រំលងទៅមាតិកា

ជំនឿ និងទំនៀមផ្សេងៗ

ស្គាល់ចិត្តតាមរយៈផឹកតែពណ៌បៃតងនិងតែក្រូចឆ្មារ

ជំនឿប្រពៃណីខ្មែរ ចែករំលែកជាវប្បធម៌ និងសម្រាប់ការកម្សាន្ត។ មិនមែនជាវិទ្យាសាស្ត្រទេ សូមកុំសម្រេចចិត្តរឿងសំខាន់ដោយផ្អែកតែលើហោរាសាស្ត្រ។

បច្ចុប្បន្នចរន្តនៃការទទួលទានទឹកតែកំពុងទទួលបានការពេញនិយមបំផុតដោយគេបានតុបតែង កែច្នៃរសជាតិចេញជាច្រើនប្រភេទ មានទាំងតែប្រភេទភេសជ្ជៈនិងតែជាគ្រឿងសំអាងស្ទើរតែផលិតចេញ ពីរុក្ខជាតិតែទាំងអស់ធ្វើឱ្យអ្នកនិយមចូលចិត្តទទួលទានភេសជ្ជៈតែ មានជម្រើសកាន់តែច្រើនឡើង។ ទោះបី យ៉ាងណាក៏ដោយភាពចំណូលភេសជ្ជៈតែមួយប្រភេទៗអាចទស្សន៍ទាយពីលក្ខណៈឧបនិស្ស័យរបស់មនុស្ស ម្នាក់ៗបាន។

តែពណ៌បៃតង អ្នកនិយមចូលចិត្តទទួលទានតែពណ៌បៃតងអាចធ្វើឱ្យយើងមើលដឹងថា ជាអ្នកចូលចិត្តធ្វើដំណើរ កម្សាន្តទៅកាន់ទីកន្លែងផ្សេងៗដើម្បីភាពសប្បាយរីករាយនៅក្នុងចិត្ត។ ជាអ្នកដែលចូលចិត្តប្រឈមនឹង គ្រោះភ័យយ៉ាងព្រហើន តែជាមនុស្សមិនចេះលាក់លៀមស្វះស្វែងរកការដឹងពីវត្ថុថ្មីៗទាន់សម័យ។ ជាអ្នកតាម ដានស្ថានការណ៍ដើម្បីស្វែងយល់ចង់ឃើញ ជាពិសេសផ្តោតអារម្មណ៍ទៅលើរឿងប្រាជ្ញា ឬក៏អាចអាថ៌កំបាំង តែមិនដល់ថ្នាក់ភ័យរន្ធត់លស់ព្រលឹងនោះទេ។ ចំណុចអាក្រក់រមែងមានគឺចូលចិត្តធ្វើអ្វីៗទៅតាមចិត្តនឹកឃើញ ហើយពេលខ្លះថែមទាំងរឹងរូសមិនអន់ប៉ុន្មានដែរ។ ជាមនុស្សមិនចូលចិត្តរស់នៅក្រោមគំនាបច្បាប់ណាមួយទាំងអស់ តែមិនសូវទ្រាំទ្របានចំពោះ ឧបសគ្គនិងការខកបំណងដែរ។ មិនសូវចេះចង់ដឹងចង់ឮរឿងអ្នកដទៃដែលមកបំផ្លាញដល់ជំហរឧត្តមភាព របស់ខ្លួន។ គេចូលចិត្តជួបជុំសប្បាយរីករាយជាមួយសង្គមមនុស្សច្រើនៗ ហើយមិនចេះនៅស្ងៀម។ ក៏ប៉ុន្តែ ពេលខ្លះបែរជាទន់ជ្រាយចិត្តស្រាល ព្រមទាំងមិនសូវចេះអត់ធ្មត់រង់ចាំអ្វីមួយទៀតផង។ ជាពិសេសថ្ងៃណាមួយដែលមិនបានក្រេបតែប្រភេទនេះ គេមានអារម្មណ៍ធុញថប់ស្ពឹកស្រពន់ មិនវាងវៃ។ គេចូលចិត្តចូលទីផ្សារធំៗ ហើយស្វែងរកតែប្រភេទនេះមកទុកនៅក្នុងដៃមុនគេ។ ក្រៅពីនេះគេ មិនចូលចិត្តកេងយកប្រៀបលើអ្នកដទៃ និងចូលចិត្តភាពសប្បាយរីករាយទៀតផង។ ចំពោះមនុស្សជាទី ស្រលាញ់វិញ គេអាចរៀបឫកពោស្ងៀមស្ងាត់រម្យទមដូចជាតួឯកនៅក្នុងខ្សែភាពយន្តតែរឿងអ្វីៗវិញនោះ ពួកគេរលូននឹងគ្នាបំផុត។

តែក្រូចឆ្មារ អ្នកដែលចូលចិត្តទទួលទានតែក្រូចឆ្មារអាចបង្ហាញឱ្យឃើញថា ជាអ្នកមានភាពមានះព្យាយាម ហើយក៏ជាមិត្តដែលល្អម្នាក់ផងដែរ។ គេចូលចិត្តសប្បាយរីករាយបែបមានជីវិតជីវ៉ាមានអារម្មណ៍ស្រស់ ស្រាយកំប្លុកកំប្លែង តែអាចធ្វើឱ្យអ្នកជិតខាងមិនស្រស់ស្រាយជាមួយក៏ថាបាន។គេមានភាពម្ចាស់ការលើ ខ្លួនឯង មានចិត្តទូលាយចូលចិត្តប្រឈមនឹងគ្រោះភ័យ ហើយប្រើជីវិតមានសេរីភាព។ ជាមនុស្សចិត្តសម្តែង ចេញនូវគំនិតយល់ឃើញក្នុងផ្លូវប្រាជ្ញឧត្តមគតិគំនិតផ្តួចផ្តើមល្អៗព្រមទាំងពូកែជ្រើសរើសវត្ថុមានគុណតម្លៃ ខាងផ្លូវចិត្តទៀតផង។ គេមានចិត្តជ្រួលជ្រើមក្លាហានដើម្បីភាពពេញចិត្តនៅក្នុងអារម្មណ៍រហូតដល់ពេលខ្លះអាចមានចិត្ត ឆេវឆាវអន្ទះសាហ៊ានស៊ីហ៊ានសង។ ជាមនុស្សមានភាពក្លាហានក្នុងការសម្រេចចិត្តដោយមិនខ្ចីចាប់អារម្មណ៍ ចំពោះស្ថានការណ៍ណាមួយទាំងអស់។ ទោះបីគេងាយនឹងប្រែប្រួលចិត្ត តែក៏មានការពិចារណាជាមុនដែរ។ ក៏ប៉ុន្តែប្រសិនបើពោលពីរឿងស្នេហាវិញ មនុស្សនេះរាងខូចខិលបន្តិចហើយ។ ដូច្នេះអ្នកចង់ចាប់ដៃគូជាមួយ មនុស្សប្រភេទនេះតោងពិចារណាឱ្យបានល្អិតល្អន់ ជាមុនសិនទើបល្អ។

ប្រភព៖ កម្មវិធី ហោរាសាស្ត្រខ្មែរ (Khmer Horoscope) របស់ Kode4U។