Skip to content

ឥរិយាបថ

[អិរ៉ិយ៉ាបត់]
  1. ន ( បា.; សំ. ឦយ៌ាបថ ) ផ្លូវឬគន្លងនៃឥរិយា គឺការដើរ, ឈរ, អង្គុយ, ដេក, ( ម. ព. ឥរិយា ផង ) ។ សម្រេចឥរិយាបថ ប្រើឥរិយាបថ ។ សម្រេច ឥរិយាបថដេក សម្រេចការដេក( ដេក ) ។
    វចនានុក្រម សម្ដេចសង្ឃរាជ ជួនណាត
  2. ន បើរៀងភា្ជប់ពីខាងដើមសព្ទដទៃ អ. ថ. អិរ៉ិយ៉ាប៉ៈថៈ, ដូចជា ឥរិយាបថចារ ការសម្រេចឬប្រើឥរិយាបថ ។ ឥរិយាបថបរិវត្តន៍ ការផ្លាស់ឥរិយាបថ ។ ឥរិយាបថបរិហារ ការរក្សាឥរិយាបថគឺការចេះលៃឥរិយាបថទាំងបួន ។ ឥរិយាបថរោគ រោគដែលកើតព្រោះការប្រើឥរិយាបថពុំស្មើ មានអង្គុយច្រើនពេកជាដើម( ហៅ វិសមបរិហារជាពាធ ក៏បាន ) ។ ឥរិយាបថវិសមភាព ភាវៈមិនស្មើនៃឥរិយាបថ គឺការប្រើឥរិយាបថបួនពុំស្មើ ។ ឥរិយាបថសមភាព ការប្រើឥរិយាបថបួនស្មើល្អ ។ ឥរិយាបថសម្បត្តិ ការបរិបូណ៌ដោយឥរិយាបថ គឺឥរិយាបថទាំងបួនសមរម្យមិនឆ្គង ។ ឥរិយាបថសម្បន្ន ( –សំ-ប័ន) អ្នកដែលមានឥរិយាបថទាំងបួនសមរម្យ ( បើស្ត្រីជា ឥរិយាបថសម្បន្នា អ. ថ. –ស័ម-ប៉័ន-ន៉ា )។ល។ ព. កា. ឲ្យរក្សាឥរិយាបថទាំងបួន : ឥរិយាបថបួន គួរជនប្រុងខ្លួន តាមសុជីវធម៌ ត្រឹមត្រូវទៀងទាត់ បែបបទបវរ នឹងមានអំណរ មិននឹកស្ដាយក្រោយ ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

ក្រៀម ប្រការ ឆ្គង ដាន លង់ លូក ចួប មូលហេតុ សណ្ដាប់ធ្នាប់ សម្ព័ន្ធ ពុត ពិបាក ផ្ទាត់ ថ្វាយ មន្ទិល វិន័យ ទិដ្ឋភាព លាភ សាធុ ទិព្វ យុទ្ធសាស្ត្រ សមិទ្ធកម្ម អ្នកផ្គត់ផ្គង់ គតិយុត្ត

Source: Samdech Chuon Nath Khmer dictionary and Khmer lexicons.