Skip to content

អន្តិម

[អ័ន ឬ អន់-តិ-មៈ]
  1. គុ ( បា.; សំ. អន្ត្យ ) ដែលមានក្នុងទីបំផុត, ដែលជាទីបំផុត; ជាខាងចុងបង្អស់; ដែលស្រេចត្រឹមប៉ុណ្ណោះ ។ វេវ. បច្ឆិម ។ អន្តិមកិច្ច កិច្ចជាបំផុត គឺកិច្ចដែលហើយក្រោយបំផុត ឬកិច្ចដែលធ្វើក្នុងកាលជិតអស់ជីវិត ( បច្ឆិមកិច្ច ) ។ អន្តិមជាតិ ជាតិជាខាងក្រោយបំផុត ( បច្ឆិមជាតិ ) ។ អន្តិមត្តភាព អត្តភាពជាខាងចុងបំផុត ( បច្ឆិមត្តភាព ) ។ អន្តិមទេហធារី ( —ហៈ— ) អ្នកទ្រទ្រង់នូវរាងកាយជាទីបំផុត ( ព្រះពុទ្ធ, ព្រះបច្ចេកពុទ្ធ, ព្រះអរហន្ត ) ព្រះអរហន្តីជា អន្តិមទេហធារិនី ។ អន្តិមភព បច្ឆិមភព ។ អន្តិមវត្ថុ អាបត្តិបារាជិក ( ព. វិ. ពុ. ) ។ អន្តិមវត្ថុអជ្ឈាបនក ( —ប៉ៈន៉ៈកៈ ឬ —ប៉ៈន៉ក់ ) មនុស្សដែលកាលបួសជាភិក្ខុ ត្រូវអាបត្តិបារាជិក ។ អន្តិមសាសន៍ ពាក្យបណ្ដាំឬសំបុត្រជាទីបំផុត ( បច្ឆិមសាសន៍ ) ។ ល ។ ព. កា. ថា : អន្តិមសាសន៍នៃម៉ែឪ ដែលត្រូវកូនកាន់កុំបំភ្លេច ព្រោះជាបណ្ដាំត្រឹមនោះស្រេច កូនណានឹងគេចកែពុំបាន ។ កុំឲ្យជាធូមកាលិក ត្រូវនឹកកុំភ្លេចរាល់រូបប្រាណ ត្រូវកាន់ប្រព្រឹត្តតាមលំអាន បុរាណគឺរឿងទីឃាវុ ។ ម. ព. ធូមកាលិក ផង ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

អគ្រ ត្រដាច រហែល ខ្ញូច អញ្ញត្រ អត្តនោម័តិ អត្ថរស អត្ថរូប ឧក្រឹដ្ឋ អនាថ អនាថភាព អនាមិក ចចាក់ចចុច អន្ទុ ន្អាលនឹង ណាំវ៉ា ប្រែក អប្រមាទ អប្បសាន្ត អផល អភិនីហារ និក្ខម អរិយ មហាបុរស

Source: Samdech Chuon Nath Khmer dictionary and Khmer lexicons.