ប្រែ
- កិ ត្រឡប់, ងាក, បែរ, ឃ្លាតចាកប្រក្រតី; ផ្លាស់; បំបែរ; បង្វែរ; ក្លាយ : ប្រែខ្លួន បំបែរខ្លួនឲ្យត្រឡប់ពីម្ខាងទៅម្ខាង; ប្រែគំនិត ផ្លាស់គំនិត; ប្រែចិត្ត ងាកចិត្ត; ប្រែទំនុក ផ្លាស់ទំនុក; ប្រែធាតុ បង្វែរធាតុឲ្យបែរផ្សេងចាកប្រក្រតីដើម; ប្រែប្រួល ប្រែចុះប្រែឡើង ឬប្រែត្រឡប់ខុសពីប្រក្រតីដើម; ប្រែពាក្យ ឬ ប្រែសម្ដី បំបែរពាក្យឬសម្ដីឲ្យឃ្លាតខុសពីដំណើរដើម; ប្រែភាសា ស្រង់សេចក្ដីពីភាសាមួយជាភាសាផ្សេង ។ ប្រែរយ ន. គម្ពីរ, សាស្ដ្រាដែលអ្នកប្រាជ្ញបានប្រែចេញពីបាលី ចងក្រងជាពាក្យរាយ ពុំមែនជាពាក្យកាព្យទេ ប៉ុន្ដែមានចួនរណ្ដំជាកម្រងកែវខ្លះដោយអន្លើៗ : គម្ពីរប្រែរយ , សាស្ដ្រាប្រែរយ ។ ប្រែរៀងសេចក្ដី កិ. ប្រែពីភាសាមួយមកជាភាសាមួយ ដូចជាប្រែពីបាលីមកជាខ្មែរជាដើម, ក្នុងប្រយោគនីមួយៗ មួយសង្កាត់ៗ បណ្ដោយពីខាងដើមរៀងទៅតាមដំណើរសេចក្ដីមកជាខ្មែរ ។ ព. ផ្ទ. ប្រែលោតប្រយោគ ។ ប្រែលោតប្រយោគ ( —យោក ) កិ. ប្រែពីបាលីឬពីសំស្ក្រឹតក្នុងប្រយោគមួយៗមកជាខ្មែរ ដោយលោតផ្លោះតាមដំណើរសេចក្ដីខ្មែរ ។ ព. ផ្ទ. ប្រែរៀងសេចក្ដី ។ ប្រែសាច់ប្រែឈាម ក្លាយសាច់ឈាមឃ្លាតខុសពីភាពមុន ។ ប្រែសម្បុរ ក្លាយសម្បុរខុសពីប្រក្រតីដើម ។ ល ។វចនានុក្រម សម្ដេចសង្ឃរាជ ជួនណាត
Look up another word in the Khmer Dictionary
More words
ថ្លៃ ចែក ចេះ គុណ យល់ ផ្ទៃ វែង ភាគ ប្រដាប់ ក្រុមហ៊ុន សិក្សា ធាតុ ស្ដី កន្លែង សព្វ គោលបំណង កម្រិត កំពុង ធម្ម ទ្រង់ មហា រោគ ភ្នែក ពិត
Source: Samdech Chuon Nath Khmer dictionary and Khmer lexicons.