រំលងទៅមាតិកា

ជំនឿ និងទំនៀមផ្សេងៗ

ផ្ញើសាររូបភាពមើលដឹងអត្តចរិតមនុស្ស

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

បច្ចុប្បន្ននេះនរណាៗក៏ទទួលស្គាល់ថាទូរស័ព្ទដៃបានក្លាយទៅជារបស់ប្រើប្រាស់មួយដើរជាប់ ជាមួយជីវិតមនុស្សប្រចាំថ្ងៃ ជាពិសេសទៅលើក្រុមយុវវ័យដែលស្ទើរតែអាចពោលបានថា អត់វាមិនបាន។ ក៏ប៉ុន្តែលោកអ្នកមិនទាន់ជ្រាបទេថា ការលេងរូបភាព ឬការផ្ញើសារជារូបភាពរបស់លោកអ្នកទៅឱ្យអ្នកដទៃ នោះធ្វើឱ្យពួកគេអាចទស្សន៍ទាយដឹងពីអត្តចរិតរបស់អ្នកបាននោះទេ។ ប្រសិនបើលោកអ្នកចង់ដឹងថា ខ្លួនឯងមានអត្តចរិតបែបណានោះសូមអានការទស្សន៍ទាយដូចខាងក្រោមនេះ:

រូបភាពម៉ូតូ ឬរថយន្តទំនើប អាចពោលបានថា លោកអ្នកជាមនុស្សស្ទុរស្ទារមិនស្ពឹកស្រពន់មិនចេះ នៅស្ងៀមមួយកន្លែង ហើយចូលចិត្តរឿងប្រកួតប្រជែងប្រកបដោយក្តីអំណត់អត់ធន់ និងព្យាយាមខ្ពស់បំផុត។ ចំណុចដែល ពិសេសរបស់មនុស្សម្នាក់នេះ គឺព្យាយាមអភិវឌ្ឍន៍ខ្លួនឯងឱ្យមានស្ថិរភាពនៅក្នុងជីវិត។ ជាមនុស្ស ស្រលាញ់ភាពស្រណុកស្រួលរួសរាយ ស្រស់ស្រាយ ស្រលាញ់ករ្តិ៍ឈ្មោះកិត្តិយសហ៊ានបើកបង្ហើប មិនចេះលាក់លៀម។ ទោះបីអ្នកមានចំណូលចិត្តអួតអាងរឿងអំណាច ឋានៈជីវភាពខ្លះៗក្តី តែសូមកុំព្យាយាម អួតច្រើនពេកក្រែងលោកគេតាមទាន់ជាន់កែង។

រូបភាពមនុស្សសំណព្វចិត្ត , លោកអ្នកជាមនុស្សមានចំណង់ចំណូលចិត្តលើសម្រស់ស្រស់ស្អាតមានភាពរ៉ូមេនទិកសម្លឹង មើលពិភពលោកក្នុងផ្លូវល្អ មានទំនាក់ទំនងស្អិតល្មួតជាមួយមិត្តភក្តិ។ លក្ខណៈសម្បត្តិដែលល្អរបស់មនុស្សនេះ គឺមានសន្តានចិត្ត គឹមានសន្តានចិត្តល្អ ចេះជួយយឹតយោងអ្នកដែលមានសភាពទន់ខ្សោយជាងខ្លួន។ ជាមនុស្ស ចូលចិត្តប្រើក្តីស្រមើស្រម៉ៃរវើរវាយចូលចិត្តសប្បាយរីករាយ តែឆាប់ទន់ច្រាយ និងឆាប់ងង៉ក់ដាក់ដៃគូ ស្នេហាលឿនបំផុត។ ប្រសិនបើដៃគូប្រហែសធ្វើឱ្យបែកធ្លាយថា កំពុងធ្វើរឿងអ្វីមួយក្នុងន័យបែកចិត្តនោះ អ្នកនឹងមិនព្រមលើកលែងទោសឱ្យដោយងាយៗដាច់ខាត។ គ៏ប៉ុន្តែនៅគ្រាន់បើបន្តិចត្រង់ថា ជាមនុស្សខឹងមិន បានយូរហើយក៏មិនចេះគំគួនទុកនៅក្នុងចិត្តផងដែរ។

រូបភាពអាហារគួរទទួលទាន ជាមនុស្សដែលចូលចិត្តទទួលទានអាហារល្អៗបណ្តើររអ៊ូបណ្តើរ ចូលចិត្តរសជាតិអាហារឆ្ងាញ់ៗ ជាពិសេសរសជាតិដែលពិសេសៗនិងអាចដក់ចិត្តជាមួយរសជាតិផ្អែមរហូតភ្លេចពិនិត្យរាងកាយខ្លួនឯង ក៏សឹងមាន។ ជាមនុស្សដែលមានចំណង់ចំណូលចិត្តរឿងសប្បាយរីករាយបំផុតលើសពីនេះទៅទៀត នៅត្រេកត្រអាលនឹងរឿងសម្ផស្សទៅតាមគំនិតដែលខ្លួនគិតឃើញ ឬការស្រមើស្រមៃឃើញតែវត្ថុថ្មីដល់ខ្លួន ឯងជាប់មិនដាច់ទៀតផង។ ក៏ប៉ុន្តែទោះបីយ៉ាងណាក៏ដោយក៏មិនគួរបណ្តែតបណ្តោយចិត្តឱ្យងប់ងុលនឹងវត្ថុនៅ ជុំវិញកាយពេក បើពុំដូច្នេះទេប្រយ័ត្នជាប់ឈ្មោះជាបវរកញ្ញាជ្រូក។

រូបសញ្ញាអក្សរ ឬឡូហ្គោ ជាមនុស្សដែលមានភាពស្វះស្វែងរកចំណេះដឹង និងសិល្បះការច្នៃប្រឌិតស្រាវជ្រាវព្រមទាំងមាន ឧត្តមគតិល្អៗគយរឱ្យកោតសរសើរ។ នាំសេចក្តីព្យាយាមស្ទុះស្ទា អត់ធន់ ស្រលាញ់ភាពរីកចម្រើនរហូតក្លាយ ទៅជាមនុស្សមានចិត្តអន្ទះសា។ មនុស្សនេះខួរក្បាលស្រឡះល្អ អារម្មណ៍ស្រស់ស្រាយសុខភាពរឹងមាំល្អ គ្មានរោគាបៀតបៀន និងឧស្សាហ៍ខ្នះខ្នែងមិនខ្លាចនឿយហត់។ ជាមនុស្សមានភាពទទួលខុសត្រូវក្នុងតួនាទី ចេះជួយសង្គ្រោះអ្នកដែលទន់ខ្សោយជាងខ្លួន ចេះស្រលាញ់សុខភាពរាងកាយ ព្រមទាំងភាពស្អាតបាតរហូត ដល់ពេលខ្លះហាក់ដូចជាមនុស្សកំប៉ិកកំប៉ុកច្រើនពេកក៏ថាបាន។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។