Skip to content

រឿង

  1. ន និទាន, សេចក្ដីតំណាល; ដំណើរ; សេចក្ដី; ហេតុ, ការណ៍, ដើមហេតុ; ទងគន្លង; អធិករណ៍ ។ ល ។
    តំណាលរឿង; ថ្លែងរឿង, និយាយរឿង; . . . ។
    វចនានុក្រម សម្ដេចសង្ឃរាជ ជួនណាត
  2. ន ចាប់រឿង ចាប់ហេតុ, ប្រកាន់ដំណើរ។ តែងរឿង តែងនិទានចេញពីគំនិតឯង ។ បង្ករឿង បង្កហេតុ ។ មានរឿង មានហេតុ; មានអធិករណ៍ ។ រករឿង បង្កហេតុ, បង្កជម្លោះ ។ អស់រឿង អស់ដំណើរ, អស់អាថ៌កំបាំង, អស់យ៉ាង : លេងឲ្យអស់រឿង ។ ល ។ រឿងតំណាល រឿងដែលគេតំណាលប្រាប់ ។ រឿងនិទាន រឿងពិតដែលមានក្នុងគម្ពីរដីកា, ក្នុងប្រវត្តិសាស្ត្រ ។ រឿងបុរាណ រឿងពីយូរអង្វែងមកហើយ ។ រឿងប្រដិដ្ឋ ឬ រឿងប្រតិដ្ឋ (–ដិត) រឿងនិទាន ដែលគេលើកផ្សំ គឺរឿងដែលគេតែងឡើងខ្លួនឯង ( ហៅថា រឿងលើក ឬ រឿងល្បើក ក៏បាន ) ។ រឿងព្រេង រឿងដែលចាស់ៗពីព្រេងនាយតំណាលតៗ គ្នាមក ។ រឿងហេតុ ហេតុដែលកើតឡើងជារឿង ។ ល ។
    វចនានុក្រម សម្ដេចសង្ឃរាជ ជួនណាត
  3. គុ ដែលរុងរឿង; ភ្លឺ; ភ្លឺត្រចះ, បំព្រង, ស្រទន់
    ឡើងសម្បុររឿង, ភ្លឺរឿង ( ច្រើនសំដៅសេចក្ដីថា "ភ្លឺបំព្រង, ភ្លឺស្រទន់" ) ។
    វចនានុក្រម សម្ដេចសង្ឃរាជ ជួនណាត
  4. គុ រឿងតេជ ឬ –តេជះ ( –ដេច ឬ–ដេជះ ) តេជះរុងរឿង ឬដែលមានតេជះរុងរឿង ។ រឿងរង្សី រស្មីរុងរឿង, រស្មីភ្លឺត្រចះ ។ រឿងរះ រះភ្លឺត្រចះ ។ រឿងស្រី សិរីដ៏រុងរឿងឬដែលមានសិរីរុងរឿង ។ រឿងឫទ្ធិ ឫទ្ធិរុងរឿងឬដែលមានឫទ្ធិរុងរឿង ( ពាក្យទាំងនេះច្រើនតែប្រើក្នុងកាព្យ )
    ព្រះចន្ទ្ររឿងរះ ពន្លឺត្រចះ ចាំងត្រូវក្បឿងព័ណ៌ ប្រាសាទស្អាងស្អាត ព្រោងព្រាតបវរ គួរមានអំណរ ចង់គយគន់មើល ។ ល ។
    វចនានុក្រម សម្ដេចសង្ឃរាជ ជួនណាត

Look up another word in the Khmer Dictionary

More words

ភាសា ផ្លែ រាង លក្ខ កម្ពុជា រវាង ល្អ រាជ ព្រោះ ប្រព្រឹត្ត ពាក់ ទាំងឡាយ ខ្ពស់ ក្រសួង ត្រី បែប លោក ផ្ទះ បញ្ចូល ក្រោយ ដ៏ ខ្ញុំ ស៊ី សិទ្ធិ

Source: Samdech Chuon Nath Khmer dictionary and Khmer lexicons.