Skip to content

អាវ

  1. ន សំពត់ដែលគេវាស់កាត់តាមខ្នាតរួចដេរស្រេចហើយ, មានតួ, មាន-ក, មានដៃ, មានឡេវ សម្រាប់ប្រើជាគ្រឿងពាក់ស្រោបខ្លួនពីត្រឹម-កចុះមក, មានបែបនិងឈ្មោះផ្សេងៗ ហៅដោយសង្ខេបមានត្រឹមតែពីរយ៉ាងគឺ អាវប្រុស, អាវស្រី ។
    វចនានុក្រម សម្ដេចសង្ឃរាជ ជួនណាត
  2. ន ប្រវែងសាច់សំពត់ដែលល្មមកាត់ដេរជាអាវមួយបាន តាមខ្នាតអាវវែងឬខ្លី ក៏ហៅ អាវ ដែរ
    សំពត់មួយអាវ (វែង), សំពត់មួយអាវ (ខ្លី) ។
    វចនានុក្រម សម្ដេចសង្ឃរាជ ជួនណាត
  3. ន គួរកុំនិយាយថា លុយតិចពេក ទិញកំណាត់មួយអាវមិនបាន; គួរនិយាយថា ប្រាក់តិចពេក ទិញសំពត់មួយអាវមិនបាន ( គឺកុំប្រើពាក្យ លុយ និងពាក្យ កំណាត់ ព្រោះជាពាក្យទាប នាំឲ្យទ័លក្រឬខ្វះខាតតាមមាត់ថា...) ។ ម. ព. សំពត់ ទៀតផង ។
    វចនានុក្រម សម្ដេចសង្ឃរាជ ជួនណាត
  4. ន ឈូងសមុទ្រ ( ចំពោះតែប៉ែកសមុទ្រដែលលូកចូលមករកផែនដីត្រង់ទីប្រទល់ចុងបំផុតទន្លេ គឺត្រង់ទីដែលទន្លេហូរចុះទៅចួបនឹងសមុទ្រ, ហៅថា អាវសមុទ្រ ) ។
    វចនានុក្រម សម្ដេចសង្ឃរាជ ជួនណាត
  5. គុ ដែលមានសាច់រឹងខុសពីប្រក្រតីដើម (ព្រោះជីកឬគាស់យកមកទុកយូរហួសកំណត់) ទុកជាស្ងោរច្រើនអំពុះឬប៉ុន្មានទឹកក៏មិនរលួយ គ្រាន់តែឆ្អិនប៉ុន្តែច្រុបៗ ( ចំពោះតែមើមបែបខ្លះ )
    មើមដំឡូងអាវ (ពាក្យសាមញ្ញនៃអ្នកស្រុកខ្លះថា ដំឡូងខ្លាខាំ) ។
    វចនានុក្រម សម្ដេចសង្ឃរាជ ជួនណាត
  6. គុ ព. ប្រ. ដែលបានសិក្សាវិជ្ជាណាមួយយូរឆ្នាំ ប៉ុន្តែរៀនព្រួលៗ ចេះពុំប្រាកដ យកជាការប្រាកដប្រជាពុំកើត
    មនុស្សអាវ ឬ មនុស្សដំឡូងអាវ (ព. ព. ); ចំណេះអាវ ឬ វិជ្ជាអាវ (ព. សា. ) ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

ឥណ្ឌា ខ្សោយ សីល ទោះបី តម្កល់ អាង ទស្សនវិជ្ជា អភិ អំឡុង ការទូទាត់ រើ ធន យឺត ឆ្នាំង ចម្លង ចំណង បែបបទ ផ្ញើ សន្មត វាស់ បាប ទេសចរណ៍ ជំនួយ កាច់

Source: Samdech Chuon Nath Khmer dictionary and Khmer lexicons.