ឧតុ
[អ៊ុ-តុ]- ន ( បា. ; សំ. ឫតុ ) រដូវ ។ ឧតុកាល កាលរដូវ គឺកាលដែលគួរតាមរដូវ : ធ្វើបុណ្យឲ្យទានតាមឧតុកាល ( ប្រើជា ឧតុសម័យ ក៏បាន ) ។ ឧតុនិយម ឬ –និយាម ដំណើរកំណត់រដូវ; រដូវមួយៗដែលមានកាលកំណត់ផ្សេងពីគ្នា; កាលអនុលោមតាមរដូវ : ស្លៀកពាក់តាមឧតុនិយម ។ ឈ្មោះក្រុមរាជការមានភារកិច្ចខាងការពិនិត្យនូវបាតុភូតដែលកើតមានតាមរដូវឰដ៏បរិយាកាសដូចជា ផ្គរ, ភ្លៀង, រន្ទះ, ខ្យល់ព្យុះ, អ័ព្ទជាដើម : ក្រុមឧតុនិយម ។ ឧតុនី ឬ ឧតុមតី ( សំ. ឫតុមតី ) ស្ត្រីមានរដូវ ។ ឧតុបរិណាម ( –ប៉ៈរ៉ិ– ) ដំណើរផ្លាស់រដូវឬប្រែប្រួលរដូវ : ជំងឺឧតុបរិណាម ជំងឺដែលកើតព្រោះដំណើរផ្លាស់រដូវ ( ហៅ ឧតុបរិណាមជាពាធ ( –ប៉ៈរ៉ិណាម៉ៈ– ) ក៏បាន; បា. < ឧតុបរិណាមជ + អាពាធ ) ។ ឧតុបរិយោសានចុងរដូវ ។ ឧតុមុខ ដើមរដូវ ។ ឧតុរាជ ស្ដេចរដូវ គឺវសន្តរដូវ( រដូវឈើជម្រុះស្លឹកហើយបញ្ចេញត្រួយបញ្ចេញផ្កា ។ ម. ព. វសន្តរដូវ ផង ) ។ ឧតុវិបរិត ឬ –វិបល្លាស ដំណើរផ្លាស់ប្រែអាកាសធាតុក្នុងរដូវនីមួយ( ដូចជារដូវក្ដៅប្រែទៅជាត្រជាក់ជាដើម ) ។ ឧតុសន្ធិ តំណរដូវ ។ ឧតុសន្និបាត សម័យដែលរដូវមួយទល់គ្នានឹងរដូវមួយ ។ ឧតុសមុដ្ឋាន សមុដ្ឋាននៃរដូវ ( មានក្ដៅ, រងាជាដើម ) : ប្រើថ្នាំរម្ងាប់រោគតាមឧតុសមុដ្ឋាន ។ល។ ( ម. ព. ឫតុ និង រដូវ ផង ) ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
យមៈ យីថោ សាស្ដា រគោង រទូរទាំ បញ្ជរ ការរឹបអូស សាមាន្យ ផ្កាត្រែង លោង សម្លាញ់ ព្រាហ្មណិក ល័ក្សណ៍ លក្ស្មណ៍ លក្ខន្តិក អយស្ម័យ បហរ មាក់ងាយ រវើរវាយ ប្រដិត សក្យ ហ៊ុម ស្រាញ ស្រាស់
Source: Samdech Chuon Nath Khmer dictionary and Khmer lexicons.