Skip to content

កាយ

  1. ន ( បា. ) រូបដែលជាទីប្រជុំអាការ ៣២ មានសក់, រោម, ក្រចកជាដើម រួមទាំងអស់ហៅថា កាយ ។ កាយគន្ថៈ ( កាយ៉ៈ-គ័ន-ថៈ ) ឈ្មោះកិលេសមួយពួកដែលរួបរឹតនូវកាយមានអភិជ្ឈាកាយគន្ថៈ ជាដើម ។ កាយគតាសតិ ស្មារតីដែលតាំងនៅក្នុងកាយ, សេចក្តីពិចារណាក្នុងរូបកាយ ។ កាយប្បស្សទ្ធិ ( កា-យ៉ាប់-បុ័ស-សាត់-ធិ ) សេចក្តីស្ងប់កាយ, សេចក្តីសុខស្រួលកាយ ។ កាយប្បសាទ (—ប៉ៈ- សាត ) បសាទរបស់កាយ ( ម. ព. បសាទ ផង ) ។ កាយពន្ធន៍ (—ពន់ ) ចីវរសម្រាប់ចងកាយ គឺវត្ថពន្ធន៍ចង្កេះ ។ កាយមោនេយ្យៈ សេចក្តីស្ងៀមនៃកាយ គឺមិនប្រព្រឹត្តទុច្ចរិតដោយកាយ ។ កាយឫទ្ធិ ឫទ្ធិនៃកាយ ។ កាយវិកល ការវិកលនៃរាងកាយ, ការខូចពិរាពិការនៃកាយ ។ កាយវិការ ការកម្រើកនៃកាយ, ចលនានៃកាយ ។ កាយវិញ្ញត្តិ ( ម. ព. កាយវិការ ) ។ កាយវិញ្ញាណ សេចក្តីដឹងច្បាស់នូវអារម្មណ៍តាមទ្វារកាយ គឺកាយធាតុនិងផោដ្ឋព្វធាតុដែលមានការប៉ះទង្គិចគ្នានាំឲ្យកើតសេចក្តីដឹងឡើង ។ កាយវិវេក សេចក្តីស្ងប់ស្ងាត់នៃកាយ ( ម. ព. វិវេក ) ។ កាយសម្ផស្ស ការប៉ះពាល់នូវផោដ្ឋព្វារម្មណ៍ដោយកាយ ។ កាយសុខ សេចក្តីសុខកាយ ។ កាយសោចេយ្យៈ សេចក្តីស្អាតនៃកាយគឺការមិនប្រព្រឹត្តធ្វើអំពើទុច្ចរិតដោយកាយ ។ កាយានុបស្សនា ការពិចារណាឃើញរឿយៗ នូវកាយថាជារូបមិនទៀងជាដើម ។ កាយិកទុក្ខ ( កា-យិ-កៈ—) សេចក្តីលំបាកដែលប្រព្រឹត្តទៅក្នុងកាយ, ទុក្ខខាងរូបកាយ ។ កាយិកសុខ សេចក្តីសុខខាងរូបកាយ ។ ល ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

បង្ហាញ មូល អនុញ្ញាត ចង់ ម្ចាស់ ចាស់ ខ្យល់ បោះ លាក់ យូរ ចាត់ នយោបាយ មន្ត្រី ឆ្លង រង រស ដៀង ចែង ដេក ផ្អែក ចោល ឧបករណ៍ លេង រាល់

Source: Samdech Chuon Nath Khmer dictionary and Khmer lexicons.