សម្បូណ៌ាជ្ញានិយម
- វិទ្យាសាស្ត្រនយោបាយ ទម្រង់នៃការគ្រប់គ្រងរដ្ឋដែលអ្នកដឹកនាំមានអំណាចគ្មានដែនកំណត់។ ក្នុងទម្រង់នៃការគ្រប់គ្រងរដ្ឋនេះ របបគ្រប់គ្រងបានរៀបចំច្បាប់ដ៏តឹងរ៉ឹងសម្រាប់គ្រប់គ្រងគ្រប់ទិដ្ឋភាពនៃជីវិតឯកជននិងសាធារណៈ។ របបគ្រប់គ្រងធ្វើនិយ័តកម្មទៅលើសកម្មភាពពាណិជ្ជកម្ម កម្លាំងពលកម្ម សាសនា និងការអប់រំ ដើម្បីផ្ដល់ផលប្រយោជន៍ដល់របប។ ទម្រង់គ្រប់គ្រងរដ្ឋបែបសម្បូណ៌ាជ្ញានិយមរក្សាអំណាចរបស់ខ្លួនដោយគ្រប់គ្រងយ៉ាងតឹងរ៉ឹងលើបណ្ដាញឃោសនាមហាជន ប្រើប្រាស់ប៉ូលិសសម្ងាត់និងមធ្យោបាយឃ្លាំមើលផ្សេងទៀតដើម្បីតាមដានរាល់សកម្មភាពដែលមានចរិតបំផ្លាញរបបគ្រប់គ្រង។ ជាទូទៅ ក្នុងទម្រង់នៃការគ្រប់គ្រងរដ្ឋនេះ មានបក្សតែមួយគត់ដែលមានសិទ្ធិចូលរួមក្នុងការបោះឆ្នោតដោយស្របច្បាប់ ហើយរបបគ្រប់គ្រងរឹតត្បិតយ៉ាងខ្លាំងនូវសិទ្ធិសេរីភាពប្រជាជន ដោយឃ្លាំមើលមហាជននិងប្រើយុទ្ធវិធីឃោរឃៅដើម្បីធ្វើឱ្យប្រជាជនដើរតាមខ្សែបន្ទាត់នៃរបបគ្រប់គ្រង។ ទម្រង់គ្រប់គ្រងបែបសម្បូណ៌ាជ្ញានិយម ជាញឹកញយត្រូវបានបង្កើតឡើងដោយការប្រើប្រាស់កម្លាំងនយោបាយ ឬកម្លាំងយោធា ឬកម្លាំងទាំងពីរនេះបូកបញ្ចូលគ្នា និងបង្កើតនូវលទ្ធិបុគ្គលនិយមនៃឥស្សរជនឬមេដឹកនាំកំពូល ដែលតំណាងឱ្យមនោគមន៍វិជ្ជានៃរបប។ យុទ្ធវិធីនេះបង្កើតនូវឥស្សរជនកំពូលមួយស្ទើរតែដូចអាទិទេពដែលប្រជាជនត្រូវគោរព ហើយរហូតដល់ទុកជាទីសក្ការៈ។វិទ្យាសាស្ត្រនយោបាយ
Look up another word in the Khmer Dictionary
More words
ប្រជាធិបតេយ្យផ្ទាល់ ប្រព័ន្ធទ្វេបក្ស ប្រព័ន្ធបោះឆ្នោតសមាមាត្រ ប្រព័ន្ធសភានិយម សារណា វិយោធកម្ម វេទិកាតំបន់អាស៊ាន សង្គ្រាមវៀតណាម អេកូទេសចរណ៍ សិទ្ធិនយោបាយ និយោជិតកុងស៊ុល បុគ្គលិកការទូត សម្ព័ន្ធមិត្តអ័ក្សស៊ីស សេរីភាពសារព័ត៌មាន សេរីភាពស៊ីវិល ឯកោនិយម សិទ្ធិពិសេស អំណាចរឹង កម្រិតសោភ័ណ វណ្ណយោបាយ សង្គមភាសាវិទ្យា ក្រេអូល ទីបន្លឺសកម្ម សូរគន្លាក់ក្រអូម
Source: Samdech Chuon Nath Khmer dictionary and Khmer lexicons.