អាសនៈ
[—សៈន៉ៈ]- ន ( សំ. បា. អាសន ) ទីអង្គុយ, កន្លែងអង្គុយ, កម្រាលឬប្រដាប់សម្រាប់អង្គុយអង្គុយលើអាសនៈស្មើគ្នា ។ ព. កា. ច្រើនប្រើ អាសន៍ ជាង : កុំអាលច្រឡាស អង្គុយដើមអាសន៍ រួចបែរជាថយ ចុះមកចុងអាសន៍ ឲ្យខ្មាសស្ដាយក្រោយ ប្រយ័ត្នកុំធ្លោយ ឲ្យខ្សោយភាពខ្លួន ។វចនានុក្រម សម្ដេចសង្ឃរាជ ជួនណាត
- ន ក្រាលអាសនៈ ក្រាលកម្រាលសម្រាប់អង្គុយ ។ ដើមអាសន៍ អាសនៈខាងដើមបំផុត : ភិក្ខុដើមអាសន៍ ភិក្ខុអ្នកអង្គុយលើអាសនៈខាងដើមគេបំផុត ។ អាសនន្តរិក លំដាប់នៃទីអង្គុយឬទីអង្គុយជាលំដាប់គ្នា ។ អាសនសាលា សាលាឬរោងសម្រាប់អង្គុយ ។ អាសនានុក្រម លំដាប់លំដោយនៃអាសនៈ, លំដាប់ថ្នាក់នៃទីអង្គុយ : អង្គុយតាមអាសនានុក្រម ។ នីចាសនៈ អាសនៈទាប ។ សមានាសនៈ (សៈម៉ាន៉ា—) អាសនៈស្មើគ្នា ។ សមានាសនិក អ្នកដែលមានទីអង្គុយស្មើគ្នា, អ្នកដែលមានបង្គុយស្មើគ្នា (មនុស្សស្មើស័ក្តិគ្នា) បើស្ត្រីជា សមានាសនិកា (ម. ព. សមាន ទៀតផង) ។ ឧច្ចាសនៈ ឬ ឧច្ចាសន៍ អាសនៈខ្ពស់ ។ និយាយក្លាយជា ឱចាសន៍ ក៏មាន, ច្រើនប្រើជា កិ. វិ. ឬ គុ. សំដៅសេចក្ដីថា "ខ្ពស់, ខ្ពស់ជាង" : នាង, ឯងកុំអង្គុយឧច្ចាសន៍ជាងចាស់ទុំ ! ; កន្លែងឧច្ចាសន៍, ទីឧច្ចាសន៍ (មើលក្នុងពាក្យ ឧច្ច ទៀតផង ) ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
គ្រែ បាតុភូត ពូកែ ស្នេហា ពន់ ដំឡូង ម្លប់ ពាន ជយ ពុទ្ធិ និព្វាន អ្នកដំណើរ ការ៉េ សិទ្ធិអំណាច សវនកម្ម ក្ដាម ញយ ចតុប្បាទ អន្លើ សឹក បះ បំពាន បរិបូណ៌ តំណាល
Source: Samdech Chuon Nath Khmer dictionary and Khmer lexicons.