លក់
- កិ ចំណាយទំនិញ, ឲ្យរបស់ទៅអ្នកទិញដោយយកថ្លៃលក់ទំនិញ ។វចនានុក្រម សម្ដេចសង្ឃរាជ ជួនណាត
- កិ ពិន័យតាមច្បាប់បញ្ញត្តត្រូវគយលក់ ៣០ រៀល ។វចនានុក្រម សម្ដេចសង្ឃរាជ ជួនណាត
- កិ លក់ខ្លួន, ចំណាយខ្លួន ឲ្យជាអ្នកនៅបម្រើគេ ។ លក់ជឿ លក់ពុំទាន់យកថ្លៃដល់ដៃភ្លាមនៅឡើយដោយជឿថាអ្នកទិញនឹងចេញតម្លៃឲ្យពុំខាន ។ លក់ដូរ លក់ខ្លះដូរខ្លះ គឺលក់របស់រប៉ិចរប៉ីរាយរង ។ លក់ដុំ លក់ទាំងដុំៗទីទៃពីលក់រាយ ។ លក់រាយ លក់រាយៗ តាមតែគេទិញអ្វីៗប៉ុន្មានៗក៏ដោយ ទីទៃពីលក់ដុំ ។ លក់ព្នៃ ពិន័យលក់ទ្វេគុណ (ក្លាយមកពីពាក្យថា លក់ពិន័យ ឬ ពិន័យលក់; ម. ព. ព្នៃ និង ពិន័យ ទៀតផង) ។ ពាក្យ លក់ នេះបើរបស់ដែលទាក់ទងខាងព្រះពុទ្ធសាសនា ត្រូវថា ជាវ, អ្នកលក់ និងអ្នកទិញត្រូវថា ជាវ ដូចគ្នាជាវគម្ពីរ, ជាវបាត្រ, ជាវត្រៃចីវរ, ជាវសៀវភៅធម៌ ។ ល ។វចនានុក្រម សម្ដេចសង្ឃរាជ ជួនណាត
- កិ បើបុព្វជិតនិងអ្នកលក់ត្រូវថា ពិចារណា ដូចជាថាលោកគ្រូឲ្យគេពិចារណាតែបាត្រមួយទេ ឬឲ្យគេពិចារណាគ្រឿងបរិក្ខារអ្វីទៀតដែរ ? . . . ។ ល ។វចនានុក្រម សម្ដេចសង្ឃរាជ ជួនណាត
- កិ ដេកស៊ប់ស្ងាត់អារម្មណ៍មិនដឹងខ្លួនលក់មួយល្បក់ ។វចនានុក្រម សម្ដេចសង្ឃរាជ ជួនណាត
- កិ លក់លង់ លក់ជ្រុលដំណេក ។ លក់លន់ ឬលន់លក់ លក់ហួសប្រមាណ, លក់ជ្រៅមិនងាយភ្ញាក់( ព. កា. )លក់លន់លង់ជ្រៅ ទោះខ្លួនដេកនៅ ក្នុងគ្រឹហាឋាន មានចោរកំណាច អាចគាស់ទ្វារបាន លួចទ្រព្យហើយច្រាន ទ្វារបិទដូចដើម ។វចនានុក្រម សម្ដេចសង្ឃរាជ ជួនណាត
- កិ លក់ស្វា លក់ពភ្លឹមពភ្លែត គឺស្ទើរលក់ស្ទើរភ្ញាក់ ( បាលីហៅ កបិមិទ្ធ "លក់ស្វា", ការយល់សប្នឃើញអ្វីៗ ទោះពិតក្ដីមិនពិតក្ដី ឃើញត្រង់ស្របក់នេះឯង ពុំមែនពេញជាលក់ពុំមែនពេញជាភ្ញាក់ គឺត្រង់ចន្លោះលក់និងភ្ញាក់; ព. វិ. ពុ. ) ។ ព. ប្រ. ដេកលក់ ឬ លក់ជានិច្ច ត្រាំគំនិតនៅក្នុងដំណើរមិនយល់ការខុសត្រូវឬប្រហែសធ្វេសជានិច្ច ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
គិត តំបន់ ចំណាយ ផ្សំ សំពត់ ស្មើ ស្លឹក ប្រយោជន៍ ក្រុម ឯង សម្រេច គ្រប់គ្រង ត្រឹម សរសេរ មេ ហេតុ សំឡេង ពុទ្ធ សម សម័យ កិច្ចសន្យា ស្ត្រី ស្រី រក្សា
Source: Samdech Chuon Nath Khmer dictionary and Khmer lexicons.