អន្តរដ្ឋកា
[អន់-តៈរ៉ាត់-ឋៈកា]- ន ( បា. អន្តរ + អដ្ឋកា > អន្តរដ្ឋកា; សំ. អន្តរ៑ + អស្ដកា > អន្តរស្ដកា ) រាត្រីក្នុងរវាង ៨ យប់ គឺត្រង់យប់ ១១-១២-១៣-១៤ រោច ខែមាឃ និងយប់ ១- ២- ៣- ៤ កើតខែផល្គុន, រាត្រីទាំង ៨ នេះ មានទឹកសន្សើមល្អិត ត្រជាក់ជ្រៅជាងរាត្រីឯទៀតៗ ក្នុងហេមន្តរដូវ ( ចាស់ទុំថា ត្រជាក់ឆ្ងាញ់ ) ។ ក្នុងរាត្រីឈ្មោះ អន្តរដ្ឋកា នេះហើយដែលមានសេចក្ដីចែងក្នុងវិនយបិដក ចីវរក្ខន្ធកៈថា ព្រះសក្យមុនីសម្ពុទ្ធ ទ្រង់ស្ដេចចេញគង់ក្នុងទីវាលនាវេលាយប់ ដើម្បីពិសោធរងាមើល, ព្រះអង្គដណ្ដប់ចីវរល្បងរងាមើលតាំងពីចីវរមួយដល់ចីវរបួន តាមលំដាប់ពេល, តាំងពីព្រលប់ដល់អរុណរះបំព្រាង, ព្រះអង្គអាចធន់ទ្រាំរងាបានតាមពេល, ទ្រង់មានព្រះហឫទ័យនឹកសង្វេគ, ទើបទ្រង់អនុញ្ញាតឲ្យពួកភិក្ខុធ្វើសង្ឃាដី ២ ជាន់, ចីពរ ១ ជាន់, ស្បង់ ១ ជាន់; បើសំពត់ស្ដើងឬសំពត់ជំនំ ឲ្យធ្វើសង្ឃាដី ៤ ជាន់, ចីពរ ២ ជាន់, ស្បង់ ២ ជាន់, ដើម្បីទប់ទល់នឹងរងាក្នុងហេមន្តរដូវ ( ន័យដែលថ្លែងនេះ ចំពោះរាត្រីក្នុងជម្ពូទ្វីប ( ប្រទេសឥណ្ឌា ), ប៉ុន្តែទោះបីក្នុងប្រទេសកម្ពុជាយើង ក៏គង់មាន អន្តរដ្ឋកា នេះដែរ, បើយើងល្បងមើល ក៏គង់អាចដឹងបាន ) ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
អត្ថាធិប្បាយ អថព្វ អទារុណ អទាសព្យ អទិដ្ឋបុព្វ អទិដ្ឋ អធិដ្ឋានបារមី អធិវាសន បរាធីន ផ្ដែក អនាសវៈ អនិច្ចតាធម៌ ធូមកាលិក ឡេមឡឺម ក្រហួច គេចវេះ ភាគ្យ អបមង្គល អបយស អបយ័ស អបលក្ខណ៍ រៀមច្បង អប្បនា អប្បិយ
Source: Samdech Chuon Nath Khmer dictionary and Khmer lexicons.