សិវៈ
[—វ៉ៈ]- គុ ( បា. សិវ; សំ. ឝិវ ) ត្រជាក់ត្រជំ; ដែលជាសុខ, សុខសប្បាយ, សុខសម្រាន្ត, បរមសុខ, ក្សេម, ក្សេមក្សាន្ត, មានស្រីសួស្ដី; ដែលរុងរឿង, ថ្កើងថ្កាន ។វចនានុក្រម សម្ដេចសង្ឃរាជ ជួនណាត
- ន ព្រះឥសូរ; ព្រះនិព្វាន ។ សិវក្ខេត្ត ឬ—ក្សេត្រ ( សិវុ័ក-ខែត ឬ —ក្សែត ) ខេត្តដែនឬទីរបស់ព្រះឥសូ; តំបន់ឬទីសុខសប្បាយ ។ សិវមន្ត ឬ—មន្ត្រ មន្តរបស់ព្រះឥសូរ; មន្តសម្រាប់រម្ងាប់ជំងឺ ។ សិវមោក្ខ ធម៌ជាគ្រឿងរួចចាកទុក្ខ នាំឲ្យបានសុខក្សេមក្សាន្ត, អរិយមគ្គ; ស្ថានបរមសុខ, ព្រះនិព្វាន។ សិវរាត្រី រាត្រីក្សេមក្សាន្ត; ជាឈ្មោះពិធីសម្ពោធរំឭកដល់ព្រះឥសូរ សូមពរស្រីសួស្ដីឲ្យបានសេចក្ដីសុខចម្រើន, គេធ្វើនៅថ្ងៃ ១៤ រោច ខែផល្គុន . . . ( តាមលទ្ធិព្រាហ្មណិកក្នុងប្រទេសឥណ្ឌា ) ។ សិវរូប រូបព្រះឥសូរ ។ សិវលិង្គ ( —លឹង ) លិង្គព្រះឥសូរ គឺថ្មដែលគេឆ្លាក់ជារូបអង្គជាតបុរស សន្មតថាជាអង្គជាតរបស់ព្រះឥសូរ សម្រាប់ធ្វើសក្ការបូជាក្រាបសំពះគោរពតាមលទ្ធិព្រាហ្មណិក, ខ្មែរហៅ លិង្គ ឬ អង្គ ជាគូគ្នានឹងថ្មខ្មៅដែលហៅថា ឧមាយោនី ឬ បំពង់ខ្ចី . . .( ម. ព. អង្គ ន. ផង ) ។ សិវាល័យ ( —វ៉ាល៉ៃ; បា. សិវ + អាលយ "លំនៅ"; សំ. ឝិវាលយ ) លំនៅព្រះឥសូរ, ឋានត្រជាក់ត្រជំ ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
បង្កាន់ដៃ កិត្តិយស រយីក ស៊ុត គ្រឹហា ដុល យឺន រុះ មនុស្សលោក បូរបាច់ បោច រពាក់ ត្រីមាស ថី ស្រន់ សូរ្យ យុល ពន្លិច សន្សើម អៀ ទូង អសុចិ វេទនា ត្រដាបត្រដួស
Source: Samdech Chuon Nath Khmer dictionary and Khmer lexicons.