ប្រផ្នូលខ្មែរ៖ ញាក់ភ្នែក ហ៊ឹងត្រចៀក និងប្រផ្នូលផ្សេងៗតាមម៉ោង
តាមជំនឿបុរាណខ្មែរ សញ្ញាតូចៗក្នុងជីវិតប្រចាំថ្ងៃត្រូវបានចាត់ទុកថាជាប្រផ្នូល។ ការញាក់ភ្នែក ហ៊ឹងត្រចៀក ក្ដៅត្រចៀក ក្ដៅមុខ ឆ្កែព្រុស ឆ្នាំងរោទិ៍ ឬអណ្ដាតភ្លើងលៀនចេញពីចង្ក្រាន ត្រូវបានគេជឿថាជាសញ្ញាប្រាប់ពីអ្វីដែលនឹងកើតឡើង ដូចជាមានភ្ញៀវមក បានម្ហូបឆ្ងាញ់ បានលាភ មានរឿងឈ្លោះប្រកែក ឬមានគ្រោះថ្នាក់។ អត្ថន័យអាស្រ័យលើពេលវេលា ដូច្នេះក្បួនបុរាណបានចែកថ្ងៃនិងយប់ជា ១២ ពេល ពេលមួយៗពីរម៉ោង។
- ប្រផ្នូលញាក់ភ្នែក
- ប្រផ្នូលហ៊ឹងត្រចៀក
- ប្រផ្នូលក្ដៅត្រចៀក
- ប្រផ្នូលក្ដៅមុខ
- ប្រផ្នូលញាក់សាច់
- ប្រផ្នូលភ័យខ្លាចក្នុងចិត្ត
- ប្រផ្នូលឈួលច្រមុះ
- ប្រផ្នូលទាក់អាវ
- ប្រផ្នូលឆ្នាំងរោទិ៍
- ប្រផ្នូលអណ្ដាតភ្លើងឆេះលៀនចេញពីក្នុងចង្ក្រាន ចេញមកក្រៅ
- ប្រផ្នូលឆ្កែព្រុស
- ប្រផ្នូលឮសូរសត្វល្វាចេកយំ
រកមិនឃើញ។
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
ប្រផ្នូលញាក់ភ្នែក
១. ម៉ោង ១ កណ្ដាលអាធ្រាត្រដល់ម៉ោង ៣ យប់ បើញាក់ភ្នែកឆ្វេង ថានឹងមានអ្នកធំមកជួយទំនុកបំរុងដល់ខ្លួនអ្នក បើញាក់ភ្នែកស្ដាំ ថានឹងបានភេសជ្ជៈ និងម្ហូបចំណីបរិភោគយ៉ាងឆ្ងាញ់។
២. ម៉ោង ៣ យប់ដល់ម៉ោង ៥ ជិតភ្លឺ បើញាក់ភ្នែកឆ្វេង ថានឹងមានសេចក្ដីសុខទុក្ខព្រួយមកជាមិនខាន។ បើញាក់ភ្នែកស្ដាំ ថានឹងមានមនុស្សស្រី នឹករលឹកដល់អ្នក។
៣. ម៉ោង ៥ ជិតភ្លឺ ដល់ម៉ោង ៧ ព្រឹក បើញាក់ភ្នែកឆ្វេង ថានឹងមានមនុស្សមកពីស្រុកឆ្ងាយ។ បើញាក់ភ្នែកស្ដាំវិញ ថានឹងបានសេចក្ដីសប្បាយយ៉ាងប្រសើរ។
៤. ម៉ោង ៧ ព្រឹក ដល់ម៉ោង ៩ ព្រឹក បើញាក់ភ្នែកឆ្វេង ថានឹងមានភ្ញៀវជាន់ខ្ពស់មកដល់ បើញាក់ភ្នែកស្ដាំវិញ ថានឹងបានសេចក្ដីសុខសប្បាយយ៉ាងប្រសើរ។
៥. ម៉ោង ៩ ព្រឹក ដល់ម៉ោង ១១ ព្រឹក បើញាក់ភ្នែកឆ្វេង ថានឹងបានភេសជ្ជៈ និងម្ហូបចំណីបរិភោគយ៉ាងឆ្ងាញ់។ បើញាក់ភ្នែកស្ដាំវិញ ថានឹងមានការកំណាចអាក្រក់មកដល់ខ្លួនអ្នកមិនខាន។
៦. ម៉ោង ១១ ព្រឹកដល់ម៉ោង ១ រសៀល បើញាក់ភ្នែកឆ្វេង ថានឹងមានលាភយ៉ាងប្រសើរមកដល់ខ្លួនអ្នកជាមិនខាន បើញាក់ភ្នែកស្ដាំវិញ ថានឹងបានសេចក្ដីសុខល្អគាប់ចិត្តយ៉ាងតូចមួយមកដល់។
៧. ម៉ោង ១ ល្ងាចដល់ម៉ោង ៣ ល្ងាច បើញាក់ភ្នែកឆ្វេង ថានឹងមានគ្រោះថ្នាក់ ត្រូវខាត់បង់ប្រាក់កាសជាមិនខាន បើញាក់ភ្នែកស្ដាំវិញ ថានឹងមានមនុស្សស្រីនឹករលឹកមកដល់ខ្លួនអ្នក។
៨. ម៉ោង ៣ ល្ងាចដល់ម៉ោង ៥ ល្ងាច បើញាក់ភ្នែកឆ្វេង ថានឹងមានភ្ញៀវមកដល់ បើញាក់ភ្នែកស្ដាំវិញ ថានឹងមានភ្ញៀវមកពីស្រុកឆ្ងាយមកដល់។
៩. ម៉ោង ៥ ល្ងាចដល់ម៉ោង ៧ ល្ងាច បើញាក់ភ្នែកឆ្វេង ថានឹងមានភ្ញៀវមកដល់ បើញាក់ភ្នែកស្ដាំវិញ ថានឹងបានជួបជុំគ្នាយ៉ាងប្រសើរ។ ១០. ម៉ោង ៧ ល្ងាច ដល់ម៉ោង ៩ ល្ងាច បើញាក់ភ្នែកឆ្វេង ថានឹងមានភ្ញៀវមកដល់ បើញាក់ភ្នែកស្ដាំវិញនឹងមាននាហ្មឺនភ្នាក់ងាររាជការមកចាបកំហុសដល់ខ្លួន។
១១. ម៉ោង ៩ ល្ងាចដល់ម៉ោង ១១ អាធ្រាត្រ បើញាក់ភ្នែកឆ្វេង ថានឹងមានភ្ញៀវមកដល់ បើញាក់ភ្នែកស្ដាំ ថានឹងបានប្រជុំគ្នា។
១២. ម៉ោង ១១ យប់ដល់ម៉ោង ១ យប់ បើញាក់ភ្នែកឆ្វេង ថានឹងមានភ្ញៀវមកដល់ បើញាក់ភ្នែកស្ដាំ ថានឹងមានធ្វើអ្វីខុសក្នុងផ្លូវច្បាប់រាជការ។
ប្រផ្នូលហ៊ឹងត្រចៀក
១. ម៉ោង ១ កណ្ដាល់អាធ្រាត្រដល់ម៉ោង ៣ យប់ បើហ៊ឹងត្រចៀកឆ្វេង ថានឹងមានមនុស្សស្រីនឹករលឹកដល់ខ្លួនអ្នក បើញាក់ភ្នែកស្ដាំវិញ ថានឹងមានបង់ខាតប្រាក់កាស។
២. ម៉ោង ៣ យប់ដល់ម៉ោង ៥ ជិតភ្លឺ បើហ៊ឹងត្រចៀកឆ្វេង ថានឹងមានរឿងឈ្លោះប្រកែកគ្នា បើហ៊ឹងត្រចៀកស្ដាំវិញ ថានឹងមានរឿងក្ដីក្ដាំគ្នា។
៣. ម៉ោង ៥ ជិតភ្លឺដល់ម៉ោង ៧ ព្រឹក បើហ៊ឹងត្រចៀកឆ្វេង ថានឹងមានបង់ខាតប្រាក់កាស បើហ៊ឹងត្រចៀកស្ដាំវិញ ថានឹងមានការមមាញឹកមកដល់។
៤. ម៉ោង ៧ ព្រឹកដល់ម៉ោង ៩ ព្រឹក បើហ៊ឹងត្រចៀកឆ្វេង ទាយថា ខ្លួនអ្នកនឹងបានម្ហូបចំណី បាយទឹក បរិភោគយ៉ាងឆ្ងាញ់ បើហ៊ឹងត្រចៀកស្ដាំវិញ ថានឹងមានភ្ញៀវមកដល់។
៥. ម៉ោង ៩ ព្រឹកដល់ម៉ោង ១១ ថ្ងៃត្រង់ បើហ៊ឹងត្រចៀកឆ្វេង ទំនាយថា ខ្លួនអ្នកនឹងមានការ ធ្វើដំណើរទៅឆ្ងាយ បើហ៊ឹងត្រចៀកស្ដាំវិញ ថានឹងមានភ្ញៀវមកដល់។
៦. ម៉ោង ១១ ថ្ងៃត្រង់ដល់ម៉ោង ១ រសៀល បើហ៊ឹងត្រចៀកឆ្វេង ទំនាយថា ខ្លួនអ្នកនឹងមានរឿង មាការកំណាចអាក្រក់មកដល់ បើហ៊ឹងត្រចៀកស្ដាំវិញ ថានឹងមានលាភធំជាទីគាប់ចិត្តមកដល់ជាមិនខាន់។
៧. ម៉ោង ១ រសៀលដល់ម៉ោង ៣ ល្ងាច បើហ៊ឹងត្រចៀកឆ្វេង ទំនាយថា ខ្លួនអ្នកនឹងបានទទួលសំបុត្រដែលគេផ្ញើរមកពីស្រុកឆ្ងាយ បើហ៊ឹងត្រចៀកស្ដាំវិញ ថានឹងមានបងប្អូនមកដល់។
៨. ម៉ោង ៣ ល្ងាចដល់ម៉ោង ៥ ល្ងាច បើហ៊ឹងត្រចៀកឆ្វេង ទំនាយថា ខ្លួនអ្នកនឹងមានបានម្ហូបចំណីបរិភោគយ៉ាងឆ្ងាញ់ បើហ៊ឹងត្រចៀកស្ដាំវិញ ថានឹងមានមនុស្សមកពីស្រុកឆ្ងាយមកដល់។
៩. ម៉ោង ៥ ល្ងាចដល់ម៉ោង ៧ យប់ បើហ៊ឹងត្រចៀកឆ្វេង ទំនាយថា ខ្លួនអ្នកនឹងមានដំណើរចាកចេញពីផ្ទះ បើហ៊ឹងត្រចៀកស្ដាំវិញ ថាខ្លួនអ្នកនឹងមានការរីករាយសប្បាយចិត្តមកដល់ជាមិនខានឡើយ។
១០. ម៉ោង ៧ យប់ដល់ម៉ោង ១០ យប់ បើហ៊ឹងត្រចៀកឆ្វេង ទំនាយថា ខ្លួនអ្នកនឹងត្រូវខាត់បង់ប្រាក់កាសជាមិនខាន់ បើហ៊ឹងត្រចៀកស្ដាំវិញ ថានឹងមានលាភយ៉ាងប្រសើរ។
១១. ម៉ោង ១០ យប់ដល់ម៉ោង ១១ យប់ បើហ៊ឹងត្រចៀកឆ្វេង ទំនាយថា ខ្លួនអ្នកនឹងបានអាហារយ៉ាងឆ្ងាញ់មកបរិភោគ បើហ៊ឹងត្រចៀកស្ដាំវិញ ថានឹងមានភ្ញៀវមកដល់។
១២. ម៉ោង ១១ យប់ដល់ម៉ោង ១ យប់ បើហ៊ឹងត្រចៀកឆ្វេង ទំនាយថា ខ្លួនអ្នកនឹងមានលាភ បើហ៊ឹងត្រចៀកស្ដាំ ថានឹងបានរបស់ឆ្ងាញ់មកបរិភោគ។
ប្រផ្នូលក្ដៅត្រចៀក
១. ម៉ោង ១ យប់ដល់ម៉ោង ៣ យប់ បើក្ដៅត្រចៀកឆ្វេង ឬត្រចៀកស្ដាំ នោះទំនាយថា នឹងមានព្រះសង្ឃមកពិភាក្សាហេតុការណ៍ផ្សេងៗ ជាមួយខ្លួន។
២. ម៉ោង ៣ យប់ដល់ម៉ោង ៥ ជិតភ្លឺ បើមានក្ដៅត្រចៀកឆ្វេង ឬត្រចៀកស្ដាំនោះទំនាយថា នឹងមានការល្អ ការសប្បាយចិត្តដល់ខ្លួនអ្នកជាមិនខាន។
៣. ម៉ោង ៥ ជិតភ្លឺ ដល់ម៉ោង ៧ ព្រឹក បើមានក្ដៅត្រចៀកឆ្វេងក្ដី ឬត្រចៀកស្ដាំក្ដី នោះទំនាយថា នឹងបានរបស់ទទួលទានយ៉ាងឆ្ងាញ់ ហើយនឺងបានជួបជុំគ្នាយ៉ាងប្រសើរ។
៤. ម៉ោង ៧ ព្រឹកដល់ម៉ោង ៩ ព្រឹក បើមានក្ដៅត្រចៀកឆ្វេងក្ដី ឬត្រចៀកស្ដាំក្ដី នោះទំនាយថា អ្នកនឹងបានជួបជុំ ជាមួយនឹងមនុស្សដែលមកពីស្រុកឆ្ងាយយ៉ាងប្រសើរ ល្អណាស់ហោង។
៥. ម៉ោង ៩ ព្រឹកដល់ម៉ោង ១១ ព្រឹក បើមានក្ដៅត្រចៀកឆ្វេងក្ដី ឬត្រចៀកស្ដាំក្ដី នោះទំនាយថា នឹងបានប្រាក់កាស បានរីករាយសប្បាយគាប់ចិត្តយ៉ាងក្រៃលែង។
៦. ម៉ោង ១១ ព្រឹកដល់ម៉ោង ១ រសៀល បើមានក្ដៅត្រចៀកឆ្វេងក្ដី ឬត្រចៀកស្ដាំក្ដី នោះទំនាយថា ត្រូវខាតបង់ប្រាក់កាស បង់ខាតទ្រព្យសម្បត្តិ ពុំល្អសោះឡើយ។
៧. ម៉ោង ១ រសៀលដល់ម៉ោង ៣ ល្ងាច បើមានក្ដៅត្រចៀកឆ្វេងក្ដី ឬត្រចៀកស្ដាំក្ដី នោះទំនាយថា នឹងបានអាហារបរិភោគយ៉ាងឆ្ងាញ់ ហើយបានជួបនឹងការល្អសប្បាយគាប់ចិត្តទៀតផង។
៨. ម៉ោង ៣ ល្ងាចដល់ម៉ោង ៥ ល្ងាច បើមានក្ដៅត្រចៀកឆ្វេងក្ដី ឬត្រចៀកស្ដាំក្ដី នោះទំនាយថា នឹងមានភ្ញៀវមកដល់ ហើយមានការទីពឹងគ្នាទៅវិញទៅមកយ៉ាងប្រសើរ។
៩. ម៉ោង ៥ ល្ងាចដល់ម៉ោង ៧ យប់ បើមានក្ដៅត្រចៀកឆ្វេងក្ដី ឬត្រចៀកស្ដាំក្ដី នោះទំនាយថា នឹងបានសប្បាយ បានទទួលទានស្រា នឹងេជប់លៀង នឹងបានទទួលទានអាហារយ៉ាងឆ្ងាញ់ជាមិនខាន់។
១០. ម៉ោង ៧ យប់ដល់ម៉ោង ៩ យប់ បើមានក្ដៅត្រចៀកឆ្វេងក្ដី ឬត្រចៀកស្ដាំក្ដី បើខ្លួនអ្នកជាមនុស្សស្រី នោះទំនាយថា នឹងមានគេមកនិយាយស្ដីដណ្ដឹងយកធ្វើជាប្រពន្ធ បើខ្លួនអ្នកជាមនុស្សប្រុសវិញ នោះ ថានឹងមានគេមកនិយាយចែចូវចង់បានខ្លួនធ្វើជាប្ដីមិនខានឡើយ។
១១. ម៉ោង ៩ យប់ដល់ម៉ោង ១១ យប់ បើមានក្ដៅត្រចៀកឆ្វេងក្ដី ឬត្រចៀកស្ដាំក្ដី នោះទំនាយថា ខ្លួនអ្នកនឹងត្រូវមានរឿងឈ្លោះប្រកែករវាងគ្នានឹងគ្នា ជាមិនខាន។
១២. ម៉ោង ១១ យប់ដល់ម៉ោង ១ កណ្ដាលអាធ្រាត្រ បើមានក្ដៅត្រចៀកឆ្វេងក្ដី ឬត្រចៀកស្ដាំក្ដី នោះទំនាយថា នឹងមានគេមកចោទប្រកាន់ ឲ្យ មានរឿង ឲ្យមានក្ដីក្ដាំដល់សាលាជាមិនខាន។
ប្រផ្នូលក្ដៅមុខ
១. ម៉ោង ១ យប់ដល់ម៉ោង ៣ យប់ បើមានក្ដៅមុខ ទំនាយថា នឹងបានសេចក្ដីសុខសប្បាយ ហើយនឹងមានចំណេញប្រាក់កាសទៀតផង។
២. ម៉ោង ៣ យប់ដល់ម៉ោង ៥ ជិតភ្លឺ បើមានក្ដៅមុខ ទំនាយថា នឹងមានការព្រួយចិត្ត ពិបាកចិត្តមកដល់ជាមិនខាន។
៣. ម៉ោង ៥ ជិតភ្លឺដល់ម៉ោង ៧ ព្រឹក បើមានក្ដៅមុខ ទំនាយថា នឹងមានភ្ញៀវមកពីទីឆ្ងាយមករកខ្លួនអ្នក ហើយជួបជុំគ្នា បានសប្បាយដ៏ក្រៃលែង។
៤. ម៉ោង ៧ ព្រឹកដល់ម៉ោង ៩ ព្រឹក បើមានក្ដៅមុខ ទំនាយថា នឹងមានអាហារបរិភោគយ៉ាងឆ្ងាញ់ ហើយថានឹងមានមិត្តភ័ក្តិមករកខ្លួនទៀតផង។
៥. ម៉ោង ៩ ព្រឹកដល់ម៉ោង ១១ ថ្ងៃត្រង់ បើមានក្ដៅមុខ ទំនាយថា នឹងមានភ្ញៀវមកពីទីឆ្ងាយមករកខ្លួនអ្នក ហើយជួបជុំគ្នា បានសប្បាយដ៏ក្រៃលែង។
៦. ម៉ោង ១១ ព្រឹកដល់ម៉ោង ១ រសៀល បើមានក្ដៅមុខ ទំនាយថា នឹងមានមនុស្សដែលមានជាចាំបាច់មករកខ្លួន ហើយជួបគ្នានិយាយការបានសម្រេចយ៉ាងប្រសើរ។
៧. ម៉ោង ១ រសៀលដល់ម៉ោង ៣ ល្ងាច បើមានក្ដៅមុខ ទំនាយថា នឹងមានបងប្អូនសាច់សាលោហិតមករកខ្លួន ហើយបានជួបគ្នាមានលាភល្អណាស់ហោង។
៨. ម៉ោង ៣ ល្ងាចដល់ម៉ោង ៥ ល្ងាច បើមានក្ដៅមុខ ទំនាយថា នឹងមានឈ្លោះប្រកែកជជែករកខុសត្រូវជាមួយនឹងគេជាមិនខានឡើយ។
៩. ម៉ោង ៥ ល្ងាចដល់ម៉ោង ៧ យប់ បើមានក្ដៅមុខ ទំនាយថា នឹងមានមនុស្សអ្នកធំមកពីចម្ងាយមករកជួបនឹងអ្នក ហើយឲ្យលាភយ៉ាងប្រសើរជាមិនខាន។
១០. ម៉ោង ៧ យប់ដល់ម៉ោង ៩ យប់ បើមានក្ដៅមុខ ទំនាយថា នឹងមានមនុស្សមកពីស្រុកឆ្ងាយមកជួបនឹងអ្នក ហើយឲ្យលាភជាទីគាប់ចិត្ត ដល់ខ្លួនអ្នកមិនខានឡើយ។
១១. ម៉ោង ៩ យប់ដល់ម៉ោង ១១ យប់ បើមានក្ដៅមុខ ទំនាយថា នឹងបានស្រាទទួលទានដោយមានគេយកមកជូនដល់ផ្ទះ។
១២. ម៉ោង ១១ កណ្ដាលអាធ្រាត្រដល់ម៉ោង ១ យប់ បើមានក្ដៅមុខ ទំនាយថា នឹងមានគេចោទប្រកាន់អំពីបទអ្វីមួយហើយថានឹង មានឈ្លោះទាស់ទែងនឹងគេទៀតផង។
ប្រផ្នូលញាក់សាច់
១. ម៉ោង ១ យប់ដល់ម៉ោង ៣ យប់ បើមានញាក់សាច់ នោះទំនាយថា នឹងមានអ្នកធំ ដែលជាចៅហ្វាយនាយមកដល់ ហើយឲ្យលាភដល់ខ្លួនយ៉ាងប្រសើរ។
២. ម៉ោង ៣ យប់ដល់ម៉ោង ៥ ជិតភ្លឺ បើមានញាក់សាច់ នោះទំនាយថា នឹងបានប្រាក់ជាច្រើន ហើយបានរីករាយ បានសប្បាយ មានលាភមានជ័យទៀតផង។
៣. ម៉ោង ៥ ជិតភ្លឺដល់ម៉ោង ៧ ព្រឹក បើមានញាក់សាច់ នោះទំនាយថា នឹងមានគ្រោះថ្នាក់កំណាចមកដល់ តោងអុចធូប អុចទៀនបួងសួង សុំទេព្ដា ឲ្យរំដោះគ្រោះនោះចេញ ទើបបានល្អវិញ។
៤. ម៉ោង ៧ ព្រឹកដល់ម៉ោង ៩ ព្រឹក បើមានញាក់សាច់ នោះទំនាយថា នឹងបានចំនេញបានប្រាក់ បានទ្រព្យសម្បត្តិយ៉ាងច្រើនជាមិនខាន។
៥. ម៉ោង ៩ ព្រឹកដល់ម៉ោង ១១ ថ្ងៃត្រង់ បើមានញាក់សាច់ នោះទំនាយថា នឹងមានគ្រោះថ្នាក់យ៉ាងកំណាចមកដល់អ្នកជាមិនខានឡើយ។
៦. ម៉ោង ១១ ថ្ងៃត្រង់ដល់ម៉ោង ១ រសៀល បើមានញាក់សាច់ នោះទំនាយថា នឹងមានភ្ញៀវមកដល់ហើយបានជួបជុំគ្នាបានល្អណាស់ហោង។
៧. ម៉ោង ១ រសៀលដល់ម៉ោង ៣ ល្ងាច បើមានញាក់សាច់ នោះទំនាយថា មានសេខក្ដីព្រួយបារម្ភក្នុងចិត្តណាស់ ប៉ុន្តែមិនអីទេ ព្រោះខ្លួនបានតាំងនៅក្នុងជោគល្អនៅឡើយ គ្មានគ្រោះថ្នាក់អ្វីទេ។
៨. ម៉ោង ៣ ល្ងាចដល់ម៉ោង ៥ ល្ងាច បើមានញាក់សាច់ នោះទំនាយថា ខ្លួនអ្នកនឹងបានចំណេញប្រាក់កាសជាច្រើន ហើយបានរីករាយ បានសប្បាយ បានលាភដ៏ប្រសើរគ្រប់យ៉ាងទៀតផង។
៩. ម៉ោង ៥ ល្ងាចដល់ម៉ោង ៧ យប់ បើមានញាក់សាច់ នោះទំនាយថា នឹងមានឈ្លោះទាស់ទែងជាមួយនឹងគ្នា ប៉ុន្ដែបើអុចធូបបួងសួងសុំទេព្ដាឲ្យរំដោះគ្រោះចេញនោះ ទើបបានល្អ បានជោគជ័យឡើងវិញ។
១០. ម៉ោង ៧ យប់ដល់ម៉ោង ៩ យប់ បើមានញាក់សាច់ នោះទំនាយថា នឹងត្រូវបង់ប្រាក់ ហើយមានរឿងមានហេតុកំណាចអាក្រក់ណាស់ហោង តោងប្រយ័ត្ន។
១១. ម៉ោង ៩ យប់ដល់ម៉ោង ១១ យប់ បើមានញាក់សាច់ នោះទំនាយថា នឹងមានដំណើរដើរចេញទៅឆ្ងាយ ហើយមានលាភ មានជ័យជាទីគាប់ចិត្តមិនខានឡើយ។
១២. ម៉ោង ១១ យប់ដល់ម៉ោង ១ យប់ បើមានញាក់សាច់ នោះទំនាយថា នឹងមានលាភ មានជោគជ័យគ្រប់បែបគ្រប់យ៉ាងជាពុំខាន។
ប្រផ្នូលភ័យខ្លាចក្នុងចិត្ត
១. ម៉ោង ១ យប់ដល់ម៉ោង ៣ យប់ បើមានកើតសេចក្ដីភ័យខ្លាចក្នុងចិត្ត នោះទំនាយថា មានកូនស្រីនឹករលឹកដល់ខ្លួនអ្នក។
២. ម៉ោង ៣ យប់ដល់ម៉ោង ៥ ជិតភ្លឺ បើមានកើតសេចក្ដីភ័យខ្លាចក្នុងចិត្ត នោះទំនាយថា នឹងមានគ្រោះកំណាចអាក្រក់យ៉ាងធំមកដល់ខ្លួនអ្នកជាមិនខានឡើយ។
៣. ម៉ោង ៥ ជិតភ្លឺដល់ម៉ោង ៧ ព្រឹក បើមានកើតសេចក្ដីភ័យខ្លាចក្នុងចិត្ត នោះទំនាយថា នឹងមានភ្ញៀវមកដល់ ហើយបានអាហារបរិភោគយ៉ាងឆ្ងាញ់ទៀតផង។
៤. ម៉ោង ៧ ព្រឹកដល់ម៉ោង ៩ ព្រឹក បើមានកើតសេចក្ដីភ័យខ្លាចក្នុងចិត្ត នោះទំនាយថា នឹងបានទទួលអាហារយ៉ាងឆ្ងាញ់ ហើយនឹងមានមនុស្សមកពីស្រុកឆ្ងាយទៀតផង។
៥. ម៉ោង ៩ ព្រឹកដល់ម៉ោង ១១ ថ្ងៃត្រង់ បើមានកើតសេចក្ដីភ័យខ្លាចក្នុងចិត្ត នោះទំនាយថា ធ្វើការអ្វីកើតដូចសេចក្ដីប្រាថ្នាគ្រប់យ៉ាង ហើយបានសប្បាយរីករាយប្រសើរណាស់ហោង។
៦. ម៉ោង ១១ ថ្ងៃត្រង់ដល់ម៉ោង ១ រសៀល បើមានកើតសេចក្ដីភ័យខ្លាចក្នុងចិត្ត នោះទំនាយថា នឹងមានមនុស្សស្រីនឹករលឹក ដល់ខ្លួនអ្នកហើយសប្បាយល្អណាស់ហោង។
៧. ម៉ោង ១ រសៀលដល់ម៉ោង ៣ ល្ងាច បើមានកើតសេចក្ដីភ័យខ្លាចក្នុងចិត្ត នោះទំនាយថា នឹងបានអាហារ នឹងភេសជ្ជៈទទួលទានយ៉ាងឆ្ងាញ់ ដោយមានគេយកមកជូនឲ្យបរិភោគដោយឥតគិតថ្លៃ។
៨. ម៉ោង ៣ ល្ងាចដល់ម៉ោង ៥ ល្ងាច បើមានកើតសេចក្ដីភ័យខ្លាចក្នុងចិត្ត នោះទំនាយថា នឹងមានមនុស្សស្រីនឹករលឹក ដល់ខ្លួនអ្នកហើយសប្បាយល្អណាស់ហោង។
៩. ម៉ោង ៥ ល្ងាចដល់ម៉ោង ៧ យប់ បើមានកើតសេចក្ដីភ័យខ្លាចក្នុងចិត្ត នោះទំនាយថា នឹងមានការល្អ ការសប្បាយចិត្ត ការគាប់ចិត្តមកដល់ជាមិនខានឡើយ។
១០. ម៉ោង ៧ យប់ដល់ម៉ោង ៩ យប់ បើមានកើតសេចក្ដីភ័យខ្លាចក្នុងចិត្ត នោះទំនាយថា នឹងមានគេផ្ញើរសំបុត្រមកឲ្យនោះ មាននិយាយអំពីការរីករាយសប្បាយចិត្តគ្រប់យ៉ាងល្អណាស់ហោង។
១១. ម៉ោង ៩ ល្ងាចដល់ម៉ោង ១១ កណ្ដាលអាធ្រាត្រ បើមានកើតសេចក្ដីភ័យខ្លាចក្នុងចិត្ត នោះទំនាយថា នឹងមានអ្នកធំមកដល់ មានលាភល្អណាស់ហោង។
១២. ម៉ោង ១១ អាធ្រាត្រដល់ម៉ោង ១ យប់ បើមានកើតសេចក្ដីភ័យខ្លាចក្នុងចិត្ត នោះទំនាយថា ខ្លួនអ្នកនឹងស្លៀកពាក់ស ដោយមាននរណាម្នាក់ស្លាប់ ហើយនឹងមានយល់សប្តិអាក្រក់ទៀតផង ពុំល្អសោះឡើយ។
ប្រផ្នូលឈួលច្រមុះ
១. ម៉ោង ១ យប់ដល់ម៉ោង ៣ យប់ បើមានឈួលច្រមុះ នោះទំនាយថា នឹងបានបរិភោគអាហារយ៉ាងឆ្ងាញ់ ហើយបានជួបជុំគ្នាលៀងគ្នាទៅវិញទៅមក ល្អណាស់ហោង។
២. ម៉ោង ៣ យប់ដល់ម៉ោង ៥ ជិតភ្លឺ បើមានឈួលច្រមុះ នោះទំនាយថា នឹងមានមនុស្សស្រីនឹករលឹកដល់ខ្លួនអ្នក ហើយនឹងមានភ្ញៀវមករកពឹងអ្នកឲ្យជួយធ្វើកិច្ចការអ្វីមួយជាមិនខានឡើយ។
៣. ម៉ោង ៥ ជិតភ្លឺដល់ម៉ោង ៧ ព្រឹក បើមានឈួលច្រមុះ នោះទំនាយថា នឹងបានជួបមនុស្សស្រី ហើយបានបរិភោគអាហារយ៉ាងឆ្ងាញ់តៀតផង។
៤. ម៉ោង ៧ ព្រឹកដល់ម៉ោង ៩ ព្រឹក បើមានឈួលច្រមុះ នោះទំនាយថា នឹងមានអ្នកមានទ្រព្យសម្បត្តិច្រើនអ្នកចូលសួរខ្លួនអំពីកិច្ចការអ្វីមួយជាមិនខានឡើយ។
៥. ម៉ោង ៩ ព្រឹកដល់ម៉ោង ១១ ថ្លៃត្រង់ បើមានឈួលច្រមុះ នោះទំនាយថា នឹងបានបរិភោគអាហារដ៏ឆ្ងាញ់ អស់រយៈពេលមួយថ្ងៃនេះល្អណាស់ហោង។
៦. ម៉ោង ១១ ថ្ងៃត្រង់ដល់ម៉ោង ១ រសៀល បើមានឈួលច្រមុះ នោះទំនាយថា នឹងមានមនុស្សដែលមានបុណ្យមានរាសីល្អមកដល់ ដោយចង់មករកស៊ីយកចំណេញអំពីខ្លួនទៀតផង។
៧. ម៉ោង ១ រសៀលដល់ម៉ោង ៣ ល្ងាច បើមានឈួលច្រមុះ នោះទំនាយថា នឹងមានភ្ញៀវជាន់ខ្ពស់មកដល់ហើយរៀបចំជប់លៀងភោជនាហារជួបជុំគ្នាសប្បាយណាស់ហោង។
៨. ម៉ោង ៣ ល្ងាចដល់ម៉ោង ៥ ល្ងាច បើមានឈួលច្រមុះ នោះទំនាយថា នឹងបានអាហារបរិភោគយ៉ាងឆ្ងាញ់ ហើយមានលាភមានចំណេញប្រាក់កាសជាច្រើនទៀតផង។
៩. ម៉ោង ៥ ល្ងាចដល់ម៉ោង ៧ យប់ បើមានឈួលច្រមុះ នោះទំនាយថា ក្នុងពេលយប់នេះ នឹងយល់សប្តិអាក្រក់ ហើយបរិភោគអាហារពុំឆ្ងាញ់ ពុំល្អសោះឡើយ។
១០. ម៉ោង ៧ យប់ដល់ម៉ោង ៩ យប់ បើមានឈួលច្រមុះ នោះទំនាយថា មានមនុស្សស្រីមកដល់ ដោយមករកជួបនឹងខ្លួនអ្នក ហើយពឹងខ្លួនអ្នកឲ្យធ្វើអ្វីមួយ ជាមិនខានឡើយ។
១១. ម៉ោង ៩ យប់ដល់ម៉ោង ១១ កណ្ដាលអាធា្រត្រ បើមានឈួលច្រមុះ នោះទំនាយថា នឹងមានមនុស្សី នឹករលឹកខ្លួនអ្នក ហើយជួបជុំគ្នាល្អណាស់ហោង។
១២. ម៉ោង ១១ កណ្ដាលអាធ្រាត្រដល់ម៉ោង ១ យប់ បើមានឈួលច្រមុះ នោះទំនាយថា នឹងមានសេចក្ដីភ័យខ្លាចព្រួយបារម្ភក្នុងខ្លួន ប៉ុន្តែមិនអីទេ ព្រោះទំនាយថា ខ្លួនត្រូវមានលាភ មានជ័យជាដរាប ល្អណាស់ហោង។
ប្រផ្នូលទាក់អាវ
១. ម៉ោង ១ កណ្ដាលអាធ្រាត្រដល់ម៉ោង ៣ យប់ បើមានទាក់អាវនឹងរបស់អ្វីមួយ បើខ្លួនជាមនុស្សប្រុស នោះទំនាយថា នឹងបានបរិភោគយ៉ាងឆ្ងាញ់ បើខ្លួនជាមនុស្សស្រីវិញ នោះទំនាយថា នឹងមានកិច្ចត្រូវទៅបំរើម៉ែឪ។
២. ម៉ោង ៣ យប់ដល់ម៉ោង ៥ ជិតភ្លឺ បើមានទាក់អាវនឹងរបស់អ្វីមួយ នោះទំនាយថា នឹងមានទុក្ខព្រួយ ហើយត្រូវមានបង់ខាតប្រាក់កាសទៀតផង។
៣. ម៉ោង ៥ ជិតភ្លឺដល់ម៉ោង ៧ ព្រឹក បើមានទាក់អាវនឹងរបស់អ្វីមួយ នោះទំនាយថា ញាតិសន្ដានរបស់អ្នកមានសេចក្ដីទុក្ខព្រួយ ប៉ុន្ដែមិនជាធ្ងន់ប៉ុន្មានទេ។
៤. ម៉ោង ៧ ព្រឹកដល់ម៉ោង ៩ ព្រឹក បើមានទាក់អាវនឹងរបស់អ្វីមួយ នោះទំនាយថា នឹងបានជួបជុំជាមួយមិត្តភ័ក្តិ ហើយបានបរិភោគអាហារយ៉ាងឆ្ងាញ់ ល្អណាស់ហោង។
៥. ម៉ោង ៩ ព្រឹកដល់ម៉ោង ១១ ថ្ងៃត្រង់ បើមានទាក់អាវនឹងរបស់អ្វីមួយ នោះទំនាយថា នឹងត្រូវខាត់ប្រាក់កាសផ្ទាល់ខ្លួន មានព្រួយចិត្តហើយកើតជម្ងឺឈឺថ្កាត់ទៀតផង។
៦. ម៉ោង ១១ ថ្ងៃត្រង់ដល់ម៉ោង ១ រសៀល បើមានទាក់អាវនឹងរបស់អ្វីមួយ នោះទំនាយថា កូនស្រីខ្លួន មានចិត្តនឹកគិតដល់កិច្ចការខាងក្រៅផ្ទះ។
៧. ម៉ោង ១ រសៀលដល់ម៉ោង ៣ ល្ងាច បើមានទាក់អាវនឹងរបស់អ្វីមួយ នោះទំនាយថា នឹងមានមនុស្សមកពីស្រុកឆ្ងាយមកដល់ ហើយខ្លួនអ្នកបានចំណេញប្រាក់កាសយ៉ាងច្រើនល្អណាស់ហោង។
៨. ម៉ោង ៣ ល្ងាចដល់ម៉ោង ៥ ល្ងាច បើមានទាក់អាវនឹងរបស់អ្វីមួយ នោះទំនាយថា នឹងត្រូវមានគ្រោះថ្នាក់ដល់ទៅបែកចេញឈាមពីខ្លួនដោយមិនបានប្រុងប្រយ័ត្នទុកជាមុន ឬថាដោយមកពីប្រហែលធ្វេស ដូច្នេះក៏បាន។
៩. ម៉ោង ៥ ល្ងាចដល់ម៉ោង ៧ យប់ បើមានទាក់អាវនឹងរបស់អ្វីមួយ នោះទំនាយថា នឹងបានប្រាក់ចំណូលយ៉ាងច្រើនហើយមានប្រាក់ចំណាយក៏ច្រើន ល្អណាស់ហោង។
១០. ម៉ោង ៧ យប់ដល់ម៉ោង ៩ យប់ បើមានទាក់អាវនឹងរបស់អ្វីមួយ នោះទំនាយថា នឹងមានមនុស្សមកដល់ ហើយត្រូវមានបង់ខាតប្រាក់កាសយ៉ាងច្រើន មានគ្រោះកាចពុំល្អសោះឡើយ។
១១. ម៉ោង ៩ យប់ដល់ម៉ោង ១១ យប់ បើមានទាក់អាវនឹងរបស់អ្វីមួយ នោះទំនាយថា នឹងមានកើតក្ដីក្ដាំ ប៉ុន្តែត្រូវបានចំណេញប្រាក់កាសយ៉ាងច្រើន។
១២. ម៉ោង ១១ យប់ដល់ម៉ោង ១ អាធ្រាត្រ បើមានទាក់អាវនឹងរបស់អ្វីមួយ នោះទំនាយថា នឹងបានជួប និងមន្ត្រីណាមួយ ហើយនឹងបានចំណេញប្រាក់កាសយ៉ាងច្រើនផង។
ប្រផ្នូលឆ្នាំងរោទិ៍
១. ម៉ោង ១ យប់ដល់ម៉ោង ៣ យប់ បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា សត្វពាហនៈដែលខ្លួនអ្នកចិញ្ចឹមនោះ មានសុខសប្បាយទាំងអស់ ឥតមានឈឺថ្កាត់អ្វីទេ ល្អណាស់ហោង។
២. ម៉ោង ៣ យប់ដល់ម៉ោង ៥ ជិតភ្លឺ បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា គ្រួសារអ្នកនឹកបានឡើងឋានៈជាអ្នកមាន ជាមន្ត្រីធំ ហើយចំណេញធំទៀតផង។
៣. ម៉ោង ៥ ជិតភ្លឺដល់ម៉ោង ៧ ព្រឹក បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា គ្រួសារអ្នកនឹងមានគ្រោះថ្នាក់យ៉ាងធំមកដល់ ជាមិនខានឡើយ។
៤. ម៉ោង ៧ ព្រឹកដល់ម៉ោង ៩ ព្រឹក បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា នឹងមានភ្ញៀវមកដល់ហើយមានរឿងមានហេតុមកដល់ខ្លួនអ្នក គ្រោះកាចអាក្រក់មកដល់ជាពុំខានឡើយ។
៥. ម៉ោង ៩ ព្រឹកដល់ម៉ោង ១១ ថ្ងៃត្រង់ បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា អ្នកនឹងបាន ហើយទទួលផលស្រូវពីស្រែរបស់អ្នក បានចំណេញយ៉ាងល្អណាស់ហោង។
៦. ម៉ោង ១១ ថ្ងៃត្រង់ដល់ម៉ោង ១ រសៀល បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា អ្នកនឹងបានសប្បាយ ដោយបានចំណេញយ៉ាងច្រើន ហើយបានសុខគ្រប់យ៉ាង ឥតមានគ្រោះថ្នាក់អ្វីទេ។
៧. ម៉ោង ១ រសៀលដល់ម៉ោង ៣ ល្ងាច បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា នឹងមានគេមកចោទប្រកាន់ ចាប់កំហុសដល់ខ្លួនអ្នក អំពីរឿងអ្វីមួយ ប៉ុន្តែមិនអីទេ ព្រោះរឿងនោះបានរលាយបាត់ទៅវិញ ហើយបានសុខសប្បាយដូចធម្មតាគ្មានព្រួយអ្វីឡើយ ល្អណាស់។
៨. ម៉ោង ៣ ល្ងាចដល់ម៉ោង ៥ ល្ងាច បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា ខ្លួនអ្នកនឹងត្រូវមានហេតុកំណាចអាក្រក់ណាស់ ពុំល្អសោះឡើយ តោងប្រយ័ត្នឲ្យមែនទែន។
៩. ម៉ោង ៥ ល្ងាចដល់ម៉ោង ៧ យប់ បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា នឹងមានភ្ញៀវមកដល់បើមានមនុស្សក្នុងផ្ទះចេញដំណើរទៅក្រៅនោះថា នឹងមកដល់វិញ ល្អណាស់ហោង។
១០. ម៉ោង ៧ យប់ដល់ម៉ោង ៩ យប់បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា នឹងមានភ្ញៀវមកដល់ពីស្រុកឆ្ងាយ បើមានមនុស្សក្នុងផ្ទះធ្វើដំណើរចេញទៅក្រៅ នោះថានឹងត្រឡប់មកវិញ។
១១. ម៉ោង ៩ យប់ដល់ម៉ោង ១១ កណ្ដាលអាធ្រាត្រ បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា ខ្លួនអ្នកនឹងបានស្រាទទួលទាន ហើយជួបជុំញាតិមិត្ត ល្អណាស់ហោង។
១២. ម៉ោង ១១ កណ្ដាលអាធ្រាត្រដល់ម៉ោង ១ យប់ បើដាំបាយ ឬដាំទឹក ហើយឆ្នាំងនោះពុះរោទិ៍លាន់សំឡេងឡើង នោះទំនាយថា នឹងមានគេមកចោទប្រកាន់ខ្លួនអ្នកឲ្យមានរឿងរ៉ាវក្ដីក្ដាំដល់សាលា ប៉ុន្តែត្រូវឈ្នះក្ដី ល្អណាស់ហោង។
ប្រផ្នូលអណ្ដាតភ្លើងឆេះលៀនចេញពីក្នុងចង្ក្រាន ចេញមកក្រៅ
១. ម៉ោង ១ យប់ដល់ម៉ោង ៣ យប់ បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា ប្រពន្ធអ្នកមានចិត្តក្បត់ ពុំល្អសោះឡើយ។
២. ម៉ោង ៣ យប់ដល់ម៉ោង ៥ ជិតភ្លឺ បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា កូនស្រីរបស់អ្នកមានចិត្ត បែរទៅរកស្រលាញ់បុរសណាមួយជាមិនខាន ពុំល្អសោះឡើយ។
៣. ម៉ោង ៥ ជិតភ្លឺដល់ម៉ោង ៧ ព្រឹក បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា ខ្លួនអ្នកនឹងបានចំណេញប្រាក់កាស នឹងទ្រព្យសម្បត្តិយ៉ាងច្រើន ហើយបានសេចក្ដីសុខសប្បាយទៀតផង ល្អណាស់ហោង។
៤. ម៉ោង ៧ ព្រឹកដល់ម៉ោង ៩ ព្រឹក បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា អ្នកនឹងបានចំណេញប្រាក់កាស នឹងទ្រព្យសម្បត្តិយ៉ាងច្រើនពុំខានឡើយ។
៥. ម៉ោង ៩ ព្រឹកដល់ម៉ោង ១១ ថ្ងៃត្រង់ បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា អ្នកនឹងមានការព្រួយចិត្ត ដោយកូនប្រុសរបស់អ្នកត្រូវរបួស ហើយមានឈ្លោះប្រកែកនឹងគេទៀតផង។
៦. ម៉ោង ១១ ថ្ងៃត្រង់ដល់ម៉ោង ១ រសៀល បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា ខ្លួនអ្នកនឹងបានរីករាយសប្បាយចិត្ត ហើយទទួលទានអាហារដ៏ឆ្ងាញ់ ហើយបានជួបជុំគ្នាទៀតផង។
៧. ម៉ោង ១ រសៀលដល់ម៉ោង ៣ ល្ងាច បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា មានគេចោទប្រកាន់ចាប់កំហុសថាខ្លួនអ្នកធ្វើខុសអ្វីមួយជាមិនខាន អាក្រក់ណាស់ហោង។
៨. ម៉ោង ៣ ល្ងាចដល់ម៉ោង ៥ ល្ងាច បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា អ្នកនឹងបានចំណេញប្រាក់កាសយ៉ាងច្រើន ហើយបានរីករាយសប្បាយអធឹកអធមទៀតផង។
៩. ម៉ោង ៥ ល្ងាចដល់ម៉ោង ៧ យប់ បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា អ្នកនឹងមានចំណេញប្រាក់កាស នឹងទ្រព្យយ៉ាងច្រើន។
១០. ម៉ោង ៧ យប់ដល់ម៉ោង ៩ យប់ បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា ខ្លួនអ្នកនឹងត្រូវមានគ្រោះថ្នាក់កាចអាក្រក់ ពុំល្អសោះឡើយ។
១១. ម៉ោង ៩ យប់ដល់ម៉ោង ១១ អាធ្រាត្រ បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា អ្នកនឹងត្រូវមានការព្រួយចិត្តយ៉ាងខ្លាំង ប៉ុន្តែមិនអ្វីទេព្រោះគ្មានគ្រោះថ្នាក់ធ្ងន់សោះឡើយ។
១២. ម៉ោង ១១ អាធ្រាត្រដល់ម៉ោង ១ យប់ បើដាំបាយ ឬដាំទឹក ហើយភ្លើងក្នុងចង្ក្រាននោះ ឆេះសាយភាយលៀនចេញក្រៅ នោះទំនាយថា អ្នកនឹងត្រូវមានកើតជម្ងឺឈឺថ្កាត់យ៉ាងធ្ងន់ពុំល្អសោះឡើយ។
ប្រផ្នូលឆ្កែព្រុស
១. ម៉ោង ១ យប់ដល់ម៉ោង ៣ យប់ បើមានឆ្កែព្រុសខ្លួនអ្នក នោះទំនាយថា អ្នកនឹងមានការឈ្លោះទាស់ទែងជាមួយនឹងប្រពន្ធអ្នក ក្នុងពេលណាមួយជាមិនខាន់ឡើយ។
២. ម៉ោង ៣ យប់ដល់ម៉ោង ៥ ជិតភ្លឺ បើមានឆ្កែព្រុសខ្លួនអ្នក នោះទំនាយថា នឹងមានសេចក្ដីព្រួយក្នុងចិត្តយ៉ាងខ្លាំង ជាពុំខានឡើយ។
៣. ម៉ោង ៥ ជិតភ្លឺដល់ម៉ោង ៧ ព្រឹក បើមានឆ្កែព្រុសខ្លួនអ្នក នោះទំនាយថា នឹងមានចំណេញប្រាក់ នឹងទ្រព្យសម្បត្តិយ៉ាងច្រើន ល្អណាស់ហោង។
៤. ម៉ោង ៥ ព្រឹកដល់ម៉ោង ៩ ព្រឹក បើមានឆ្កែព្រុសខ្លួនអ្នក នោះទំនាយថា ប្ដីអ្នកដែលចេញទៅរកស៊ីស្រុកឆ្ងាយនោះ នឹងបានចំណេញច្រើន ហើយត្រឡប់មកផ្ទះវិញទៀតផង។
៥. ម៉ោង ៩ ព្រឹកដល់ម៉ោង ១១ ថ្ងៃត្រង់ បើមានឆ្កែព្រុសខ្លួនអ្នក នោះទំនាយថា អ្នកនឹងបានចំណេញ បានរីករាយសប្បាយ បានការគាប់ចិត្តគ្រប់យ៉ាង គ្មានអាក្រក់ត្រង់ណាឡើយ។
៦. ម៉ោង ១១ ថ្ងៃត្រង់ដល់ម៉ោង ១ រសៀល បើមានឆ្កែព្រុសខ្លួនអ្នក នោះទំនាយថា នឹងមានបងប្អូនមកដល់ ហើយថាមានគេផ្ញើរសំបុត្រមកឲ្យទៀតផង។
៧. ម៉ោង ១ រសៀលដល់ម៉ោង ៣ ល្ងាច បើមានឆ្កែព្រុសខ្លួនអ្នក នោះទំនាយថា អ្នកនឹងបានស្រាទទួលទាន ហើយជួបជុំគ្នាប្រសើរណាស់ហោង។
៨. ម៉ោង ៣ ល្ងាចដល់ម៉ោង ៥ ល្ងាច បើមានឆ្កែព្រុសខ្លួនអ្នក នោះទំនាយថា ប្រពន្ធ ឬកូនអ្នកនឹងមានចិត្តក្បត់ ហើយត្រូវខាតប្រាក់កាសជាច្រើន អាក្រក់ណាស់ហោង។
៩. ម៉ោង ៥ ល្ងាចដល់ម៉ោង ៧ យប់ បើមានឆ្កែព្រុសខ្លួនអ្នក នោះទំនាយថា មនុស្សក្នុងគ្រួសារ ក្នុងផ្ទះរបស់ខ្លួន នឹងមានរឿងទាស់ទែងគ្នាបន្តិចបន្តួច ជាមិនខានឡើយ។
១០. ម៉ោង ៧ យប់ដល់ម៉ោង ៩ យប់ បើមានឆ្កែព្រុសខ្លួនអ្នក នោះទំនាយថា បើខ្លួនអ្នកជាមន្ត្រី មុខជាបានឡើងស័ក្តិថែមទៀត បើជារាស្ត្រវិញនោះ ថានឹងបានចំណេញលុយកាក់ប្រាក់កាសច្រើនជាមិនខានឡើយ។
១១. ម៉ោង ៩ យប់ដល់ម៉ោង ១១ អាធ្រាត្រ បើមានឆ្កែព្រុសខ្លួនអ្នក នោះទំនាយថា នឹងមានរឿងឈ្លោះទាស់ទែងនឹងគេជាមិនខាន អាក្រក់ណាស់ហោង។
១២. ម៉ោង ១១ អាធា្រត្រដល់ម៉ោង ១ យប់ បើមានឆ្កែព្រុសខ្លួនអ្នក នោះទំនាយថា នឹងមានរឿងកើតក្ដីក្ដាំនឹងគេ ហើយក្ដីនោះចាញ់គេទៀតផង។
ប្រផ្នូលឮសូរសត្វល្វាចេកយំ
១. ម៉ោង ១ យប់ដល់ម៉ោង ៣ យប់ បើលឺសូរសត្វល្វាចេកយំ នោះទំនាយថា នឹងមានបងប្អូនមកពីស្រុកឆ្ងាយមកជួបគ្នាសប្បាយ ល្អណាស់ហោង។
២. ម៉ោង ៣ យប់ដល់ម៉ោង ៥ ជិតភ្លឺ បើលឺសូរសត្វល្វាចេកយំ នោះទំនាយថា ខ្លួនអ្នកនឹងមានជ័យជោគ បានសប្បាយ បានជួបនឹងការគាប់ចិត្តគ្រប់យ៉ាង ល្អយ៉ាងណាង់។
៣. ម៉ោង ៥ ជិតភ្លឺដល់ម៉ោង ៧ ព្រឹក បើលឺសូរសត្វល្វាចេកយំ នោះទំនាយថា ខ្លួនអ្នកត្រូវមានរឿងមានហេតុកើតក្ដីក្ដាំនឹងគេ ប៉ុន្តែខ្លួនអ្នកត្រូវមានលាភក្នុងរឿងនេះទៅវិញ ល្អមធ្យម។
៤. ម៉ោង ៧ ព្រឹកដល់ម៉ោង ៩ ព្រឹក បើលឺសូរសត្វល្វាចេកយំ នោះទំនាយថា ខ្លួនអ្នកត្រូវបានប្រាក់ បានសប្បាយ បានស្រាទទួលទានយ៉ាងឆ្ងាញ់ ល្អណាស់ហោង។
៥. ម៉ោង ៩ ព្រឹកដល់ម៉ោង ១១ ថ្ងៃត្រង់ បើលឺសូរសត្វល្វាចេកយំ នោះទំនាយថា មនុស្សដែលធ្វើដំណើរចេញពីផ្ទះរបស់អ្នកទៅនោះនឹងត្រឡប់មកដល់ផ្ទះវិញជាប្រាកដ។
៦. ម៉ោង ១១ ថ្ងៃត្រង់ដល់ម៉ោង ១ រសៀល បើលឺសូរសត្វល្វាចេកយំ នោះទំនាយថា នឹងបានជួបប្រទះនឹងការល្អ ការសប្បាយ ការគាប់ចិត្តជាពុំខានឡើយ ល្អណាស់ហោង។
៧. ម៉ោង ១ រសៀលដល់ម៉ោង ៣ ល្ងាច បើលឺសូរសត្វល្វាចេកយំ នោះទំនាយថា នឹងបានជួបនឹងការមិនល្អ គឺត្រូវកើតជម្ងឺឈឺថ្កាត់ក្នុងខ្លួនជាមិនខាន ត្រូវបន់ស្រន់ដល់វត្ថុសក្តិសិទ្ធិ ទើបបានជាសះស្បើយ។
៨. ម៉ោង ៣ ល្ងាចដល់ម៉ោង ៥ ល្ងាច បើលឺសូរសត្វល្វាចេកយំ នោះទំនាយថា ខ្លួនអ្នកត្រូវបាត់បង់នូវសត្វពាហណៈទាំង ៦យ៉ាង ដែលអ្នកចិញ្ចឹមគឺសេះ គោ ពពែ មាន់ ឆ្កែ ជ្រូក ជាដើម។
៩. ម៉ោង ៥ ល្ងាចដល់ម៉ោង ៧ យប់ បើលឺសូរសត្វល្វាចេកយំ នោះទំនាយថា ត្រូវមានលាភ មានជ័យ ល្អប្រសើរណាស់ហោង។
១០. ម៉ោង ៧ យប់ដល់ម៉ោង ៩ យប់ បើលឺសូរសត្វល្វាចេកយំ នោះទំនាយថា ត្រូវមានចោរប្លន់ មានខូចខាតទ្រព្យសម្បត្តិ ពុំបានសុខសប្បាយឡើយ។
១១. ម៉ោង ៩ យប់ដល់ម៉ោង ១១ អាធ្រាត្រ បើលឺសូរសត្វល្វាចេកយំ នោះទំនាយថា ត្រូវបានចំណេញប្រាក់កាស ទ្រព្យសម្បត្តិយ៉ាងច្រើន ល្អណាស់ហោង។
១២. ម៉ោង ១១ អាធ្រាត្រ បើលឺសូរសត្វល្វាចេកយំ នោះទំនាយថា ខ្លួនអ្នកនឹងមានគ្រោះថ្នាក់ មានឈ្លោះប្រកែក នឹងគេជាពុំខានឡើយ។
ទំព័រនេះប្រមូលប្រផ្នូលទាំង ១២ យ៉ាង ពីកម្មវិធីហោរាសាស្ត្រខ្មែរ។ ទាំងនេះជាជំនឿប្រជាប្រិយ និងជាផ្នែកមួយនៃវប្បធម៌ខ្មែរ មិនមែនជាការទស្សន៍ទាយដែលមានមូលដ្ឋានវិទ្យាសាស្ត្រទេ។ សូមអានដើម្បីកម្សាន្ត និងស្គាល់វប្បធម៌។ ការញាក់ភ្នែកភាគច្រើនបណ្ដាលមកពីការអស់កម្លាំង ស្ត្រេស ឬកាហ្វេច្រើនពេក ហើយបើវាកើតឡើងញឹកញាប់ គួរពិគ្រោះជាមួយគ្រូពេទ្យ។
សំណួរដែលសួរញឹកញាប់
ញាក់ភ្នែកឆ្វេងមានន័យដូចម្ដេច?
តាមជំនឿខ្មែរ វាអាស្រ័យលើម៉ោង។ ឧទាហរណ៍ ម៉ោង ៧ ដល់ ៩ ព្រឹក បើញាក់ភ្នែកឆ្វេង ថានឹងមានភ្ញៀវជាន់ខ្ពស់មកដល់ ប៉ុន្តែម៉ោង ១ ដល់ ៣ រសៀល ថានឹងមានគ្រោះថ្នាក់ ខាតបង់ប្រាក់កាស។ សូមមើលប្រផ្នូលញាក់ភ្នែកខាងលើសម្រាប់ម៉ោងទាំង ១២ ពេល។
ហ៊ឹងត្រចៀកមានន័យដូចម្ដេចតាមជំនឿខ្មែរ?
អត្ថន័យខុសគ្នារវាងត្រចៀកឆ្វេងនិងស្ដាំ និងតាមម៉ោងនីមួយៗ។ ម៉ោង ១ ដល់ ៣ យប់ បើហ៊ឹងត្រចៀកឆ្វេង ថាមានមនុស្សស្រីនឹករលឹកដល់អ្នក ចំណែកម៉ោង ១១ ថ្ងៃត្រង់ដល់ ១ រសៀល បើហ៊ឹងត្រចៀកស្ដាំ ថានឹងមានលាភធំជាទីគាប់ចិត្តមកដល់។
ទំព័រនេះមានប្រផ្នូលអ្វីខ្លះ?
មាន ១២ យ៉ាង៖ ញាក់ភ្នែក ហ៊ឹងត្រចៀក ក្ដៅត្រចៀក ក្ដៅមុខ ញាក់សាច់ ភ័យខ្លាចក្នុងចិត្ត ឈួលច្រមុះ ទាក់អាវ ឆ្នាំងរោទិ៍ អណ្ដាតភ្លើងលៀនចេញពីចង្ក្រាន ឆ្កែព្រុស និងឮសូរសត្វល្វាចេកយំ។
តើប្រផ្នូលទាំងនេះពិតឬទេ?
ទាំងនេះជាជំនឿបុរាណដែលបន្តពីដូនតាក្នុងវប្បធម៌ខ្មែរ មិនមែនជាការពិតតាមវិទ្យាសាស្ត្រទេ។ មនុស្សជាច្រើនចូលចិត្តអានជាមរតកវប្បធម៌ ប៉ុន្តែមិនគួរយកមកសម្រេចរឿងសំខាន់ៗឡើយ។ ការញាក់ភ្នែក ឬហ៊ឹងត្រចៀក ច្រើនតែមានមូលហេតុធម្មតា ដូចជាការអស់កម្លាំង ឬស្ត្រេស។