មើលជោគជតារាសីសេចក្តីស្នេហាពីខែដែលចង់រៀបការ
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
ក្នុងចំណោមខែទាំង១២តើអ្នកចង់រៀបការនៅខែណាបំផុត។មុននឹងឆ្លើយសំណួរនេះសុំឲ្យអ្នកគិតស្រួលបួលសិនថាអ្នកចូលចិត្តខែណាជាងគេ។ក្នុងទីនេះមិនឲ្យអ្នកជ្រើសរើសយកតាមជំនឿឬតាមការជឿជាក់ព្រោះតែឮនរណាម្នាក់និយាយប្រាប់នោះឡើយ។ គិតស្រេចបាច់ហើយឲ្យមកមើលខែនៃដួងរាសីសេចក្តីស្នេហារបស់អ្នក៖
១. ជ្រើសរើសខែមករា ដួងរាសីនៃសេចក្តីស្នេហារបស់អ្នកមានភាពសាំញ៉ាំព្រោះមានទាំងភាពរ៉ូម៉ាទិចនិងរកាំចិត្តច្រើនចូលលាយឡំគ្នា។បានន័យថាសេចក្តីស្នេហារបស់អ្នកមានអារម្មណ៍ខុសពីគ្នាដាច់ដោយពេលខ្លះមានភាពផ្អែមល្ហែមឯពេលខ្លះទៀតមានការឈឺចាប់រកថាមិនត្រូវ។ទោះបីយ៉ាងណារៀងរាល់ពេលដែលមានសេចក្តីស្នេហាតែងមានការស្រឡាញ់គ្នាបានយូរអង្វែងនិងមានការស្មោះស្ម័គ្រចំពោះគ្នាគួរសម។
២. ជ្រើសរើសខែកុម្ភៈ ដួងជតារាសីនៃសេចក្តីស្នេហារបស់អ្នកមិនសូវទៀងទាត់ទេគឺមានការប្រែប្រួលផ្លាស់ប្តូរអារម្មណ៍ច្រើនពីព្រោះខ្លួនអ្នកចូលចិត្តមានសេរីភាពខ្លាំងណាស់ហើយពិសេសចង់ធ្វើអ្វីដែលថ្មីៗជាប់ជានិច្ច។ដូចនេះពេលខ្លះហាក់ស្រឡាញ់ខ្លាំងឯពេលខ្លះទៀតសោះអង្គើយតែម្តង។ សេចក្តីស្នេហារបស់អ្នកច្រើនតែដុះកើតចេញពីក្រុមមនុស្សដែលជាមិត្តភក្តិមកមុនឬមានការសេពគប់គ្នាបែបជាមិត្តផង។ក្រៅពីនេះក្នុងសេចក្តីស្នេហានេះដែរអ្នកមិនសូវចូលចិត្តភាពផ្អែមល្ហែមល្អូកល្អិនជាមួយដៃគូរសង្សារប៉ុន្មានទេម្ល៉ោះហើយភាពសៅហ្មងក៏តែងកើតមានច្រើន។
៣.ជ្រើសរើសខែមិនា ដួងរាសីនៃសេចក្តីស្នេហារបស់អ្នកមានភាពស្ងៀមស្ងាត់និងអផ្សុកច្រើន។ទម្លាប់របស់អ្នកមិនត្រឹមតែពេលមានសេចក្តីស្នេហាទេសូម្បីតែមិនទាន់មានគ្នាជាដៃគូក៏តែងធ្វើខ្លួនអផ្សុកច្រើនដែរ។ទោះបីយ៉ាងណាអ្នកជាមនុស្សអាចជួបសេចក្តីស្នេហាងាយណាស់។ទាំងនេះព្រោះតែកើតចេញមកពីភាពរមទម្យនិងភាពស្រគត់ស្រគុំបានទាក់ទាញឲ្យភាគីម្ខាងទៀតចាប់អារម្មណ៍ហើយត្រូវការបេះដូងអ្នកទៅគ្រប់គ្រងនោះឯង។
៤. ជ្រើសរើសខែមេសា ដួងរាសីសេចក្តីស្នេហារបស់អ្នកមានលក្ខណះភ្លឺចិញ្ចាចចិញ្ចែងដូចភ្លើងងាយទាំងភ្លឺងាយទាំងអស់ពន្លឺ។អ្នកច្រើនចិត្តងាយពេលខ្លះឃើញភ្លាមស្រឡាញ់ភ្លែតឯពេលខ្លះទៀតខ្លោចផ្សាចិត្តមានន័យថាបើទោះមានតែសេចក្តីស្នេហាតែក៏តែងកើតចេញ ពីភាគីម្ខាងខ្លួនឯងហើយអ្នកក៏តែងគ្មានម្ចាស់គូរសង្សារណាឲ្យជាក់លាក់ដែរ។ក្រៅពីនេះអ្នកជាមនុស្សងាយក្នុងការកាត់ចិត្តហើយផ្លាស់ប្តូរសេចក្តីស្នេហាបានយ៉ាងរហ័សរកនឹកស្មានមិនដល់ផង។អ្នកចូលចិត្តសម្លឹងរកដៃគូដែលស្មោះស្ម័គ្រឬត្រូវចិត្តជាងនេះដែលលក្ខណះបែបនេះដូចគ្នានឹងក្រុមមនុស្សព្រានដូច្នេះដែរ។
៥. ជ្រើសរើសខែឧសភា ដួងរាសីសេចក្តីស្នេហារបស់អ្នកមានភាពកក់ក្តៅណាស់ព្រោះថាអ្នកមិនចូលចិត្តសេចក្តីស្នេហាបែបលេងសើចនោះទេគឺមុននឹងសម្រេចចិត្តស្រឡាញ់នរណាម្នាក់តែងសង្កេតលម្អិតលម្អន់ទើបសម្រេចចិត្តឬព្រមទទួលធ្វើជាគូរគាប់។ក្នុងសេចក្តី ស្នេហាដែរអ្នកចូលចិត្តយកចិត្តទុកដាក់គូរស្នេហ៍ណាស់។ទោះបីយ៉ាងណាបើអ្នកជួបដៃគូដែលហក់លោតពេកក៏តែងឆាប់ប្រេះឆាបែកបាក់គ្នាយ៉ាងឆាប់រហ័សទៅវិញដែរ។
៦. ជ្រើសរើសខែមិថុនា បើនិយាយពីដួងរាសីសេចក្តីស្នេហារបស់អ្នកមិនស្ងប់ស្ងាត់តែក៏មិនគង់វង្សពេក។អ្នកតែងជួបសេចក្តីស្នេហាញឹកញាប់ព្រោះតែខ្លួនអ្នកជាមនុស្សមិនសូវមានចិត្តស្មោះស្ម័គ្រឡើយហើយទោះបីអ្នកជាមនស្សដែលពូកែយកចិត្តទុកដាក់គូរស្នេហ៍តែក្នុងជម្រៅចិត្តតែងសម្លឹងរកអ្នកដែលល្អជាងនេះជាប់ជានិច្ច។ដូច្នេះដួងរាសីសេចក្តីស្នេហារបស់អ្នកមានការផ្លាស់ប្តូរញឹកញាប់ព្រោះតែចិត្តរបស់អ្នកងាយធុញទ្រាន់និងមិនសូវមានការអត់ធ្មត់ប៉ុន្មាននោះឡើយ។
៧. ជ្រើសរើសខែកក្កដា ដួងរាសីសេចក្តីស្នេហារបស់អ្នកមានភាពផ្អែមល្ហែមជានិច្ចព្រោះអ្នកជាមនុស្សប្រភេទខ្វះសេចក្តីស្នេហាមិនបាន។អ្នកចួកចិត្តធ្វើអ្វីម៉េះម៉ោះជាមួយគូរស្នេហ៍ជានិច្ចដូច្នេះធ្វើឲ្យអ្នកដទៃបានឃើញហើយអត់ទ្រាំច្រណែនមិនបានទេ។អ្នកងាយធ្លាក់ក្នុងអន្លង់ស្នេហ៍តែក៏តែងធ្វើការជ្រើសរើសច្រើនផង។ចំពោះសេចក្តីស្នេហារបស់អ្នកបើព្រមទទួលនរណាម្នាក់ហើយតែងជាប់យូរអង្វែង។
៨. ជ្រើសរើសខែសីហា ដួងរាសីនៃសេចក្តីស្នេហារបស់អ្នកស្រស់ថ្លាណាស់បេះដូងរបស់អ្នកមិនធ្លាប់នៅទំនេរឬអាចនិយាយបានថាបេះដូងរបស់អ្នកគឺជាព្រាននោះក៏មិនខុសដែរ។ទោះបីយ៉ាងណាព្រោះតែការមានគូរស្នេហ៍ច្រើនវាបានធ្វើឲ្យអ្នកជួបស្ថានភាពលំបាកនិងជួបការកុនជានិច្ច។
៩. ជ្រើសរើសខែកញ្ញា ដួងរាសីនៃសេចក្តីរបស់អ្នកមានភាពច្បាស់លាស់និងគង់វង្សណាស់ព្រោះខ្លួនអ្នកសម្លឹងរឿងសេចក្តីស្នេហាថាជារឿងសំខាន់ណាស់។ក្រៅពីនេះដោយសារភាពលម្អិតលម្អន់ហួសហេតុរបស់អ្នកតែងបង្កឲ្យប៉ះទង្គិចដល់សេចក្តីស្នេហារបស់ខ្លួនញឹកញាប់។ទោះបីយ៉ាងណាអ្នកមិនបាច់ភ័យព្រួយទេព្រោះសេចក្តីស្នេហារបស់អ្នកតែងមានភាពកក់ក្តៅហើយក៏មិនដែលមានសេចក្តីស្នេហាដូចភ្លើងចំបើងដែរ។
១០. ជ្រើសរើសខែតុលា ដួងរាសីសេចក្តីស្នេហារបស់អ្នកមិនសូវមានភាពមួហ្មងទេហើយបេះដូងរបស់អ្នកតែងដណ្តឹងស្វែងរកសេចក្តីស្នេហាជានិច្ច។សេចក្តីស្នេហារបស់អ្នកតែងមានការផ្លាស់ប្តូរញឹកញាប់ដោយសារតែអ្នកមានចិត្តមិនសូវទៀតទាត់ម្តងស្រឡាញ់អ្នកនេះម្តងស្រឡាញ់អ្នកនោះបន្តបន្ទាប់។
១១. ជ្រើសរើសខែវិច្ឆិកា ដួងរាសីសេចក្តីស្នេហារបស់អ្នកមិនធម្មតាដែរទេ។អ្នកជាមនុស្សស្រឡាញ់ក៏ខ្លាំងឯការស្អប់នោះក៏ខ្លាំង។រៀងរាល់លើកដែលសេពគប់ជាមួយគូរស្នេហាតែមានចិត្តស្មោះម្ល៉ោះហើយនៅពេលខកបំណងក៏ចុកចាប់ខ្លាំងណាស់ដែរបើទោះបីមើលខាងក្រៅថានៅស្ងៀមស្ងាត់ឬមើលទៅហាក់ធ្វើមិនដឹងមិនឮក៏ដោយ។
១២.ជ្រើសរើសខែធ្នូ ដួងរាសីសេចក្តីស្នេហារបស់អ្នកតែងទាក់ទងជាមួយក្រុមមនុស្សនៅក្នុងក្រុមមិត្តភក្តិឬមនុស្សដែលធ្លាប់ស្គាល់គ្នាកាលពីមុនមក។ចំពោះមនុស្សដែលអ្នកស្រឡាញ់តែងធ្វើឲ្យគេរកនឹកស្មានមិនដល់ជានិច្ច។ក្នុងសេចក្តីស្នេហាដែរអ្នកមានភាពអត់ធ្មត់ខ្ពស់និងថែរក្សាមិនងាយឲ្យបាក់បែកប៉ុន្មានទេ៕
ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។