រំលងទៅមាតិកា

ជំនឿ និងទំនៀមផ្សេងៗ

មើលអត្តចរិតមនុស្សតាមសកម្មភាពផ្សេងៗ

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

ចូលចិត្តមើលភាពយន្តនិងស្តាប់បទចម្រៀងវត្ថុអស់ទាំងនេះសុទ្ធតែមកភ្ញោចឱ្យលោកអ្នកមាន ភាពស្រស់ស្រាយ និងដឹងខ្លួនគ្រប់ពេលវេលា។អ្នកដែលមានចំណូលចិត្តបែបនេះជាមនុស្សងាយៗសប្បាយៗ ហើយមានភាពម្ចាស់ការលើខ្លួនឯងទៀតផង។ ភាគច្រើនមនុស្សនេះច្រើនរស់នៅក្នុងសង្គមផ្ទាល់ខ្លួនរបស់គេ និងមិនសូវកំប៉ិកកំប៉ុករវីរវល់ពិភពលោកខាងក្រៅប៉ុន្មាននោះទេ។ មិនចូលចិត្តភាពស៊ាំញាំអ៊ូអរឬក៏ស្ថិតនៅ ក្នុងចំណោមមនុស្សមានអារម្មណ៍ឆេវឆាវ។

ចូលចិត្តដេក: ជាមនុស្សស្ទើរតែពុំមានពេលវេលាជារបស់ខ្លួនឯង ក៏ប៉ុន្តែរាល់ប្រ៉ូក្រាមរបស់មនុស្ស នេះរមែងមានសភាពរញ៉េរញ៉ៃមិនសូវមានភាពរលូនប៉ុន្មាននោះទេ តែទាំងអស់នេះគេធ្វើឡើងដើម្បីខ្លួនគេ ទាំងអស់។ ក៏ប៉ុន្តែប្រសិនបើអាចធ្វើទៅបានសូមឱ្យលោកកុំធ្វើឱ្យប្រាក់កម្លាំងហួសហេតុពេកគួរពិចារណា ពីបញ្ហាសុខភាពជាចម្បងទើបជាការប្រសើរក្នុងករណីប្រសិនបើមានអារម្មណ៍ធុញថប់នឹងបរិស្ថានជុំវិញកាយ គួរសាកល្បងរកមើលអ្វីមួយមកធ្វើធានាថា នឹងបានធូរស្រាលក្នុងរម្មណ៍លឿនបំផុត។

ធ្វើការងារនិពន្ធ: លោកអ្នកជាមនុស្សដែលមានគំនិតផ្ទាល់ខ្លួនមិនសូវខ្វល់សុំគំនិតពីអ្នកដទៃ ដែល ក្រោយពេលបានគិតហើយ គេរមែងព្យាយាមធ្វើរហូតដល់បានជោគជ័យ។ ជាមនុស្សដែលចូលចិត្តប្រលែង គំនិតចេញបណ្តើរធ្វើការងារទៅព្រមគ្នាបណ្តើរមិនឱ្យខាតបង់ពេលឥតប្រយោជន៍។ ចំណុចដ៏សំខាន់បំផុត របស់មនុស្សនេះគេមាននិន្នាការពេញខួរក្បាលមិនចេះរីងខះ។

ចូលចិត្តធ្វើម្ហូប: ការទស្សនទាយដំបូងគេអាចពោលបានថា រឿងស៊ីចុកបុកទំពាមនុស្សនេះល្មោភ ជាងគេបន្តិច។ អារម្មណ៍ពោរពេញទៅដោយភាពភ្លើតភ្លើនជាមួយនឹងការងារដែលខ្លួនគេកំពុងធ្វើ។ជាមនុស្សមានអត្តចរិតរពឹសមិនចេះនៅស្ងៀមមួយកន្លែងតែមនុស្សនេះមានភាពពេញចិត្តបំផុតចំពោះវត្ថុ ដែលខ្លួនគេគិតឃើញថា ធ្វើហើយបានល្អ ព្រមទាំងជាមនុស្សមានចរិតចូលចិត្តរួសរាយជជែកលេងមិន សូវរើសមុខទៀតផង។

ចូលចិត្តនិយាយទូរស័ព្ទភាគច្រើនជាមួយសង្សារឬមិត្តភ័ក្តិ: ជាមនុស្សសំបូរទៅដោយទ្រឹស្តីវោហោរ មិនចេះរឹងខះ មានទេពកោសល្យក្នុងការប្រើពាក្យពេចន៍និងឥរិយាបថកំប្លុកកំប្លែងឱ្យអ្នកនៅជុំវិញកាយមិន កើតការអផ្សុក។ ជាមនុស្សមានចរិតសម្លឹងមើលពិភពលោកក្នុងផ្លូវល្អ។ ប្រសិនបើនិយាយពីកិច្ចការផ្ទះ មនុស្សនេះឧស្សាហ៍ហើយមានអនាម័យជានិច្ច។ ជាមនុស្សចូលចិត្តសម្តែងសមត្ថភាពរបស់ខ្លួនឱ្យអ្នកដទៃបានឃើញ និងដឹងឮ។ ស្រលាញ់ភាព ស្អាតស្អំរាល់ការងារដែលគេលូនដៃធ្វើរមែងមានគម្រោងបែបផែនត្រឹមត្រូវមានរបៀបវិន័យក្រឹត្យក្រមមិន បណ្តែតបណ្តោយឱ្យពេលវេលារំលងហួសទៅដោយឥតប្រយោជន៍ ហើយក៏ជាអ្នកប្រកាន់ពេលវេលាទៀងទាត់ ទៀតផង។

ចូលចិត្តលេងកីឡា: ជាមនុស្សដែលមានការព្រួយបារម្ភពីបញ្ហាសុខភាព ខ្លួនឯងគ្រប់វេលា ហើយថែមទាំងមិនប្រហែសឱ្យរាងកាយចុះខ្សោយសុខភាពទៀតផង។ ជាមនុស្សដែលមុនធ្វើអ្វីមួយ រមែងត្រិះរិះពិចារណាឱ្យការងារនោះមានប្រយោជន៍សម្រាប់ខ្លួនគេជាមុនសិន។ ចំណុចល្អសម្រាប់មនុស្សនេះគេមានទេពកោសល្យក្នុងការងារច្នៃប្រឌិត ដែលអាចពោលបានថា ជាមនុស្សពិសេសម្នាក់ក៏ថាបាន។ ជាមនុស្សមានភាពល្អិតល្អន់ម៉ត់ចត់និងចូលចិត្តបង្ហាញស្នាដៃល្អៗរបស់ ខ្លួនឯងឱ្យអ្នកដទៃបានកោតស្ងប់ស្ងែងទៀតផង។ មនុស្សនេះមានឧត្តមគតិនៅក្នុងខ្លួនរបស់គេជានិច្ចថា ខ្លួនគេមានភាពម៉ត់ចត់ព្យាយាមធ្វើអ្វីមួយឱ្យ សម្រេចដោយភាពផូរផង់ ព្រមទាំងយល់ពីអារម្មណ៍របស់អ្នកដទៃបានយ៉ាងល្អទៀតផង។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។