រូបភាពពូតខោអាវមើលដឹងឧបនិស្ស័យមនុស្ស
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
ដូចអ្នកដែលយើងធ្លាប់បានពោលកន្លងរួចមកហើយថា រាល់សកម្មភាពប្រចាំថ្ងៃរបស់លោកអ្នកសុទ្ធសឹងជាការលាត ត្រដាងឱ្យគេមើលឃើញពីអ្វីដែលជាធាតុពិតកំពុងសម្ងំលាក់ខ្លួននៅក្នុងរាងកាយរបស់លោកអ្នក។ ដូចជាខ្លឹមសារទស្សន៍ទាយខាងក្រោមនេះធ្វើឱ្យលោកអ្នកដឹងពីអត្តចរិតខ្លួនឯង ឬដឹងពីមនុស្សដែលកំពុងរស់នៅជុំវិញ កាយទៀតផង។ ការស្ទាបស្ទង់ដឹងតាមរយៈការទស្សន៍ទាយនេះវាអាចជួយរឹតចំណងមេត្រីភាព ឬទុកជាការកត់សម្គាល់ថាមនុស្ស ណាគួរបន្តទំនាក់ទំនងនិងមនុស្សណាគួរបន្តទំនាក់ទំនង និងមនុស្សណាដែលអ្នកគួរដកខ្លួនឱ្យឆ្ងាយជាដើម។ ពិសេសជាងនោះទៅទៀតពេលខ្លះវាអាចជួយជាការសម្គាល់សម្រាប់ ការសម្លឹងរកមើលដៃគូអនាគតរបស់លោកអ្នក ដែលនៅលីវទៀតផង។ ជាធម្មតាក្រោយពេលលោកអ្នកបោកគត់សម្លៀកបំពាក់រួចរាលហើយ រមែងឈានដល់ដំណាក់កាលពូតវា ឱ្យស្រស់ទឹកមុននឹងឈានដល់យកវាទៅហាលឱ្យស្ងួត។ ដែលជាការពិតក្នុងមួយដំណាក់កាលៗមនុស្សម្នាក់ៗរមែងមានវិធីធ្វើខុសៗ ពីគ្នា។ ចំណុចត្រង់នេះហើយដែលយើងចង់គូសបញ្ជាក់ថា ជាសកម្មភាពលាតត្រដាងពីឧបនិស្ស័យរបស់បុគ្គលម្នាក់ៗដូចបានពោល មកពីខាងដើមនោះ។ ប្រសិនបើលោកអ្នកចង់ជ្រាបថា សកម្មភាពបោកគត់ពូតខោអាវរបស់ខ្លួនឯង ត្រូវបានគេទស្សន៍ទាយទុកបែបណានោះ សូមអានខ្លឹមសារទស្សន៍ទាយដូចខាងក្រោម
-ទាញសម្លៀកបំពាក់ឱ្យត្រង់មុនពេលមួលពូត អាចទស្សន៍ទាយបានថា ជាមនុស្សមានគោលការណ៍នៅក្នុងគំនិតរបស់គេថា មនុស្សគ្រប់រូបចាំបាច់ត្រូវតែមើលឃើញ ពីភាពសំខាន់របស់ខ្លួន។ ជាមនុស្សមានការជឿជាក់លើខ្លួនឯងបំផុត រហូតពេលខ្លះបានរុញច្រានឱ្យមនុស្សនេះឈ្លក់វង្វេងនឹងខ្លួន ឯងទៀតផង។ ជាមនុស្សចូលចិត្តធ្វើអ្វីៗដោយខ្លួនឯង ព្រោះគិតឃើញថា គ្មាននរណាមានសមត្ថភាពអាចធ្វើបានដូចខ្លួនឯង។ លក្ខណៈ បែបនេះភាគច្រើនបានក្លាយ ទៅជាបុគ្គលផ្តាច់ការសម្រាប់កូនចៅប្រសិនបើមាន។ ក៏ប៉ុន្តែប្រសិនបើគេមើលពីផ្លូវស្នេហាវិញ មនុស្សនេះបានដក់ចិត្តស្រលាញ់នរណាម្នាក់ហើយ រមែងផ្ទេរអស់ពីក្នុងបេះដូង តែមនុស្សនេះគ្មានចំណូលចិត្តឱ្យអ្នកដទៃវាយលុក មកលើខ្លួនមុនជាដាច់ខាត ព្រោះបើស្រលាញ់អ្នកណាម្នាក់ហើយគេនឹងហាមាត់ផ្តើមមុនជាដរាប។
-ពេលពូតប្រើកដៃស្តាំនៅខាងលើ ជាមនុស្សមានអត្តចរិតឆេវឆាវចិត្តស្រាលជាងខ្យល់ អារម្មណ៍ប្រែប្រួល មិនទៀងទាត់ ជាពិសេសមនុស្សនេះមិនចូលចិត្តអ្វីដែលមានរបៀបក្រឹត្យក្រមហួស ហេតុពេក ព្រោះតែមាននិស្ស័យឆាប់ជិនណាយនោះឯង។ ដោយឡែករឿង ស្នេហាគេចូលចិត្តស្នេហាបែបប្រឈមនឹងគ្រោះភ័យភ្ញាក់ផ្អើល ដើម្បីសម្តែងឱ្យ ឃើញ្ញពីភាពមានម្ចាស់ការលើខ្លួនឯង។ ក៏ប៉ុន្តែមនុស្សនេះភាគច្រើនជាអ្នកទទួល បានជោគជ័យនៅក្នុងការងារដែលខ្លួនបានធ្វើ
-ពេលពូតកដៃទាំងពីរនៅខាងក្រោម ជាមនុស្សដែលអ្នកដទៃគេនិយមចូលចិត្តរាប់អានមិនខ្វះញ្ញាតិ ព្រោះមនុស្ស នេះមានទឹកចិត្តទូលំទូលាយមិនចង្អៀតចង្អល់ ព្រមទាំងចេះមើលថែទាំ និងយក ចិត្តអ្នកដទៃយ៉ាងប៉ិនប្រសប់ទៀតផង។ ក៏ប៉ុន្តែសម្រាប់អ្នកមិនសូវស្គាល់ជិតដិតវិញ ប្រាកដជា ចាត់ទុកថា មនុស្សនេះអាត្មានិយមមានគំនិតផ្តាច់ការ ត្រូវការឱ្យអ្នកដទៃធ្វើអ្វីតម្រូវតាមចិត្តខ្លួនឯង។ ចំណុចដែលមិនសូវល្អគឺមាន សម្តីមិនសូវទន់ភ្លន់បែបចេញមកទាំងកាកក៏ថាបាន។
-ប្រើដៃទាំង២ពូតដំណាលគ្នា អាចពោលបានថា ជាមនុស្សមិនចេះនៅស្ងៀមចូលចិត្តធ្វើនេះធ្វើនោះជានិច្ច ជាពិសេសមានអត្តចរិតស្រស់ស្រាយរីករាយ ស្ទុះស្ទាមិនស្ពឹកស្រពន់ និងមានទំនាក់ទំនងល្អជាមួយមនុស្សទូទៅ។ ចំណែករឿងស្នេហាចាត់ទុកថា ជាអ្នកមានសំណាងល្អបំផុត ព្រោះមានមន្តស្នេហ៍ទាក់ទាញដែលកើតចេញពីភាពមិនចេះលាក់លៀមត្រង់ទៅត្រង់មកនោះឯង។
ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។