អាណត្តិ
[—ណ័ត-តិ ឬ —ណ័ត]- ន (បា. ; សំ. អាជ្ញប្តិ) ពាក្យបង្គាប់, សេចក្ដីបង្គាប់, ខបង្គាប់; គ្រឿងសម្គាល់ឬចំណាំធ្វើតាមអាណត្តិ, ប្រតិបត្តិតាមអាណត្តិ ។វចនានុក្រម សម្ដេចសង្ឃរាជ ជួនណាត
- ន ការមត់គ្នា, ការណាត់គ្នា; ការសន្យាគ្នា, ប្ដេជ្ញាត្រូវចូលកាន់ទីប្រជុំតាមអាណត្តិ ។វចនានុក្រម សម្ដេចសង្ឃរាជ ជួនណាត
- ន សារលិខិតដែលបុគ្គលណាមួយ ប្រគល់សិទ្ធិរបស់ខ្លួនទៅឲ្យអ្នកដទៃ ដើម្បីបំពេញកិច្ចការក្នុងនាមរបស់ខ្លួន; លិខិតបង្គាប់ដល់អ្នកកាន់កាប់ប្រាក់ឲ្យបើកប្រាក់តាមចំនួនដែលមានចុះនៅលើលិខិតនោះឲ្យទៅសាមីជន រួចហើយត្រូវឲ្យរក្សាទុកជាព័ស្តុតាងនៃសេចក្ដីបង្គាប់ (លិខិតបើកប្រាក់); មុខងារនិងកាតព្វកិច្ចដែលបណ្ដារាស្រ្តប្រគល់ឲ្យទៅបុគ្គលណាមួយ ដើម្បីធ្វើការជាតំណាងខ្លួនក្នុងការគ្រប់គ្រងរដ្ឋ (បារ. Mandat) ។វចនានុក្រម សម្ដេចសង្ឃរាជ ជួនណាត
- ន ក្នុងវេយ្យាករណ៍ អាណត្តិ ថា "សេចក្ដីបង្គាប់" ប្រើពាក្យថា "ចូរ—, ចូរ—ចុះ, —ចុះ"អ្នកទាំងឡាយចូរខំប្រឹងរៀន! , ចូរគោរពកោតក្រែងអ្នកមានគុណ! ; ចូរនាំគ្នាទៅចុះ! ; ហ៏, យកចុះ! ។វចនានុក្រម សម្ដេចសង្ឃរាជ ជួនណាត
- ន អាណត្តិកម្ម ការធ្វើអាណត្តិ ។ អាណត្តិការណ៍ ហេតុឬដំណើរនៃអាណត្តិ ។ អាណត្តិកិរិយា កិរិយាសព្ទប្រាប់សេក្ដីបង្គាប់ (ព. វ. ) ។ អាណត្តិភាព ភាវៈនៃអាណត្តិ ។ អាណត្តិលក្ខណៈ ឬ —លក្ខណ៍ លក្ខណៈនៃអាណត្តិ ។ អាណត្តិវាចា, —វាទ ឬ —ពាក្យ សម្ដីបង្គាប់; សម្ដីមត់ឬណាត់គ្នា ។ អាណត្តិសញ្ញា សញ្ញាតាមដំណើរដែលបានមត់ឬណាត់គ្នារួចហើយ; គ្រឿងសម្គាល់ឲ្យដឹងតាមដំណើរដែលបានប្រាប់ ឬបង្គាប់រួចហើយ (មានលក្ខណៈឬទំនងថាដូច្នោះៗ) ។ អាណត្តិសព្ទ សូរស្គរឬត្រែជាដើមប្រាប់អាណត្តិសញ្ញា ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ភ្នាក់ងារ បណ្ដោះអាសន្ន វិជ្ជាជីវៈ ខ្វះ ឱវាទ បិតា ពាស ចង្វាក់ គ្រឹះស្ថាន ចរ គំរូ អត្ថបទ រ៉ា សុវត្ថិភាព អាជ្ញាធរ ភាគហ៊ុន ម្ហូបអាហារ ទង កំពង់ អន់ រះ ធ្លាយ បត់ មិត្រ
Source: Samdech Chuon Nath Khmer dictionary and Khmer lexicons.