អឺយ
- និ ពាក្យសម្រាប់កែមស៊ែម ប្រើក្នុងកាព្យឬសម្រាប់ស្រែកបង្អូសសំឡេងឲ្យវែងរលាក់រលែកតាមលំនាំបទប្រើក្នុងខាងដើមសង្កាត់ចម្រៀង, ប្រើក្នុងខាងចុងចប់; ប្រើសំឡេងខ្ពស់ជា អឺ៎៎យ ក៏មាន តាមលំនាំសំឡេងដែលត្រូវប្រើ ( ម. ព. អឺយរ៉ា ក្នុងពាក្យ រ៉ា ផង ) ។កិ.( ព. ប្រ. ) ទើបតែនឹងផ្ដើមនិយាយ, តាំងផ្ដើមថា, ចេញថា : គ្រាន់តែអឺយឡើងគេអាចដឹងបានថាចេះឬល្ងង់ទៅហើយ( ប្រៀបប្រដូចនឹងគេស្រែកច្រៀងថា អឺយ ) ។គួរប្រយ័ត្នក្នុងការប្រើពាក្យ អឺយ និងពាក្យ អើយ ( អ្ហើយ ) ក្នុងកាព្យនិងចម្រៀង, គឺកុំថា អឺយ ជាអើយ ឬ អើយ ជា អឺយ ឡើយ, ដូចជាកាព្យថា : បងអើយម្ដេចឡើយក៏មិនស្ដី... ( ត្រូវថា បងអ្ហើយ ឬបងង៉ើយ ) ទើបចួនគ្នានឹង ឡើយ, កុំថា បងអឺយ ដែលត្រូវចួនគ្នានឹង ឡឺយ, ទៅវិញ ។កាព្យមានពាក្យ អើយ ( អ្ហើយ ) ថា : ឱលោកតាអើយ សុំកុំឆ្លងឆ្លើយ ទៅរកវាអី ព្រោះវាកោងកាច កំណាចអប្រិយ៍ ក្រោយកុំស្រដី ទៅរកវាទៀត។( ត្រូវថា តាអ្ហើយ កុំថា តាអឺយ ឬតារ៉ើយ ) ។ កាព្យប្រើពាក្យ អឺយ ខាងចុងចប់ថា : កាព្យនេះប្រែចេញពីបាលី ខ្ញុំរាយសេចក្ដីតាមជើងកាព្យ ឲ្យចាប់ចួនគ្នាជាដរាប រាបសាចែងចប់ប៉ុណ្ណេះអឺយ។ ( ដូចគ្នានឹង... ប៉ុណ្ណេះឯង ឬប៉ុណ្ណេះហោង ឬក៏ ប៉ុណ្ណេះហើយ ដែរ ) ។ ពាក្យ អឺយ នេះជួនកាលប្រើសំឡេងថា អ្ហឺយ ក៏មាន សម្រាប់ស្រែកហៅគ្នាពីចម្ងាយ, ដូចជា បងអឺយ! អឺះបង! បងឆ្លើយថា អឺះ! ។ បើស្រែកហៅបង្អូសសំឡេងខ្ពស់វែង ត្រូវសរសេរជា អឺ៎៎យ, អឺ៎៎ះ ក៏បាន ( ម. ព. អឺះ, អ៊ឺះ, អើយ ទៀតផង ) ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ការបញ្ចេញ នគរបាល សត្ត បង្កប់ ទំនេរ ស្ងួន ប្រធានាធិបតី ប្រៃសណីយ៍ ប្រកា រលូត ប្រឌិត ម្ភៃ កូនបំណុល សុពលភាព អ្នកនយោបាយ ផ្លាក ចល័ត ផលប្រយោជន៍សាធារណៈ ច្បាប់អន្តរជាតិ កម្មសិទ្ធិករ បរាសិត ចង្កោមសកម្មភាព ទ្រព្យសម្បត្តិគម្រោង រូង
Source: Samdech Chuon Nath Khmer dictionary and Khmer lexicons.