Skip to content

ការវិនិយោគ

  1. <p>វាក្យសព្ទនេះមាននិយមន័យច្រើន ដូចខាងក្រោម៖</p><br><p>១. រាល់ទ្រព្យដែលវិនិយោគិនមានកម្មសិទ្ធិ ឬសិទ្ធិគ្រប់គ្រង ដែលមានចរិតលក្ខណៈជាការវិនិយោគ ដូចជាការសន្យាផ្ដល់ទុន ឬធនធានដទៃទៀត ការរំពឹងថានឹងទទួលបានផល ឬការចំណេញ ឬការទទួលហានិភ័យដែលរាប់បញ្ចូលទាំង៖</p><br><p>(i) ចលនទ្រព្យនិងអចលនទ្រព្យ រូបទ្រព្យនិងអរូបទ្រព្យ និងសិទ្ធិប្រត្យក្ស ដូចជា ភតិសន្យា ហ៊ីប៉ូតែក ឯកសិទ្ធិ និងសិទ្ធិលើការបញ្ចាំ</p><br><p>(ii) ភាគហ៊ុន ហ៊ុន សញ្ញាបណ្ណ លិខិតបំណុល កម្ចី និងទម្រង់ផ្សេងទៀតនៃបំណុល ឬទុនចូលរួមក្នុងនីតិបុគ្គល ដែលរាប់បញ្ចូលទាំងសិទ្ធិនិងផលប្រយោជន៍ទាំងឡាយដែលកើតចេញពីទ្រព្យខាងលើ</p><br><p>(iii) កម្មសិទ្ធិបញ្ញាដែលត្រូវបានប្រគល់ឱ្យ ស្របទៅតាមច្បាប់និងបទប្បញ្ញត្តិរបស់ភាគីដែលការវិនិយោគស្ថិតនៅក្នុងដែនដីរបស់ភាគីនោះ ដែលរាប់បញ្ចូលទាំងសិទ្ធិអ្នកនិពន្ធនិងសិទ្ធិប្រហាក់ប្រហែល សិទ្ធិប្រកាសនីយបត្រតក្កកម្ម និងសិទ្ធិពាក់ព័ន្ធនឹងម៉ូដែលមានអត្ថប្រយោជន៍ ពាណិជ្ជសញ្ញា គំនូរឧស្សាហកម្ម ការរចនាប្លង់នៃសៀគ្វីរួមបញ្ចូលគ្នា ប្រភេទផ្សេងៗនៃពូជរុក្ខជាតិថ្មី ពាណិជ្ជនាម ទំនិញសម្គាល់ប្រភព ឬទំនិញសម្គាល់ភូមិសាស្ត្រ ព័ត៌មានសម្ងាត់ និងកិត្តិនាមជំនួញ</p><br><p>(iv) សិទ្ធិក្នុងកិច្ចសន្យា ដែលរាប់បញ្ចូលទាំងកិច្ចសន្យាម៉ៅការ កិច្ចសន្យាសាងសង់ កិច្ចសន្យាគ្រប់គ្រង កិច្ចសន្យាផលិត ឬកិច្ចសន្យាចែករំលែកចំណូល</p><br><p>(v) សិទ្ធិដែលបានប្រគល់ឱ្យ ស្របទៅតាមច្បាប់និងបទប្បញ្ញត្តិ ឬកិច្ចសន្យា ដូចជាសម្បទាន អាជ្ញាបណ្ណ លិខិតអនុញ្ញាត និងការអនុញ្ញាត រួមទាំងការរុករកនិងការធ្វើអាជីវកម្មធនធានធម្មជាតិ និង</p><br><p>(vi) បណ្ដឹងទាមទារប្រាក់ និងបណ្ដឹងទាមទារឱ្យអនុវត្តកិច្ចសន្យាដែលមានតម្លៃហិរញ្ញវត្ថុប៉ុន្តែពាក្យ “ការវិនិយោគ” មិនរាប់បញ្ចូលបណ្ដឹងទាមទារប្រាក់ដែលកើតឡើងតែពី៖</p><br><p>ក-កិច្ចសន្យាពាណិជ្ជកម្មសម្រាប់ការលក់ទំនិញ ឬសេវាកម្មដោយរូបវន្តបុគ្គល ឬនីតិបុគ្គលនៅក្នុងដែនដីរបស់ភាគីមួយ ទៅកាន់រូបវន្តបុគ្គល ឬនីតិបុគ្គលនៅក្នុងដែនដីរបស់ភាគីមួយទៀត ឬ</p><br><p>ខ-ការពង្រីកឥណទានដែលពាក់ព័ន្ធនឹងប្រតិបត្តិការពាណិជ្ជកម្ម ដូចជាការផ្ដល់ហិរញ្ញប្បទានពាណិជ្ជកម្ម។</p><br><p>ពាក្យ “ការវិនិយោគ” ក៏រួមបញ្ចូលទាំងផលពីការវិនិយោគ ដែលជាទ្រព្យប្រមូលបាន ឬដែលកើតចេញពីការវិនិយោគមួយ ជាពិសេស តែមិនកំណត់ត្រឹមលើប្រាក់ចំណេញ ការប្រាក់ ចំណូលមូលធន ភាគលាភ សួយសារ និងកម្រៃផ្សេងៗ។ ការប្ដូរទម្រង់នៃទ្រព្យសម្បត្តិដែលបានវិនិយោគ មិនប៉ះពាល់ដល់ចរិតលក្ខណៈជាការវិនិយោគរបស់ទ្រព្យសម្បត្តិនោះឡើយ។ ពាក្យ “ការវិនិយោគ” មិនរាប់បញ្ចូលដីកា ឬសាលក្រមដែលត្រូវបានដាក់បញ្ចូលទៅក្នុងវិធានការតុលាការ ឬវិធានការរដ្ឋបាលឡើយ។</p><br><p>២. ទ្រព្យសម្បត្តិគ្រប់ប្រភេទ ដែលជាកម្មសិទ្ធិ ឬគ្រប់គ្រង ដោយអ្នកវិនិយោគ ដោយរាប់បញ្ចូល ប៉ុន្តែមិនកំណត់ចំពោះទ្រព្យសម្បត្តិដូចខាងក្រោម៖</p><br><p>(i) ចលនទ្រព្យ និងអចលនទ្រព្យ និងសិទ្ធិលើទ្រព្យសម្បត្តិដទៃទៀត ដូចជាវត្ថុបញ្ចាំបំណុល ប្រាតិភោគបំណុល (វត្ថុដាក់ធានាបំណុល) ឬប្រាក់សន្យាឱ្យ</p><br><p>(ii) ភាគហ៊ុន ហ៊ុន សញ្ញាបណ្ណ និងបណ្ណបំណុល និងទម្រង់ដទៃទៀតណាមួយនៃការចូលរួមរបស់នីតិបុគ្គល និងសិទ្ធិ ឬផលប្រយោជន៍ដែលបានមកពីការចូលរួមនោះ</p><br><p>(iii) កម្មសិទ្ធិបញ្ញា ដែលផ្ដល់ឱ្យ ដោយយោងតាមច្បាប់ និងបទប្បញ្ញត្តិនៃរដ្ឋសមាជិកនីមួយៗ</p><br><p>(iv) ការទាមទារសំណងជាប្រាក់ ឬជាការអនុវត្តកិច្ចសន្យា ទាក់ទងនឹងធុរកិច្ចនិងមានតម្លៃហិរញ្ញវត្ថុ</p><br><p>(v) សិទ្ធិផ្សេងៗក្រោមកិច្ចសន្យា រាប់បញ្ចូលទាំងកិច្ចសន្យាទទួលយកសមិទ្ធិផលហើយស្រេច ការសាងសង់ ការគ្រប់គ្រង ការផលិត ឬកិច្ចសន្យាចែករំលែកប្រាក់ចំណូល និង</p><br><p>(vi) សម្បទានពាណិជ្ជកម្ម ដែលតម្រូវចំពោះដំណើរការសកម្មភាពសេដ្ឋកិច្ច និងមានតម្លៃហិរញ្ញវត្ថុ ដែលបានផ្ដល់ឱ្យដោយច្បាប់ ឬក្រោមកិច្ចសន្យា រាប់បញ្ចូលទាំងសម្បទាន ដើម្បីស្រាវជ្រាវ ដាំដុះ ការធ្វើនិស្សារណកម្ម ឬធ្វើអាជីវកម្មធនធានធម្មជាតិ។</p><br><p>វាក្យសព្ទ “ការវិនិយោគ” រាប់បញ្ចូលផងដែរនូវបរិមាណ ដែលទទួលបានទិន្នផលដោយការវិនិយោគ ជាពិសេស ប្រាក់ចំណេញ ការប្រាក់ ចំណេញជាមូលធន ភាគលាភ ប្រាក់បង់ថ្លៃឈ្នួល និងកម្រៃសេវា។ រាល់ការកែទម្រង់នៃទ្រព្យសម្បត្តិ ត្រូវបានវិនិយោគ ឬវិនិយោគឡើងវិញ មិនត្រូវឱ្យប៉ះពាល់ដល់ការធ្វើចំណាត់ថ្នាក់នៃការវិនិយោគឡើយ។</p><br><p>៣. ការទិញសញ្ញាបណ្ណរដ្ឋអធិបតេយ្យនៃរដ្ឋបរទេស ឬការវិនិយោគលើអចលកម្មហិរញ្ញវត្ថុផ្សេងទៀត ដោយប្រើអតិរេកសាច់ប្រាក់ ឬអតិរេកថវិកា។</p>
    សទ្ទានុក្រមគតិយុត្ត MEF

Look up another word in the Khmer Dictionary

More words

បាប ទេសចរណ៍ ជំនួយ កាច់ អប រុក លូត ប្រាជ្ញ កវី ល្មើស បណ្ដុះ ជំរុញ ក្រៃពេក ខ្មោច ស្លា រលីង ក្រឡា អូស ម៉ែត្រ រដាក់ ជួល ទេវ រ៉ែ ឯករាជ្យ

Source: Samdech Chuon Nath Khmer dictionary and Khmer lexicons.