រំលងទៅមាតិកា

ជំនឿ និងទំនៀមផ្សេងៗ

កាបូបប្រើប្រាស់ទាយឧបនិស្ស័យ

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

ជាធម្មតាមនុស្សគ្រប់រូបរមែងមានកាបូបសំណព្វចិត្តណាមួយទុកប្រើប្រាស់ផ្ទាល់ខ្លួន។ ក៏ប៉ុន្តែលោកអ្នកជ្រាបដែរឬទេថា កាបូបប្រើប្រាស់នេះឯងដែលគេអាចទស្សន៍ទាយពីចរិតលោកអ្នកបានទៅតាមទ្រង់ទ្រាយនៃកាបូបនោះ។ ប្រសិនបើលោកអ្នកចង់ ដឹងច្បាស់ថា ខ្លួនឯងមានឧបនិស្ស័យបែបណានោះសូមមើលការទស្សន៍ទាយដូចខាងក្រោមនេះ:

អ្នកចូលចិត្តប្រើប្រាស់កាបូបស្ពាយចំហៀង តាមលក្ខណៈកាបូបបែបនេះអាចបញ្ជាក់បានថា លោកអ្នកជាមនុស្សមានអារម្មណ៍ឆាប់រង្គោះរង្គើតែមិនទន់ជ្រាយ។ ជាមនុស្សមានមោទនភាពនូវអ្វីដែលខ្លួនឯងកំពុងមានមិនចូលចិត្តផ្តេកផ្តួលលើអ្នកដទៃ ព្រមទាំងចូលចិត្តខ្សែជីវិតរស់នៅបែប ងាយៗទៀតផង។

អ្នកចូលចិត្តប្រើកាបូបដែលមានអក្សរនៅលើនោះ អាចពោលបានថា លោកអ្នកជាមនុស្សមានអារម្មណ៍ផ្តោតសំខាន់ជាងគេទៅលើសិល្បៈ។ ជាមនុស្សចូលចិត្តធ្វើការ ណាដែលពិបាកៗ ព្រមទាំងជាប្រភេទការងារដែលមានការទាក់ទាញ ជាពិសេសមើលឃើញគុណតម្លៃក្នុងរឿងសតិបញ្ញាទុកជា លំដាប់ដំបូងគេទៀតផង។

អ្នកចូលចិត្តប្រើកាបូបប្រភេទដៃ(កាបូបតូចៗ) តាមរូបភាពបែបនេះយើងអាចទស្សន៍ទាយបានថា អ្នកជាមនុស្សអភិរក្សនិយមភាគច្រើនមានក្តីស្រមើស្រមៃទៅអតីត កាលដែលស្អាតផូរផង់។ ជាមនុស្សប្រកាន់ខ្ជាប់នូវគុណធម៌ដ៏ល្អ ហើយថែមទាំងចេះរៀបចំគម្រោងការទុកមុនយ៉ាងម៉ត់ចត់ទៀតផង ដោយមិនចូលចិត្តអ្វីដែលស្មុគស្មាញរញ៉េរញ៉ៃ។

អ្នកនិយមប្រើកាបូបមានទ្រង់ទ្រាយជា៤ជ្រុង សម្រាប់អ្នកមានចំណូលចិត្តជ្រើសរើសប្រើកាបូបប្រភេទខាងលើនេះវិញ អាចបញ្ជាក់បានថា ជាមនុស្សប្រកាន់ខ្ជាប់ នូវរបៀបរបបវិន័យមិនខ្ជីខ្ជា។ ជាអ្នកចូលចិត្តនូវអ្វីដែលមានស្ថិរភាព មិនចូលចិត្តការប្រែប្រួលញឹកញាប់មិនទៀងទាត់។ ចំណុច សំខាន់ជាងគេមនុស្សនេះ គឺមានភាពម្ចាស់ការលើខ្លួនឯងយ៉ាងរឹងមាំ មិនងាយងាករេតាមអ្វីទាក់ទាញនោះឡើយ។ កត្តាសំខាន់ មិនសូវយកចិត្តទុកដាក់ទៅលើពាក្យសម្តីរបស់នរណាម្នាក់ ក្រោយពេលគេគិតឃើញថា វាគ្មានហេតុគ្មានផលនោះ។

អ្នកចូលចិត្តប្រើកាបូបប្រភេទត្បាញ គេអាចទស្សន៍ទាយបានថា អ្នកជាមនុស្សពូកែស្រមើស្រមៃស្រលាញ់ភាពស្រស់ស្អាត។ តែចូលចិត្តប្រឈមនឹងគ្រោះភ័យ ព្រមទាំងចេះឱ្យតម្លៃទៅលើរឿងកំប៉ិកកំប៉ុកតូចតាច។ ពិសេសបើមានការប៉ុនប៉ងទៅលើអ្វីមួយហើយនោះ មនុស្សនេះរមែងមាន ការព្យាយាមប្រឹងប្រែងយកវារហូតដល់បាន។

អ្នកចូលចិត្តប្រើកាបូបប្រភេទស្ពាយ(សាក់កាដូ) យើងអាចទស្សន៍ទាយបានថា មនុស្សចូលចិត្តប្រើកាបូបបែបនេះ ជាមនុស្សពូកកែស្រលាញ់ការសប្បាយ ហើយចូល ចិត្តស្វែងរកភាពដែលអូសទាញនៅក្នុងជីវិត។ ចូលចិត្តធ្វើការងារណាលំបាកៗដែលអ្នកដទៃគេមិនអាចធ្វើបាន ព្រោះគេចូលចិត្ត ធ្វើខ្លួនឯងឱ្យក្លាយទៅជាចំណុចចាប់អារម្មណ៍នៅក្នុងសង្គម។

អ្នកចូលចិត្តប្រើកាបូបប្រភេទស៊ីវិល័យ ចុងក្រោយគេបង្អស់សម្រាប់អ្នកចូលចិត្តប្រើប្រភេទកាបូបស៊ីវិល័យវិញ អាចបញ្ជាក់បានថា ជាមនុស្សមានអារម្មណ៍ ឆាប់ធុញថប់និងអារម្មណ៍ស្រាលជាងខ្យល់ទៅទៀត។ ជាមនុស្សចូលចិត្តឱ្យអ្នកដទៃយកចិត្តយកថ្លើមខ្លួនគ្រប់ពេលវេលា។ ជាមនុស្សមានរសជាតិប្លែកពីគេឯង ជាពិសេសមនុស្សនេះចង់ឱ្យខ្លួនឯង ក្លាយទៅជាចំណុចចាប់អារម្មណ៍ក្នុងចំណោមមិត្តភ័ក្តិ ហើយក៏ជាអ្នកឆាប់សម្រេចចិត្តលឿនបំផុតនៅពេលគេជួបនឹងអ្វីដែលពេញចិត្ត។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។