ទស្សន៍ទាយពីឧបនិស្ស័យមនុស្សតាមរយៈចំណីកំដរមាត់
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
លោកអ្នកប្រហែលជាមិនទាន់ជ្រាបទេថានំចំណីដែលលោកអ្នកមានចំណូលចិត្តជ្រើសរើសមកទទួលទានកំដរមាត់នៅពេលទំនេរនោះអាចទម្លាយចេញនូវឧបនិស្ស័យដែលកំពុងលាក់ខ្លួននៅក្នុងរាងកាយអ្នកឱ្យអ្នកដទៃដឹងបានយ៉ាងងាយបំផុត។ ប្រសិនបើលោកអ្នកចង់ដឹងថា ខ្លួនឯងមានទម្លាប់បែបណានោះ សូមតាមដានខ្លឹមសារទស្សន៍ទាយតាមលំដាប់លំដោយដូចខាងក្រោមនេះ
ចូលចិត្តទំពាស្ករកៅស៊ូ បង្ហាញឱ្យឃើញថា ជាមនុស្សក្លាហានក្នុងការសម្រេចចិត្តហ៊ានស៊ីហ៊ាន សងរាល់ករណីទាំងអស់ ជាពិសេសហ៊ានសាកល្បងក្នុងរឿងផ្សងព្រេងនានា ទៀតផង។ ក៏ប៉ុន្តែមនុស្សនេះមិនចូលចិត្តធ្វើត្រាប់តាមនរណាម្នាក់ ហើយហ៊ាន បើកបង្ហើបអាថ៌កំបាំងសូម្បីតែរឿងស្នេហា ដែលមនុស្សភាគច្រើនៗលាក់លៀម ទុកក៏ដោយ។ បើនិយាយពីរឿងស្នេហាមនុស្សនេះបែងចែកទុកយ៉ាងច្បាស់ថា ស្រលាញ់ គឺស្រលាញ់ ស្អប់គឺស្អប់មិនឡូកឡំគ្នាជាដាច់ខាត។
ចូលចិត្តដំណាប់ ឬចាហួយ អ្នកដែលចូលចិត្តទទួលទានចំណីប្រភេទនេះចាត់ទុកថា ជាមនុស្សចូល ចិត្តរឿងសប្បាយរីករាយ។ ចូលចិត្តមានមិត្តភក្តិច្រើនជួបជុំគ្នាក្អាកក្អាយមិនសូវ ចេះគិតច្រើន ក៏ប៉ុន្តែមនុស្សនេះគេចេះគោរពការសម្រេចចិត្តរបស់អ្នកដទៃ ពិតមែនគេមិនមែនជាមនុស្សរ៉ូមេនទិកក្តី តែមានភាពប្រាកដប្រជាក្នុងចិត្តបំផុត។
ចូលចិត្តទទួលទាននំប៉័ង អ្នកចូលចិត្តទទួលទាននំប៉័ងវិញលោកអ្នកអាចកត់ត្រាចំណាំទុកនៅក្នុង ចិត្តបានថា ជាមនុស្សពោរពេញទៅដោយភាពស្មោះត្រង់មិនងាយអូសទាញបានឡើយ។ ជាអ្នកក្លាហានក្នុងការសម្រេចចិត្តស្រលាញ់ភាពរីកចម្រើន ចូលចិត្ត ស្វែងរកបទពិសោធន៍ថ្មីៗសម្រាប់ខ្លួនឯងគ្រប់ពេលវេលា។ ក៏ប៉ុន្តែបើពោលពីរឿងស្នេហាវិញមនុស្សនេះរើសបន្តិច ព្រោះគេត្រូវការរបស់ដែលល្អៗបំផុត សម្រាប់ជីវិតរបស់គេ។ អាចពោលបានថា មនុស្សនេះគេយកចិត្តទុកដាក់ពិសេស បំផុតលើរឿងស្នេហាមិនប្រថុយប្រថាននោះឡើយ។
ចូលចិត្តទទួលទានប្រភេទគ្រាប់សណ្តែក ដោយឡែកសម្រាប់អ្នកចូលចិត្តទទួលទានប្រភេទគ្រាប់ធញ្ញជាតិវិញជាមនុស្សដែលមិនសូវយកចិត្តទុកដាក់លើបញ្ហាជីវិតតែស្រលាញ់ឥស្សរភាពបំផុត។ ជាមនុស្សដែលមានពិភពលោកផ្ទាល់ខ្លួនខ្ពស់បំផុតមិនសូវចេះកំប៉ិបកំប៉ុក រញ៉េញ៉ៃជាមួយអ្នកដទៃ ព្រមទាំងមានគំនិតយល់ឃើញប្លែកៗខុសពីអ្នកដទៃទៀតផង។ ប្រសិនបើក្រឡេកមើលពីរឿងស្នេហារបស់គេវិញហាក់ដូចជាមិនសូវចាប់អារម្មណ៍ឬយកចិត្តទុកដាក់ប៉ុន្មាននោះដែរ ក៏ព្រោះមនុស្សប្រភេទនេះគេគិតឃើញថា ក្រោយពេលដល់វេលាស្នេហានឹងរត់មកដល់ដោយខ្លួនឯងមិនចាំបាច់ ស្រវាស្រទេញឡើយ។
ចូលចិត្តទំពារស្ករសូកូឡា ជាមនុស្សអភិរក្សឥស្សរភាពមិនចូលចិត្តឱ្យនរណាម្នាក់មកកកូរកកាយ ឬត្រួតត្រាប៉ះពាល់ដល់ឥស្សរភាពរបស់គេជាដាច់ខាត។ ជាអ្នកឈរលើភាព ម្ចាស់ការខ្លួនឯងមិនចូលចិត្តពឹងផ្អែកលើអ្នកដទៃ ឬមិនចូលចិត្តក្រឹត្យក្រមបទបញ្ជាអ្វីៗទាំងអស់។ ប៉ុន្តែចំណុចល្អរបស់មនុស្សនោះ គឺមានបំណងមេត្រីភាពល្អចូលចុះក្នុង ចំណោមមនុស្សទូទៅមិនចេះទម្រើសខ្លួននោះទេ។ នៅពេលណាគេមានស្នេហា គេមិនចេះប្រចណ្ឌគ្មានហេតុផល ហើយមិនចូលចិត្តឱ្យដៃគូជីវិតមកប្រចណ្ឌគ្មាន ហេតុផលដូចគ្នាផងដែរ។ជាមនុស្សគ្មានពុតត្បុតលាក់លៀម ប្រសិនបើមិនអាច សេពគប់គ្នាបានតោងប្រាប់គ្នាទៅវិញទៅមកតាមត្រង់ៗមិនចេះប្រកាន់ខឹងឬគំកួន។
ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។