រំលងទៅមាតិកា

ស្នេហា និងអាពាហ៍ពិពាហ៍

របៀបដេកបញ្ជាក់ពីនិស្ស័យរបស់គូរស្នេហ៏

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

១-ដេកបែរខ្នងដាក់គ្នា បែបជិតគ្នា និស្ស័យទាំងអ្នក និងគូស្នេហ៏ ធ្វើអ្វីៗត្រូវការមានសេរីភាព។ ម្នាក់ៗមានផ្លូវដើររបស់ខ្លួនឯងដោយគ្មានអ្នកណាហាមឃាត់ បានទេ ប៉ុន្តែក៏មានការសម្រុះសម្រួលគ្នាល្អ នៅពេលមានបញ្ហាអ្វីមួយកើតឡើង។

២-ការដេកបែរខ្នងដាក់គ្នា បែបឃ្លាតពីគ្នា និស្ស័យរបស់អ្នកទាំងពីរ គឺផ្តល់ភាពកក់ក្តៅដល់ខ្លួនឯង ជាងត្រូវការភាពស្និតស្នាល។ ទាំងអ្នក និងគូរស្នេហ៏ ជាមនុស្សដែល មិនចូលចិត្តភាពផ្អែមល្ហែមទេ តែក៏មិនសោះអង្គើយដាក់គ្នាខ្លាំងដែរ។

៣-ដេកឱបរឹតគ្នា អ្នកនិង គូរស្នេហ៏ប្រៀបបីដូចជាប្តីប្រពន្ធ ដែលទើបនឹងរៀបការថ្មីថ្មោង។ បើថ្ងៃអនាគតអ្នកទាំងពីរ នៅតែដេកឱបគ្នា បែបនេះទៀតនោះ ជាសញ្ញាបញ្ជាក់ប្រាប់ថា អ្នកទាំងពីរជាមនុស្សដែលរស់នៅខ្វះគ្នាមិនបានឡើយ។

៤-ស្ត្រីឱបពីខាងក្រោយ បុរសដេកបែរខ្នង ខណៈដែលស្ត្រីដេកឱបពីខាងក្រោយបញ្ជាក់ថា បុរសព្រងើយកន្តើយ ប៉ុន្តែស្ត្រីនៅចង់ប្រឡែងញេះញោះ និងត្រូវការភាពស្អិតល្មួត។

៥-ដេកឱបរឹតពីក្រោយ ភាគីបុរសដេកឱបស្ត្រី ដោយពោះផ្អឹបពីក្រោយខ្នងរបស់ស្ត្រី ជើងដាក់គងលើស្ត្រីនោះ បញ្ជាក់ថា ទាំងពីរនាក់ស្រលាញ់គ្នាណាស់។ អ្នក និងម្ចាស់ស្នេហ៏តែងមានភាពផ្អែមល្ហែម ជាមួយគ្នានិច្ច។

៦-ដេកឱបគ្នាដូចនំ សាន់វិច ភាគីមួយឱបដៃគូរស្នេហ៏របស់ខ្លួនយ៉ាងស្អិតល្មួតបញ្ជាក់ថា ទាំងពីរនាក់មានការយកចិត្តទុកដាក់ចំពោះគ្នា មានភាពស្និតស្នាល ដោយគ្មានការធុញទ្រាន់នោះឡើយ។

៧-ដេកគងគ្នា ជើង ឬដៃម្ខាងរបស់ភាគីណាមួយ ដាក់គងលើរាងកាយគូកំណាន់ចិត្ត តែមិនបានឱបរឹត បញ្ជាក់ថា ម្នាក់ៗត្រូវការសេរីភាព ទាំងបញ្ហាផ្លូវចិត្ត និងជីវិតប្រចាំថ្ងៃផងដែរ។ ទោះបីយ៉ាងណាក្តី អ្នកជាមួយគូរស្នេហ៏ នៅមានទំនាក់ទំនងគ្នាល្អ។

៨-ភាគីម្ខាងដេកវាតទីរបស់ភាគីម្ខាងទៀត ទើតែធ្លាក់ពីគ្រែ បើមានភាគីណាមួយធ្វើបែបនេះ បញ្ជាក់ថា គេចូលចិត្តធ្វើអ្វីតាមអំពើចិត្ត ដោយបំពានទៅលើភាគីម្ខាងទៀតតាមចិត្ត។ បើសិនមានការធ្វើបែបនេះបន្តបន្ទាប់គ្នាដាយគ្មានការផ្លាស់ប្តូរ គេប្រហែលចង់កៀរទម្លាក់ភាគីម្ខាងទៀតឱ្យចេញឆ្ងាយហើយ។ កាយវិការបែបនេះ គួរប្រយ័ត្ន ព្រោះជាសញ្ញាបែកបាក់ និងផិតក្បត់។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។