ហុងស៊ុយផ្ទះខ្សត់មិត្ត
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
តើអ្នកពិបាកស្វែងរក និងរាប់អានមិត្តដែរឬទេ? មនុស្សភាគច្រើនគិតថា ការស្គាល់គ្នាគឺអាចរាប់ អានបានជាមិត្តភក្កិ ប៉ុន្តែការពិតមិនមែននោះទេ ព្រោះមនុស្សខ្លះពិបាករកមិត្តភក្តិដែលទុកចិត្តបាន ហើយនេះក៏អាចដោយសារតែកត្តាហុងស៊ុយមួយចំនួនដូចខាងក្រោមផងដែរ។
១- ផ្ទះធំតែមានសមាជិកតិច មនុស្សជំនាន់នេះចូលចិត្តទិញផ្ទះដែលមានទំហំធំដែលធ្វើឲ្យមានអារម្មណ៍ស្រឡះល្អពេលដែលបានរស់នៅក្នុងផ្ទះនោះ។ ក្នុងករណីផ្ទះធំហើយសមាជិកច្រើនពុំមានបញ្ហាអ្វីនោះទេ ផ្ទុយទៅវិញបើផ្ទះធំតែមានសមាជិកតិចអាចធ្វើឲ្យកន្លែងនោះខ្វះធាតុមនុស្ស ហើយបង្កើនភាពឯកាផងដែរ។ ដូច្នេះអ្នកដែលរស់នៅក្នុងផ្ទះនឹងអាចកើតមានអារម្មណ៍អផ្សុកហើយឯកានិងមិនងាយរាប់អានមិត្តភក្តិរហូតក្លាយជាមនុស្សលាក់មុខនិងបិទបាំងឃុំឃាំងខ្លួនឯង។
២- អាសនៈទេវតាដាក់ប្រឈមមុខនឹងជញ្ជាំង នៅក្នុងផ្ទះមនុស្សភាគច្រើន តែងតែមានដាក់ អាសនៈទេវតាយ៉ាងសមរម្យ តែត្រូវប្រុងប្រយ័ត្នចំពោះកន្លែងដែលដាក់សែននោះផងដែរ។ ភាគច្រើនអាសនៈទេវតា ត្រូវដាក់បែរមុខទៅកន្លែងលំហដែលអាចមើលឃើញមេឃ ព្រោះទេវតាត្រូវការនាំផ្សែងធូបទៅលើមេឃ។ ចំណែកការសែនទេវតា មិនត្រឹមតែសុំភាពសុខសប្បាយនោះទេ ក៏អាចជួយឲ្យមានទំនាក់ទំនងល្អជាមួយមនុស្សដទៃផងដែរ។ ដោយហេតុតែមនុស្សមួយចំនួនមានផ្ទះតូចកន្លែងចង្អៀត គ្មានទីតាំងល្អសំរាប់ដាក់អាសនៈ ដែលបួនទិសសុទ្ធតែទល់នឹងជញ្ជាំង បានន័យថា បិទបាំងផ្លូវទំនាក់ទំនង ហើយយូរៗអាចបាត់បង់មិត្តភក្តិក៏ថាបាន។
៣- អ្នកដែលគេងគ្រែត្រួតតែម្នាក់ឯង ករណីនេះពុំសូវមាននោះទេ សុទ្ធតែគ្មានហុយស៊ុយល្អទាំងអស់។ បើសិនជាអ្នកគេងខាងក្រោម ប្រៀបបីដូចជាត្រូវគេសង្កត់ តែបើអ្នកគេងខាងលើ វាហាក់បីដូចជាខ្វះចន្លោះប្រហោង ដែលទាំងអស់សុទ្ធតែអាចប៉ះពាល់ដល់ទំនាក់ទំនងមិត្តភក្តិរបស់អ្នកទាំងអស់។
៤- អ្នកដែលដាក់បង្គោលដាំរបងផ្ទះ ភាគច្រើនគឺអ្នកធ្វើវាដោយខ្លួនឯងដើម្បីដាំដើមវល្លិ៍អ្វីមួយ ឬចង់ព័ទ្ធរបងផ្ទះ។ ភាគច្រើនមនុស្សដែលរស់នៅក្នុងផ្ទះបែបនេះ នឹងកាន់តែមានអំនួតជានិច្ច ហើយបដិសេធចំពោះការមានទំនាក់ទំនងជាមួយអ្នកជិតខាង ពុំសូវចង់ទៅទាក់ទងគេមុនទេ។ តើអ្នកណាត្រូវការរាប់អានមនុស្សប្រភេទនេះ?
ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។