កុល.ក ឬកន្សែងបង់.កបញ្ជាក់ឧបនិស្ស័យមនុស្ស
ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។
សម្រាប់រឿងនេះប្រហែលជាគ្មានសុភាពបុរស ឬសុភាពនារីណាម្នាក់ ហ៊ានហើប មាត់បដិសេធទេ ថាកន្លងមកមិនធ្លាប់ប្រើកុល.កឬកន្សែងបង់.ក នោះឡើយ។ ព្រោះ សម័យនេះជាយុគស៊ីវិល័យ ការតុបតែងខ្លួនបែបចូលចំណោម គេមិនចុះក៏ស្ទើរតែ លែងមានទៅហើយដែរ។ ជាការពិតណាស់ថា ក្រៅពីគ្រឿងអលង្ការអាចជួយលើក កម្រិតបុគ្គលិកភាពរបស់លោកអ្នកហើយនោះ គ្រឿងតុបតែងកាយបែបបន្ទាប់បន្សំ ដូចជាកុល.ក ឬកន្សែងបង់.ក ក៏ជួយលើកកម្រិតបុគ្គលិកភាពរបស់លោកអ្នកបានដូច គ្នាផងដែរ។ ក៏ប៉ុន្តែលោកអ្នកមិនទាន់ជ្រាបទេថា វត្ថុតុបតែងកាយបន្ថែមអស់ទាំងនោះ ក៏អាច ធ្វើឱ្យអ្នកដទៃ គេអាចទស្សន៍ទាយដឹងពីឧបនិស្ស័យបែបធម្មជាតិដែលកំពុងតែសម្ងំ លាក់ខ្លួននៅក្នុងរាងកាយលោកអ្នកបានដែរ។ ប្រសិនបើចង់ដឹងថា ការតុបតែង កាយដោយប្រើវត្ថុទាំងនោះ មានអត្ថន័យបែបណានោះ សូមតាមដានអានខ្លឹមសារ ទស្សន៍ទាយដូចខាងក្រោមនេះ
ពណ៌ឆើតឆាយស្រស់ភ្លឺ អ្នកជ្រើសរើសប្រើកុល.ក ឬកន្សែងបង់.ក មានពណ៌ស្រស់ឆើតឆាយគួរឱ្យទាក់ ភ្នែកបែបនេះ អាចបញ្ជាក់បានថា ជាមនុស្សចូលចិត្តប្រឡូកនៅក្នុងសង្គមមនុស្សទូទៅ ជាពិសេសចូលចិត្តឱ្យគេយកចិត្តយកថ្លើមខ្លួនទៀតផង។ ជាមនុស្សមានភាពក្លាហាន ក្នុងការសម្តែងចេញស្រលាញ់ភាពសប្បាយរីករាយមិនចូលចិត្តធ្វើឱ្យខ្លួនឯងក្លាយទៅ ជាបញ្ហានិងចំណុចល្អ គឺមានអារម្មណ៍ល្អជាមួយមនុស្សក្នុងសង្គមគ្រួសារជានិច្ច។
ពណ៌បែបងងឹត(ចាស់) ប្រសិនបើអ្នកមានចំណូលចិត្តទៅលើកុល.កឬកន្សែងបង់.ក ដែលមានពណ៌ចាស់ ដូចជាពណ៌ត្នោត ពណ៌េខៀវជាដើមនោះ តាមរូបភាពបែបនេះ អាចទស្សន៍ទាយបាន ថា លោកអ្នកជាមនុស្សស្រលាញ់អំណាចតែមានទម្លាប់ល្អម៉្យាង គឺចូលចិត្តដោះ ស្រាយបញ្ហាដោយប្រើគំនិតប្រាជ្ញាមិនប្រើអារម្មណ៍ក្នុងការកាត់សេចក្តី។ លោកអ្នក ជាមនុស្សមិនចូលចិត្តធ្វើខ្លួនជាចំណុចលេចធ្លោ ឬទាមទារការចាប់អារម្មណ៍ណាមួយ ទាំងអស់។
មានក្រឡាបន្ទះ ជាមនុស្សមានផែនការត្រៀមទុកជាមុន មុនពេលដំណើរការដើម្បីឱ្យការងារ របស់ គេដំណើរទៅយ៉ាងរលូន។ ជាមនុស្សចូលចិត្តរស់នៅក្នុងផ្ទះសម្បែងមានអនាម័យ ស្អាត មានរៀបរយមិនកខ្វក់ស្មោគគ្រោក។ ជាមនុស្សមានវិន័យ នៅក្នុងខ្លួនឯង ហើយប្រកាន់ខ្ជាប់នូវច្បាប់ទម្លាប់បែបងាយៗមិនស្មុគស្មាញ ដោយមិនចាំបាច់ឱ្យ នរណាមកណែនាំ។
ក្រឡាល្អិតៗតូចៗ ចំណែកអ្នកចូលចិត្តប្រើកុល.កឬកន្សែងបង់.ក មានក្រឡាល្អិតតូចៗខ្វែងកាត់គ្នា អាចបង្ហាញឱ្យឃើញថា ជាមនុស្សដែលផ្តោតការយកចិត្តទុកដាក់ទៅលើវត្ថុដែលស្ថិត នៅជុំវិញខ្លួនគេដរាប។ ជាអ្នកចូលចិត្តតាមដានសកម្មភាពប្រែប្រួលកើតឡើងហើយ ជាញឹកញាប់មនុស្សនេះតែងតែដឹងពីលទ្ធផលប្រែប្រួលនោះមុនទៀតផង។
ក្រឡាអុជមូលៗតូចៗ អាចពោលបានថា អ្នកចូលចិត្តប្រើកុល.កឬកន្សែងបង់.កប្រភេទខាងលើនេះជា មនុស្សមិនចូលចិត្តរស់នៅក្រោមគំនាបឬច្បាប់របៀបណាមួយ។ ជាមនុស្សឆាប់មាន អារម្មណ៍ធុញថប់នូវអ្វីដែលសាំដដែលៗ។ ក៏ប៉ុន្តែមនុស្សនេះចូលចិត្តធ្វើប្រហែលជា យ៉ាងដូច្នេះ ហើយទើបមនុស្សបែបនេះមានឱកាសក្លាយទៅជាទីចំណាប់អារម្មណ៍ របស់អ្នកដទៃនោះ។
ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។