្ពុទ្ធជិតនឹងចូលកាន់ខន្ធនិព្វាន ទ្រង់មានព្រះពុទ្ធបណ្ដាំឲ្យចងចាំរាល់គ្នាថា "អ្នកទាំងឡាយចូរញ៉ាំងស្មារតីឲ្យបរិបូរដោយអប្បមាទ ! ", ទ្រង់ផ្ដាំតែត្រឹមប៉ុណ្ណេះហើយក៏ចូលបរិនិព្វានទៅ, គួរពុទ្ធមាមកជននឹកដល់ព្រះបណ្ដាំនេះរឿយៗ !វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
មាគ៌ា ម៉្លេះ ឥណ ស្រទំ សមាជជាតិ សមិទ្ធិ ក្អេងក្អាង សូធ្យ សោហ៊ុយ ខិតខំ ស្នាមប្រេះ ឡូញ ឧបករណ៍អេឡិចត្រូនិក ទំនាញ លោហៈអាល់កាឡាំង សមាសធាតុសរីរាង្គ ផលគុណ គណិតវិទ្យា ទំនោរ ផ្ដាច់ការ លក្ខណៈអន្តរជាតិ ពាក្យឫស ឡាំង កសិផល
Source: Samdech Chuon Nath Khmer dictionary and Khmer lexicons.