ហុងស៊ុយបង្អួចជាមួយដើមឈើ
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
ចង់មានផ្ទះស្អាតស្រស់ត្រកាល ចាំបាច់ត្រូវតែមានចម្រុះទៅដោយដើមឈើត្រជាក់ត្រឈឹងត្រឈៃ។ ហេតុនេះ បើបរិវេណផ្ទះមានទីធ្លាធំទូលាយ គួរយកដើមឈើមកដាំឱ្យបានច្រើន តែយ៉ាងណាត្រូវគិតពីទីតាំង នៃការដាំឱ្យបានត្រឹមត្រូវ ចៀសវាសខុសហុងស៊ុយដែលនាំឱ្យជះឥទ្ធិពលអាក្រក់មកវិញ។ អ្នកសាកល្បងដើរទៅកាន់មាត់បង្អួច ហើយបើកបង្អួចមើលថា មែកឈើស្ថិតនៅត្រង់ចំណុចណា?បើផ្ទាំងបង្អួចបុកជល់គ្នាជាមួយមែកឈើនោះ ចាត់ទុកថាមិនត្រូវតាមក្បួនហុងស៊ុយទេ។
ហេតុផល៖ ផ្ទះដែលមានដើមឈើមានមែកបែកសាខាមកជល់ត្រូវមាត់បង្អួចត្រូវបានគេចាត់ទុកថា ជាផ្ទះដែល សមាជិកតែងមានការ ប៉ះទង្គិចគ្នា ពិសេសតែងមានគ្រោះភ័យមកយាយីបៀតបៀននាំឲ្យភ័យព្រួយជានិច្ច។ វិធីបំបាត់ឧបទ្រពអាក្រក់៖ ចូរកាត់មែកឈើនោះចេញមិនត្រូវទុកជល់ត្រូវបង្អួចឡើយ។ បើក្នុងករណី មិនស្រឡាញ់ដើមឈើនោះ ហើយដើមឈើនោះ ធំផង គួរកាប់ចេញតែម្តងក៏ប្រសើរដែរ៕
ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។