មើលនិស្ស័យមនុស្សតាមកាយវិការដុសធ្មេញ
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
ជាធម្មតាយើងត្រូវដុសធ្មេញក្នុងមួយថ្ងៃពីរឬបីពេល គឺពេលព្រឹក និងល្ងាចក្រោយពេលទទួលទានអាហាររួច ក្នុងគោលបំណងដើម្បីឱ្យធ្មេញស និងគ្មានដង្កូវស៊ី។ ក៏ប៉ុន្តែការ ពិតពុំមាននរណាម្នាក់ដឹងទេថា សកម្មភាពដុសធ្មេញនេះអាចលាតត្រដាងឱ្យអ្នកដទៃមើលឃើញពីអត្តចរិតរបស់ខ្លួនឯងនោះឡើយ។ ប្រសិនបើលោកអ្នកចង់ជ្រាប់ច្បាស់ថា សកម្មភាពនានាក្នុងពេលដុសធ្មេញរបស់អ្នកមានអត្ថន័យបែបណាខ្លះនោះ សូមអានខ្លឹមសារទស្សន៍ទាយដូចខាងក្រោមនេះ
ដុសធ្មេញមើលពិតានជញ្ជាំងបណ្តើរ ជាសញ្ញាប្រាប់ឱ្យដឹងថា មនុស្សនេះខ្វះការជឿជាក់លើខ្លួនឯង។ យកល្អតោងហ្វឹក ហាត់យល់ដឹងពីវិធីបង្កើនទំនុកចិត្តដល់ខ្លួនឯងមានសមត្ថភាពអាចធ្វើអ្វីៗបានច្រើន យ៉ាង។ សម្រាប់រឿងស្នេហាវិញអ្នកមានទម្លាប់អាក្រក់ម្យ៉ាង គឺចូលចិត្តបណ្តែត បណ្តោយឱ្យរឿងរ៉ាវរីករាលដាល ទោះបីជាធាតុពិតអ្នកមានសមត្ថភាពដោះស្រាយបានឆាប់ក៏ដោយចុះ។ យកល្អលើកក្រោយប្រសិនបើកើតមានបញ្ហាត្រូវប្រញាប់ដោះ ស្រាយ បើពុំនោះទេប្រយ័ត្នរឿងរ៉ាវរាលដាលទៅជាធំដុំ។
ដុសបណ្តើរងាកឆ្វេង ងាកស្តាំ ជាមនុស្សប្រយ័ត្នប្រយែងមុខក្រោយហើយព្រួយបារម្ភសព្វសារពើមិនថារឿងតូច ឬរឿងធំ។ ក៏ប៉ុន្តែគេមានចំណុចល្អក្នុងរឿងស្នេហា ព្រោះមនុស្សនេះចេះក្រែងរអែងចិត្តអ្នកដទៃមិនចង់ឱ្យកើតមានបញ្ហាអ្វីទាំងអស់។ ភាពប្រយ័ត្នប្រយែងបានធ្វើឱ្យមនុស្សនេះក្លាយទៅជាមនុស្សម្នាក់គួរឱ្យស្រឡាញ់បំផុត។ អាចពោលយ៉ាងខ្លីបានថា ប្រសិន បើនរណាម្នាក់បានអ្នកជាគូគ្រងជីវិតពិតជាសំណាងល្អមិនខាន។
ដុសបណ្តើរមើលខ្លួនឯង មើលក្បាលរ៉ូប៊ីណេ មើលអាង និងមើលបន្ទប់ទឹក ជាមនុស្សគួរឱ្យស្រឡាញ់មានអធ្យាស្រ័យល្អនរណាៗ ក៏គេចង់រស់នៅក្បែរទោះបីគេរស់នៅទីណាក៏មានសាច់សាលោហិតញាតិសន្តានមិនចេះខ្វះ។ បើនិយាយពីរឿងស្នេហាវិញមិនចាំបាច់និយាយដល់នោះឡើយ ព្រោះជាមនុស្សដែលសម្បូរទៅដោយភាពកក់ក្តៅធ្វើឱ្យនរណាៗដែលបានសេពគប់រាប់រក ហើយមិនងាយដកចិត្តរួច។ ដោយសារហេតុផលខាងលើនេះហើយទើបមនុស្ស នេះមួយឆាកជីវិតរបស់គេមិនសូវអភ័ព្វរឿងស្នេហានោះទេ ផ្ទុយទៅវិញគេបែរជាទទួលជោគជ័យគួរឱ្យពេញចិត្តបំផុត។
ដុសបណ្តើរឆ្លុះកញ្ចក់មើលបណ្តើរ អាចពោលបានថា ជាមនុស្សមានអត្តចរិតបែបជាអ្នកលេងហ៊ានស៊ីហ៊ានសងមានភាពទទួលខុសត្រូវខ្ពស់។ ជាប្រភេទមនុស្សដែលធ្វើការងារអ្វីមួយមិនសូវចេះបង្អែបង្អង់ យូរប្រសិនបើមានកិច្ចការអ្វីមួយគេនឹងធ្វើភ្លាមៗដោយមិនរង់ចាំទៅថ្ងៃក្រោយ។ ជាមនុស្សដែលសម្បូរទៅដោយភាពផ្តួចផ្តើមថ្មីៗ ប្រសិនបើគេនឹកឃើញអ្វីមួយនឹងលើកជាសំណើភ្លាមៗដោយមិនចេះលាក់លៀម។ ជាងនេះទៅទៀត ជាមនុស្សត្រង់ទៅត្រង់មក បើមានបញ្ហាណាមួយក៏បានសួរចំៗមុខមិនចេះលាក់លៀមឬនិយាយពីក្រោយខ្នងនោះដែរ។ ចំណែករឿងស្នេហាវិញ គេមានការជឿជាក់លើ ស្នេហារបស់ខ្លួនបំផុត ព្រោះឧបនិស្ស័យរបស់មនុស្សក្រោយពេលគេសម្រេចចិត្តហើយ គឺមិនរារែកជាដាច់ខាត។ ក៏ប៉ុន្តែក្នុងរឿងស្នេហាប្រសិនបើគេមើលឃើញថា មានសភាពមិនល្អ គេអាចកាត់ចិត្ត បានភ្លាមៗដោយមិនបណ្តោយខ្លួនឱ្យលិចលង់នៅក្នុងទុក្ខសោកយូរដាច់ខាត។
ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។