រំលងទៅមាតិកា

ស្នេហា និងអាពាហ៍ពិពាហ៍

មើលនិស្ស័យតាមរយៈរូបថតគូស្នេហ៍

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

រាងកាយរបស់អ្នកទាំងពីរ ឃ្លាតពីគ្នាបន្តិច: មានន័យថា អ្នកទាំងពីរផ្តល់ភាពសំខាន់ឱ្យ ដល់ខ្លួនឯងជ្រុលពេក (ដូចជាមានគណនីធនាគារផ្សេងគ្នា ឬជួនកាលចែកផ្លូវគ្នាដើរជាមួយមិត្តភក្តិរៀងៗខ្លួន)ប៉ុន្តែមិនដល់ថ្នាក់ត្រូវព្រាត់ប្រាសគ្នានោះទេ។

អ្នកទាំងពីរសម្លឹងមើលទៅចំទិសដៅតែមួយ: បញ្ជាក់ថា អ្នកជាគូស្នេហ៍ចេះយល់ចិត្តយល់ថ្លើមគ្នា។

សម្លឹងទៅទិសដៅម្ខាងម្នាក់: មានន័យថា ក្នុងចំណោមអ្នកទាំងពីរ មាននរណាម្នាក់កំពុងតែបែក បែរ ឬអាចនិយាយបានថា កំពុងឆ្ពោះទៅរកទិសដៅពីរផ្ទុយគ្នា។

ភាគីណាម្នាក់អែនខ្លួនចេញ: បញ្ជាក់ពីការយកចិត្តទុកដាក់ថយចុះ (ប៉ុន្តែមិនរាប់បញ្ចូលទាំង កាយវិការដែលអ្នកភ្លេចខ្លួនអែនខ្លួនចេញពីគ្នានោះទេ)។

សម្លឹងមើលភ្នែកគ្នា: បញ្ជាក់ថា អ្នកទាំងពីរជាគូស្នេហ៍ដ៏ផ្អែមល្ហែមបំផុត។

ស្នាមញញឹមធំរហូតមើលឃើញធ្មេញ និងអញ្ចាញ: ស្នាមញញឹមដោយស្មោះអស់ពីដួងចិត្ត បើទោះជាវាមិនមែនជាស្នាមញញឹមដ៏ស្រស់ស្អាតក៏ដោយ។

ដៃរបស់អ្នកទាំងពីរឱបរឹតរាងកាយគ្នា: បញ្ជាក់ថា អ្នកជាគូស្នេហ៍ស្អិតល្មួតនិងចូលចិត្តសម្តែងចេញ ពីមនោសញ្ចោតនាចំពោះគ្នា នៅទីសាធារណៈបំផុត។

ចាប់ដៃគ្នាយ៉ាងទន់ភ្លន់: បញ្ជាក់ពីអ្នកមិនសូវចូលចិត្តបង្ហាញពីក្តីស្រលាញ់ នៅចំពោះមុខអ្នកដទៃ ប៉ុន្មានទេ ប៉ុន្តែពេលនៅតែពីរនាក់មានភាពល្អូកល្អិនខ្លាំងណាស់។

កៀកដៃគ្នាយ៉ាងណែន: អ្នកចូលចិត្តសម្តែងភាពជាម្ចាស់កម្មសិទ្ធិ និងពូកែប្រចណ្ឌបំផុត។

យកដៃជ្រែងហោប៉ៅ: អ្នកជាមនុស្សរក្សាឥរិយាថ ឬកំពុងតែមានអាថ៌កំបាំងអ្វីម្យ៉ាង។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។