រំលងទៅមាតិកា

ហុងស៊ុយ

ហុងស៊ុយក្បូរក្បាច់រចនាលម្អផ្ទះ

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

ការរចនាដោយក្រដាសបិទជាប់ជញ្ជាំងមិនត្រឹមតែ ធ្វើឲ្យមានភាពស្រស់ស្អាតប៉ុណ្ណោះទេ ថែមទាំងនាំមកនូវសំណាង និងសិរីសួស្តីផងដែរ ដូចជា ការរចនាជារូបភាពស្លឹកឈើ នាំមកនូវភាពត្រជាក់ត្រជុំ នឹងជួយបណ្តេញនូវឧបទ្រពចង្រៃ។ រូបភាពផ្លែឈើនាំមកនូវភាពសម្បូរហូរហៀរ។ រូបភាពពពកនាំមកនូវភាពមានបាន។ រូបភាពផ្កាកុលាប នាំមកនូវសេចក្តីស្រលាញ់សេ្នហា រីឯរូបភាពក្បូរក្បាច់រចនាជារង្វង់មូលនាំមកនូវជោគជ័យ និងភាពសម្បូរសប្បាយ។

ជណ្តើរមិនត្រូវ ដាក់ទល់នឹងមុខទា្វរបន្ទប់គេង ជណ្តើរចុះ ស្ថិតនៅចំទ្វារបន្ទប់គេង នាំឲ្យទ្រព្យសម្បត្តិ មាសប្រាក់ ហូរចេញអស់ពីក្នុងផ្ទះ ពិសេសទាញយកលាភសំណាង និងបារមី ចេញពីបន្ទប់គេងនោះទៅជាមួយផងដែរ។ ដូចនេះដើម្បីឲ្យហុងស៊ុយផ្ទះរបស់អ្នកល្អឡើងវិញ គួររកអ្វីមកបាំង នៅចន្លោះកណ្តាល រវាងទ្វារបន្ទប់គេងនឹងជណ្តើរ។ រីឯជណ្តើរឡើងទៅខាងលើ ដែលស្ថិតនៅចំទ្វារបន្ទប់គេងនោះ បើមានហុងស៊ុយល្អ មានលាភសំណាងចូល វារឹតតែមានលាភកាន់តែច្រើនថែមទៀត ប៉ុន្តែបើផ្ទុយពីនេះ នាំឲ្យបាត់នូវលាភសំណាង បុណ្យបារមី ជាងមុនទៅទៀត។ ដូច្នេះមានតែរាំង ឬលម្អនូវវត្ថុផ្សេង ទើបអាចកែហុងស៊ុយបាន។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។