រំលងទៅមាតិកា

ហុងស៊ុយ

ហុងស៊ុយសម្រាប់ផ្ទះតូចចង្អៀត

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

ការរស់នៅក្នុងលំហមួយតូចចង្អៀត មិនមែនមានន័យថា ត្រូវរំលងចោលការស្ថាបនាការច្នៃប្រឌិត ឬការធ្វើឲ្យសមស្របហុងស៊ុយនោះឡើយ។

១.បង្កើតទីតាំងកណ្តាល ទីតាំងកណ្តាលគឺជាកន្លែងនៅក្នុងផ្ទះដែលនាំមកនូវអារម្មណ៍សុវត្ថិភាពបំផុតសម្រាប់អ្នក។ ទីតាំង នោះតែងតែស្ថិតនៅឈមជាមួយទ្វារចេញចូល។ នៅទីនោះ អ្នកអាចងាយស្រួលសង្កេតច្រកចូល ក៏ដូចជាមានការត្រួតពិនិត្យល្អបំផុតចំពោះលំហទាំងមូលនៅក្នុងផ្ទះ។ អ្នកគួរតាំងគ្រឿងសង្ហារឹមនៅ តំបន់នេះឲ្យមានរបៀបរៀបរយ និងស្អាតទាក់ភ្នែក។ គ្រឿងសង្ហារឹមនៅក្នុងផ្ទះត្រូវរៀបដាក់ឲ្យមានរបៀបនិងស្អាតបាត។

២. រៀបចំគ្រឿងសង្ហារឹមឡើងវិញ ការទុកគ្រឿងសង្ហារឹមរាយប៉ាយអាចបង្កឲ្យច្របូកច្របល់អារម្មណ៍ និងបង្កើតភាពតានតឹងដែលមិន ចាំបាច់។ ចូរធ្វើឲ្យមានរបៀបរៀបរយ និងបោះចូលទៅក្នុងឃ្លាំងនូវរបស់របរដែលពុំត្រូវការប្រើប្រាស់។ ចូរអ្នករក្សាទុកវត្ថុតាមទិសបញ្ឈរ។ ចូរប្រែក្លាយវាឲ្យទៅជារបស់របរតុបតែងនៅលើជញ្ជាំង ទើបសន្សំសំចៃបានលំហផងបង្កើតបានភាពអស្ចារ្យដល់ផ្ទះផង។ ក្រៅពីនេះ អ្នកអាចប្រើប្រាស់របស់របរពហុសមត្ថកិច្ច ដែលមានភារកិច្ចពីរឬបីក្នុងពេលតែមួយ។ ចូរកំហិតការប្រើប្រាស់ច្រើនជ្រុលនូវរបស់ប្រើប្រាស់តូចៗ និងផ្សេងៗដើម្បីតុបតែង។

៣. រក្សាច្រកចូលស្អាតបាតនិងមានរបៀបរៀបរយ នៅក្នុងហុងស៊ុយ មានលំហ៣ដែលសំខាន់បំផុត នោះគឺចង្ក្រានបាយ, ច្រកចេញចូល និងបន្ទប់ដេក។ បណ្តាតំបន់ទាំងនេះ ត្រូវមានរបៀបរៀបរយ និងសណ្តាប់ធ្នាប់។ បញ្ចៀសការធ្វើឲ្យស្មុគស្មាញផ្លូវដើរ ព្រោះវាពាក់ព័ន្ធទៅដល់ចរន្តថាមពលហូរពាសពេញផ្ទះ។

៤. បង្កើតអារម្មណ៍ដូចកំពុងនៅក្នុងផ្ទះ ហុងស៊ុយល្អគឺពេលមនុស្សពិតជាមានអារម្មណ៍សុខស្រួល និងចុះសម្រុងជាមួយលំហរស់នៅ។ ចូរ រៀបចំស្នាដៃសិល្ប: និងរបស់របរតុបតែងតាមគំនិតចូលចិត្តរបស់ខ្លួន ដើម្បីបង្កើតការផុសគំនិត និង លើកកម្ពស់ប្រភពថាមពលវិជ្ជមាន។ ប្រសិនបើចង់លាបជញ្ជាំងតាមពណ៌ដែលខ្លួនចូលចិត្ត ចូរធានា ការរួបរួមអំពីពណ៌សម្បុរក្នុងផ្ទះទាំងមូល៕

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។